Македонија
Чичаковски: Теренската проверка ќе биде спроведена
Теренската проверка на податоците од избирачкиот список ќе биде извршена согласно усвоените методологии, за кои претходно е добиена согласност од сите четири политички партии, а во петок се очекува и продолжение на јавната седница на Државната изборна комисија (ДИК).
Ова го потврди претседателот на ДИК, по средбата на членовите на Државната изборна комисија со амбасадори и претставници на меѓународната заедница во земјата, која се одржа на барање на странците.Чичаковски по средбата изјави дека ги информирале претставниците на меѓународната заедница за прогресот во подготовката на изборите и за сите активности кои ги презема Комисијата.„Во фокусот им беше до каде сме со вкрстените проверки, со логистичките подготовки за теренските проверки, колку пријави има од граѓани за апликацијата објавена на нашата вебстрана“, рече Чичаковски.За тоа дали ДИК има решение за пријавите на граѓаните за Избирачкиот список, Чичаковски рече дека за кусо време ќе биде изнајдено решение.„Го дискутиравме тоа прашање. Седницата ќе биде продолжена и денеска. Се надевам за краток период ќе најдеме решение како да постапуваме по овие пријави. Граѓанската проверка на Избирачкиот список е од исклучително значење и ние по овие известувања ќе постапиме соодветно. Тие ќе бидат проверени и соодветно адресирани“, рече Чичаковски. Теренската проверка ќе биде извршена согласно усвоените методологии, за кои претходно е добиена согласност од сите четири политички партии.„Таму се наведени сите активности кои ДИК треба да ги преземе. На теренска проверка ќе бидат проверени сите сомнителни случаи кои ќе произлезат од вкрстените проверки“, рече претседателот на ДИК.Според него, ДИК ги презема сите активности за да успее во дадените рокови да ги заврши сите дејствија предвидени согласно новите изборни закони, а се однесуваат на предвремените парламентарни избори.Во однос на тоа какво ќе биде решението за иселениците, Чичаковски рече дека за тоа прашање ДИК сé уште нема дискутирано./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

