Македонија
Guardian: Тетово најзагаден, следат Скопје и Битола
![](https://makfax.com.mk/wp-content/uploads/2017/02/zagadenost.jpg)
Весникот Guardian дошол до податоци на Светската здравствена организација (СЗО) за опасните PM2.5 честички и овие податоци ги преточил во листа на региони и градови со најзагаден воздух.
Оваа листа открива градови со најзагаден воздух во Европа, САД, Африка, Азија и други региони.
Кога ќе се изземе Турција, во десетте градови со најзагаден воздух во Европа се наоѓаат три градови од Македонија, по еден од Босна и Херцеговина, Црна Гора и Бугарија, и четири во Полска.
Во Европа, доколку се изземе Турција, најзагаден град е Тетово во Македонија, Тузла во БиХ и македонскиот главен град Скопје, а меѓу десетте најзагадени се Плевља (Црна Гора) и Битола (Македонија).
„Тетово во Македонија – град со 50.000 жители во близина на границата со Косово – го има најлошиот PM2.5 загадување на воздухот во Европа, според податоците на СЗО“, пишува Guardian.
„Воздухот во Париз можеби има двојно повеќе PM2.5 честички од нивото препорачано од страна на СЗО (18 микрограми по кубен метар споредено со 1010µg/m³) – но воздухот во Делхи содржи 122µg/m³, додека во Забол, Иран, е најлош со 217µg/m³.”
Се наведува дека милијарди луѓе ширум светот се изложени на опсен воздух, но степенот на загаденост варира и најзагадени грдаови се во Азија и Африка./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.