Министерот за одбрана на Република Македонија, Зоран Јолевски во среда оствари средба со Директорот за меѓународна безбедносна политика во Министерството за одбрана на Обединетото Кралство, Ник Гур. 

 За време на средбата двајцата соговорници разговараа за состојбата за глобалните безбедносни предизвици. Јолевски истакна дека Република Македонија и Армијата на Република Македонија се цврста алка во синџирот на одржување на мирот и безбедноста во Регионот и пошироко и дека доказ за тоа се мировните мисии на кои сме посветени и хуманиот пристап во справувањето со мигрантската криза. Гур ги поздрави напорите на Република Македонија и Армијата на Република Македонија за влез во НАТО, модернизацијата на армијата и рече дека значењето на Македонија во справувањето со безбедносните предизвици е високо вреднувано.   Јолевски и Гур се согласија дека нивото на соработка помеѓу двете министерства е на високо ниво и дека истото треба да продолжи во нагорна линија. Тие исто така порачаа дека од големо значење е и потпишувањето на комуникето од Лондон за мировните мисии на Обединетите Нации. Гур истакна дека Велика Британија останува поддржувач на аспирациите на  Македонија за влез во НАТО. Исто така е определена да ги поддржи реформите во одбраната и јакнењето на одбранбените капацитети на АРМ. /крај/со/ст