„Ги слушаме претставниците на ВМРО Ванчовистичка во јавните настапи како зборуваат за внесување на Бугари во Устав.

Дали сега за поскапувањето на струјата се виновни Бугарите“, прашуваат од СДСМ.

Или, како што додаваат, е виновен претседателот на СДСМ, Венко Филипче, Заев Заев кој 5 години е во полтичка пензија.

„Дали е виновен некој друг од СДСМ?

Секогаш некој друг е виновен за криминалот и корупција на ВМРО Ванчовистичка.

Сега излегле со најново „сензационално“ сознание: Бугарите се виновни што нема мазут. Виновни се и што поскапе струјата.

Наскоро ќе бидат други виновни и што недостига една милијарда евра во буџетот.

Добро како гледа ВМРО Ванчовистичка на граѓаните во Македонија?

Да не ги гледа со „магарешки уши“?

Да не беше тажно — ќе беше навистина смешно“, додаваат од опозициската партија.

Кризната состојба во енергетиката не е поради протестите во Грција туку поради криминалните тендери и неспособноста на ДПМНЕ, велат од СДС:

„Кои се фактите:

-77 милиони евра е официјална загуба за само првите два квартали оваа година, со проекција од над 100 милиони евра загуба до крајот на 2025 година.

-Има историски најлошо производство на домашна струја, од планирани 5.100 GWh, не се произведени ниту половина.

-Наместо да се произведува струја дома, која чини 80-90 евра мегават час, Владата купува скапа струја за 140 евра мегават часови.

Сето ова треба да се покрие со „кризна состојба“ за граѓаните да ги платат овие загуби.

Така доаѓаме и до клучното прашање: зошто навреме не бил набавен мазут, зошто се чекало досега“.

Прашуваат, дали можеби веќе постои избрана фирма за снабдување со мазут.

„Какво е ова решение да се трошат преостанатите резерви на мазут без обезбедени нови количини? Па тоа само ќе ја продлабочи загубата во ЕСМ.

Граѓаните го знаат одговорот. Заради тендери. За некој да профитира. Како што се и 161 тендер за една фирма или 9 милиони евра за друга фрима за двајца вработени.

100 милиони евра загуба, буџетска дупка од 1 милијарда евра, се заради криминални тендери.

Одговорност ова мора да има“.

Републичкиот совет за безбедност на сообраќајот на патиштата, во пресрет на новогодишните и божиќните празници ја реализира новогодишната кампања за подигнување на јавната свест за ризиците од управување на моторни возила под дејство на алкохол.

Празничниот период е карактеристичен по зголемена раздвиженост на населението, зголемен интензитет на сообраќајот, новогодишни прослави и семејни дружби, што објективно го зголемува ризикот од настанување на сообраќајни незгоди со тешки последици, истакнуваат од таму.

„Алкохолот значително ги нарушува психофизичките способности на возачот, ја намалува концентрацијата, го продолжува времето на реакција и ја компромитира способноста за правилна проценка и донесување одлуки во сообраќајот.

Управувањето на возило под дејство на алкохол не претставува само прекршување на сообраќајните правила и прописи, туку и сериозен безбедносен ризик кој директно ги загрозува животот и здравјето на возачите, патниците и останатите учесници во сообраќајот.

Последиците од ваквото неодговорно однесување често се трајни и ненадоместливи – за поединците, семејствата и општеството во целина.

Во таа насока, Републичкиот совет за безбедност на сообраќајот на патиштата упатува јасен и недвосмислен апел до сите учесници во сообраќајот:

• да не управуваат моторно возило под дејство на алкохол;

• навремено да планираат безбедна алтернатива за превоз ( јавен превоз, такси-служба );

• доследно да ги почитуваат сообраќајните правила и прописи, со посебен акцент на ограничувањата на брзината на движење, почитување на сообраќајната сигнализацијата и користење на заштитна опрема;

• да покажат зголемена внимателност и одговорност кон ранливите категории на учесници во сообраќајот.

Безбедноста во сообраќајот е заедничка одговорност на сите. Со почитување на законските прописи и одговорно однесување во сообраќајот, секој поединец може да придонесе празничните денови да бидат исполнети со радост и среќа, а не со трагични последици“.