Македонија
Груевски порача дека на 11-ти декември се носи одлука „за Македонија“

Изборите на 11-ти декември ќе бидат еден вид одлука за Македонија којашто не потклекнува пред сценарија кои ги изготвиле некои, порача челникот на ВМРО ДПМНЕ, Никола Груевски на митингот во Кавадарци во средата вечерта.
„На овие избори секој носи многу важна одлука. Прво, ова е одлука за тебе. За секој од вас. За тоа кој ќе ти овозможи подобар живот тебе и на твоето семејство. Кој има подобра програма со конкретни мерки, програма која е реална и нуди решенија за твоите секојдневни проблеми и за која знаете дека со сигурност ќе ја реализира. И второ, овие избори се и еден вид друга одлука. Одлука за Македонија. За Македонија која не потклекнува пред уцени и не потклекнува на сценарија кои ѝ ги изготвиле некои“, рече Груевски на предизборниот собир на Коалицијата за подобра Македонија, предводена од ВМРО-ДПМНЕ.
Груевски истакна дека Македонија „е силна и нема да дозволи да ја држат под постојана тензија, да ја редефинираат“ и променат на полошо или, пак, да си поигруваат со неа и со извесноста на нејзината иднина, со нејзиниот суверенитет и со нејзината државност.
„Македонија која сака да оди напред верувајќи во сопствените капацитети и во сопствените вредности. Македонија во која живее горд и достоинствен народ, кој е мудар и многу добро знае да препознае што се случуваше сиот изминат период. И народ кој никој не смее да го потценува. Силата на нашиот народ ни даваше и нам сила да истраеме да издржиме и да бидеме подобри, убедени дека народот знае каква иднина за себе посакува, и кој може таква иднина да му обезбеди. Иднина на развиена економија, на подобар стандард, на нови работни места, на фокусирање и решавање на реалните проблеми на луѓето“, рече Груевски.
Додаде дека бидејќи суштината и смислата на делувањето на сите политичари, според него, е подобар живот за граѓаните, отворање работни места, посочувајќи притоа дека неговата влада овозможувајќи ја инвестицијата на „Дрексел Мајер“, кој вработи повеќе од 5.600 луѓе, односно наоѓање можности за луѓето и решавање на нивните проблеми.
„Ние знаеме кои се очекувањата од нас. Веруваме во тебе и веруваме во Македонија. Тука сме да ги штитиме вашите интереси, да ги штитиме интересите на државата. Време е Македонија да продолжи да оди напред! Доста беше криза! Доста ја влечеа државата надолу! Време е да се остави конфликтноста и поделеноста зад нас и да продолжиме напред со силно темпо“, порача Груевски.
Поради тоа, продолжи лидерот на владејачката ВМРО-ДПМНЕ, тој е уверен дека граѓаните ќе умеат да препознаат кој може да стори повеќе за подобрување на животниот стандард.
„.. Со кого ќе бидете посигурни дека нема да ве изневери и да ве излаже, знае што е подобро за тебе и за твоето семејство, знае што е подобро за Македониј… Знаете што е подобро за Македонија, и на 11-ти декември сите вие, знам дека ќе го кажете тоа и ќе изберете влада која ќе ја води земјата напред во нови успеси“, заклучи Груевски./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Средба на министерката Петровска со српскиот министер за одбрана, Вучевиќ

Министерката за одбрана, Славјанка Петровска, денеска го пречека на работна средба потпретседателот на Владата и министер за одбрана на Република Србија, Милош Вучевиќ, кој е во работна посета на Република Северна Македонија.
За време на средбата беше разговарано за унапредување на соработката во доменот на одбраната, како и за учеството на земјите во регионалните иницијативи како платформи за зајакнување на регионалната стабилност и безбедност.
Министерката Петровска истакна дека одржувањето на стабилноста во регионот е од приоритетно значење, кое се постигнува со отворен дијалог и добрососедски односи, а дека активното учество во регионалните иницијативи за соработка придонесуваат за градење на меѓусебна доверба и разбирање.
Петровска додаде дека целосната интеграција на земјите од Западен Балкан во Европската Унија суштински ќе придонесе за зајакнување на стабилноста и ќе ја зголеми соработката во регионот.
Македонија
Царината заплени половина тон тутун за наргиле и над 2 илјади електронски цигари

Во заедничка акција на инспектори од Секторот за контрола и истраги на Царинската управа со Одделот за крим-полиција – Сектор за економски криминал и корупција на МВР и инспектори од Управата за јавни приходи и Пазарната инспекција, запленети се речиси половина тон тутун за наргиле, електронски цигари и течност за електронски цигари.
Имено, вчера, на 26.1.2023 година, на неколку локации во Скопје во рамките на координираната акција беше извршена контрола во која беа откриени и запленети необележани акцизни производи, без акцизни маркички, од кои 454 кг тутун за наргиле, 2.290 електронски цигари, со содржина од 15.130 милилитри течност за електронски цигари.
Со оваа заплена е спречен обид на пуштање во слободен промет акцизна стока за која е избегнато плаќање давачки од вкупно 2,5 милиона денари.
Запленетата стока во согласност со законските прописи ќе биде предадена во Агенцијата за управување со одземен имот, а против инволвираните правни и физички лица поднесени се соодветни пријави до надлежните институции.
Македонија
Средба Османи – Џејн

Министерот за надворешни работи, Бујар Османи, денес оствари средба со амбасадорката на Кралството Шведска во Република Северна Македонија, Ами Ларсон Џејн.
Во фокусот на средбата беа повеќе теми, пред сè, актуелните претседавања на Шведска со Европската Унија и на Република Северна Македонија со ОБСЕ, зачленувањето на Шведска во НАТО и безбедносната состојба на европскиот континент, претседавањето на Шведска со ИХРА и соработката во билатералната и мултилатералната сфера, како и најновиот развој на состојбите во регионот на ЈИЕ.
Во својство на претседавач со ОБСЕ, министерот Османи информира за приоритетите на претседавањето на Северна Македонија со ОБСЕ и се заблагодари за шведската продуктивна соработка и поддршка во рамките на ОБСЕ-тројката.
Министерот Османи се заблагодари за шведската континуирана поддршка за интеграција на Северна Македонија и на Западен Балкан во целина во EУ.
Потсетувајќи дека при последното претседавање на Шведска со Советот (во втората половина на 2009 година), нашата земја ги доби визната либерализација и првата препорака на ЕК за почеток на пристапните преговори, изрази уверување дека со својата прагматична и политика ориентирана кон резултати сегашното претседавање на Шведска исто така ќе остави позитивен белег во европската траекторија на нашата земја.