Македонија
ДИК го прифати приговорот на БЕСА, можно е прегласување
Членовите на Државната изборна изборна комисја (ДИК) во петокот со шест гласови „за“ и три „против“, го усвоија еден од осумте приговори на Движењето Беса, кое се однесуваше на едно избирачко место во Гостивар, во Изборната единица 6, и донесоа одлука да се поништи гласањето на тоа избирачко место, а доколку има разлика да има прегласување на него.
Станува збор за гласачкото место 0396/1 во Гостивар. Во неделата на 11-ти декември на ова избирачко место гласале 450 лица од запишани 892 избирачи. Разликата во целата Шестата изборна единица е 307 гласа, а во ова гласачко место СДСМ води пред ВМРО-ДПМНЕ со 102 наспроти 74 гласови. На ова избирачко место, инаку ДУИ освоила најмногу – 107 гласова, Движењето БЕСА – 48, Алијансата за Албанците – 68, ДПА – 24, а ПДП освои 6 гласа. Бројот на неважечките гласачки ливчиња е 21.
Според тврдењето на опозицијата, со прегласување во избирачките места во оваа изборна единица, СДСМ ако добие повеќе гласови може да земе еден пратеник на ВМРО-ДПМНЕ.
Во Изборната единица 6, победи ДУИ со 40.599 гласови кои му обезбедија 6 пратеници, а втора беше ВМРО-ДПМНЕ со 26.135 гласови кои носат 4 пратеници од оваа изборна единица, додека СДСМ доби 25.828 гласови и 3 пратеника. Но БЕСА, која е блиска опозициска партија со социјалдемократите освои 25.054 гласови, и исто така, 3 пратеника. По два мандата од „шестката“ освоија Алијансата за Албанците и ДПА.
Уште во четвртокот вечерта, откако беа одбиени седумте други преговир на Движењето, во ДИК се разви жестока и широка дебата по приговорот, а спорно беше, како што тврдат од БЕСА, тоа што гласачката Фатиме Сулејмани кога дошла на изборното место сфатила дека некој веќе го искористил нејзиното право на глас.
Од Избирачкиот одбор во четвртокот тврдеа дека потписот бил ист како во личната карта и затоа се сомневале дека тоа е обид за повторно гласање на иста личност, поради што побарале да се потпише на бел лист.
Во ДИК беа повикани на сослушување претседателот и членовите на избирачкиот одбор, како и самата Сулејмани, по што беше донесена одлука да се изврши графолошко вештачење на потписот.
Графологот одреден во ДИК во четвртокот ноќта со жрепка, во петокот утврди дека нејзиниот потпис бил фалисфикуван.
Силвана Бонева, член на ДИК од ВМРО-ДПМНЕ смета дека е неприфатливо што овластениот претставник на СДСМ за поднесувањето на приговорите до ДИК, многу се заземал за случајот, инаку приговор поднесен од Движењето БЕСА. Таа и во петокот побара сите пет членови на Избирачкиот одбор да дојдат, што беше отфрлено со надгласување од членовите на ДИК.
Бонева очекуваше да биде отфрлен приговорот затоа што тој еден глас не влијае на резултатите од изборите. Сепак, таа напомена дека немаат начин како да утврдат како друга жена ја имала личната карта на Сулејмани и вешто го имитирала нејзиниот потпис, ако се знае дека нема пријава дека личната карта е украдена или изгубена. Што ако е била намерно дадена на друго лице.
Истакна дека за вакво кривично дело казната е затвор до три години за членовите на изборачкиот одбор.
Во ДИК во петокот вечерта се одлучува за уште два приговора поднесени од СДСМ. Досега четири од приговорите ги одби Комисијата, а два ги повлече самата партијата.
Во меѓувреме, протестот на симпатизерите и членовите на ВМРО-ДПМНЕ започнат во четвртокот вечерта пред зградата во која е седиштето на ДИК продолжува втор ден. Демонстрантите кои изминатата ноќ на многу ниски температира се собраа во голем број од повеќе градови од земјата, велат дека сакаат да „го одбранат“ изборниот резултат од 11-ти декември, по кој според прелиминарните конечни резултати на ДИК, нивната партија освоила 51 мандат а опозицискиот СДСМ – 49 пратеници во новиот состав на Собранието./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Превентивно повлечени одредени серии „Аптамил“ формули за доенчиња, соопшти АХВ
Агенцијата за храна и ветеринарство информира дека, врз основа на информации добиени преку европскиот Систем за брзо предупредување за храна и храна за животни (RASFF), спроведено е превентивно повлекување од пазарот на одредени серии формули за доенчиња од брендот Аптамил.
Направена е итна инспекциска контрола кај увозникот на производите, од кој АХВ доби и официјално известување дека од пазарот веќе се повлечени производи опфатени со нотификациите и дека е извршено и нивно отповикување. Повлекувањето се однесува на ограничен број серии кај кои постои можност за присуство на цереулид.
„Производи опфатени со повлекувањето:
· APTAMIL AR 2
Сериски број (лот) Рок на употреба
20250924 / 111492248 24.09.2026
20251106 / 111505015 06.11.2026
· APTAMIL PRONUTRA 2
Сериски број (лот) Рок на употреба
20250619 / 111450979 19.06.2026
20260720 / 111470149 20.07.2026
20260922 / 111494041 22.09.2026
20261027 / 111509436 27.10.2026
20261130 / 111518857 30.11.2026
20261219 / 111526365 19.12.2026
20270121 / 111539141 21.01.2027
· APTAMIL PRONUTRA 1
Сериски број (лот) Рок на употреба
20260722 / 111473082 22.07.2026
20260904 / 111489543 04.09.2026
20261014 / 111504828 14.10.2026
20261126 / 111519122 26.11.2026
АХВ со апел потрошувачите кои имаат купено од наведените производи со дефинираните сериски броеви и рокови на употреба, истите да не ги користат, нештетно да ги уништат, или да ги вратат на местото од каде се купени.
Македонија
Владата го утврди Предлог-Законот за Советот на јавните обвинители, соопшти Министерството за правда
Владата на денешната седница на предлог на Министерството за правда го утврди Законот за Советот на јавни обвинители.
Овој закон, како што е соопштено, претставува значаен чекор кон зајакнување на независноста, отчетноста и транспарентноста на јавнообвинителскиот систем.
„Клучни измени во Предлог-законот:
Детално уредена постапка за разрешување на претседателот и заменик-претседателот на Советот, која се покренува врз основа на образложено барање од најмалку четири члена на Советот.
Засилена улога на Советот во постапката за избор и разрешување на Јавниот обвинител на Република Северна Македонија, вклучително и можност за поднесување иницијатива за разрешување до Собранието.
Зајакната транспарентност на работата на Советот, преку јавност на второстепената дисциплинска постапка, со јасно утврдени исклучоци за заштита на лични податоци, угледот на странките и други легитимни интереси.
Воведување прецизни и јасни критериуми за избор на членови на Советот, со кои се гарантира стручност, искуство и интегритет, по пример на новиот Закон за Судскиот совет.
Детално уредена постапка за разрешување на член на Советот, со прецизирани рокови и јасни критериуми“.
Од министерството информираат дека Предлог-законот, заедно со Предлог-законот за Јавното обвинителство, добија заедничко позитивно мислење Венецијанската комисија.
Македонија
Блокадите од ССМ имаат политичка заднина, смета Мицкоски
Премиерот, Христијан Мицкоски, вели дека денешниот протест на ССМ има политичка заднина и дека со договорот кој го направиле со синдикатите, Владата ги исполнила своите обврски.
„Па овој договор на Владата со синдикатите значи уште еден историски договор, дека во следните две години и неколку месеци, односно почнувајќи од април 2026 до април 2028, околу единаесет илјади луѓе од администрацијата и од службите во судовите и обвинителствата ќе добијат околу 40% повисока плата, од таа што денеска ја добиваат. И со ова Владата како најголем работодавач го заокружува својот договор со своите колеги. Практично на ова му претходеа здравствените работници, па образовните работници, па другите институции и конечно сега со САДУ и со УПОЗ, на тоа ги додадовме и вработените во службите на судовите и обвинителствата, околу единаесет илјади наши колеги. Сето ова кога ќе се заокружи, ние можеме да кажеме дека до крајот на мандатот на оваа Влада, сме ги регулирале нашите обврски и односи со нашите колеги“, рече Мицкоски.
На прашањето дали ќе се донесе едно конечно решение околу минималната плата, бидејќи денеска има блокади пред Собранието, а има и најави за блокирање на Стопанските комори и на Владата, премиерот Мицкоски рече:
„Не, тоа ќе продолжи. Затоа што ова има политичка позадина. Еден од денешните протестанти со мене држеше прес-конференција, видно во егзалтична состојба задоволен од тоа што го постигнал. Но, денеска го гледате блокира со тој другиот којшто се повикува на работнички права, злоупотребува службени возила за приватни цели и уште многу работи допрва, како што имам чувство, ќе бидат сведоци работниците кој ги води, кој ги манипулира во овие политички инструирани процеси. И тоа во периодот што следи, ќе го има, нема да престане, јас сум свесен. Но она, коешто за мене е важно како претседател на Владата е дека аргументот Владата е најголем работодавач, треба да си ги регулира обврските, ние си ги завршивме нашите обврски.
Во бипартитниот дијалог меѓу коморите, односно работодавачите и работниците, ние сме фасилитатор. И рековме ќе го поддржиме секое решение коешто практично тие ќе го договорат. Но политички инструирани, самонаречени водачи, ние не можеме да поддржуваме. Не сакаме да поддржуваме, да влегуваме во таков тип на процеси. Повторно ќе кажам, еден од оние коишто денеска протестираше, пред два дена со мене држеше прес-конференција во една егзалтична состојба, кажуваше дека ова е историски договор и дека ова никогаш не се случило до сега и така натаму. Но, граѓаните сами нека судат и нека ценат.“
Превентивно повлечени одредени серии „Аптамил“ формули за доенчиња, соопшти АХВ
Агенцијата за храна и ветеринарство информира дека, врз основа на информации добиени преку европскиот Систем за брзо предупредување за храна...
(Видео) Филипче: СДСМ повторно го поднесе законот за 600 евра минимална плата
Денеска пратеничката група на Социјалдемократскиот сојуз на Македонија и коалицијата повторно ќе го поднесе Законот за измена на Законот за...
Мицкоски: Не би се изненадил ако дојдеме и до 100 тони запленета марихуана
Премиерот, Христијан Мицкоски, денеска одговарајќи на новинарско прашање во однос на случајот со запленетата марихуана, дали ќе има некакви одлуки...
Најнов извештај: Во Македонија нема суштински напредок во борбата против корупцијата
Република Северна Македонија и годинава бележи 40 поени на Индексот за перцепција на корупцијата, што значи дека нема суштински напредок...
Левица: Усвоен предлог – законот со кој се укинува дискреционото право на директорите за вработувања во болниците
На денешната седница, Собранието на Република Македонија, во прва фаза, го усвои Предлог-законот поднесен од Левица со кој се укинува...
Блокадата на ССМ не ги принуди пратениците да дојдат пеш на работа, но Трендафилов вели дека нема да дозволи да наплатат трошоци како да трошат керозин
Добро утро на сите, освен на пратениците, поздрави претседателот на Сојузот на синдикати на Македонија, Слободан Трендафилов, пред почетокот на...
Лавров: Долг е патот до мир во Украина
Рускиот министер за надворешни работи, Сергеј Лавров, изјави дека нема причина да се биде ентузијастичен за притисокот на американскиот претседател...
„Инјекција“ од 112 милиони евра од Владата за општините во годината на локалните избори, соопшти Центарот за граѓански комуникации
Денеска, Центарот за граѓански комуникации го објави извештајот од следењето на доделувањето пари од Владата за инфраструктурни проекти во општините...
Засилени контроли во Центар, 50 евра глоба за непрописно паркирање, порача Герасимовски
Комуналните инспектори и редари на општина Центар спроведуваат засилени контроли на возила кои се непрописно паркирани на јавни и зелени...
ЈО да ја испита улогата на Заев и Филипче во случајот со запленетата марихуана, велат од ВМРО-ДПМНЕ
Нема скандал а во тоа да не се замешани кланот Заеви и Венко Филипче. И во последниот случај со заплената...
Вознемирувачки епизоди и морничави детали од новите документи за Епстин
Јавноста во голема мера се фокусираше на откритијата за Доналд Трамп, Бил Гејтс, Илон Маск и други познати личности во...
(Видео) Објавена снимка од пронаоѓањето на телото на Џефри Епстин
Британскиот „Телеграф“ објави досега невидени снимки од надзорни камери кои го прикажуваат моментот кога затворските чувари го пронашле телото на...
Американски конгресмен: Аферата Епстин може да биде крај на монархијата
Член на американскиот конгресен комитет што ја истражува аферата Епстин изјави дека скандалот би можел да означи „крај на монархијата“....
(Видео) Насилни протести во Сиднеј: Демонстрантите се судрија со полицијата
Триесет лица се уапсени, а десетици демонстранти побарале медицинска помош во Сиднеј откако избувнаа судири со полицијата поради посетата на...
(Видео) Нови детали за филмскиот напад во Италија: Разбојниците се преправале дека се полицајци
Организиран и вооружен напад врз возило за трансфер на пари беше извршен вчера утрото на автопатот SS613 што ги поврзува...
Мета и Гугл обвинети за намерно предизвикување зависност кај млади корисници
Судењето против Мета и Гугл започна во понеделник во граѓанскиот суд во Лос Анџелес, а адвокатите на тужителите ги обвинија...
(Видео) Американската војска нападна уште еден брод во Пацификот, двајца мртви
Американската војска објави на социјалната мрежа X дека извршила напад врз брод во источниот Пацифик ноќеска по централноевропско време, при...
ВМРО-ДПМНЕ избра нови претседатели на повеќе партиски комисии
На првата редовна седница на новиот состав на Извршниот комитет на ВМРО-ДПМНЕ, донесени се одлуки за кадровски освежувања и распишување...
ЕУ забранува уништување на непродадена облека и обувки
Европската комисија денеска усвои мерки со кои се спречува уништување на непродадена облека, модни додатоци и обувки, со цел да...
Даниел не се замерил со никого, мотивот најверојатно е пари, рече адвокатот на Кајмакоски кој по киднапирањето е стабилен, но под стрес
Македонскиот пејач, Даниел Кајмакоски, беше киднапиран во Белград ноќта меѓу сабота и недела, а по трауматичниот настан моментално се опоравува,...
