По новите наводно прислушувани разговори коишто во вторникот ги објави опозицијата, а во кои наводно се слуша гласот на министерката за внатрешни работи, Гордана Јанкулоска како договара изборни нерегуларности, како се врши притисок на луѓе да гласаат за владејачката партија, Јанкулоска изјави дека лидерот на СДСМ, Зоран Заев објавува креирани материјали кои се се прибавени на незаконски начин.

На денешната прес-конференција на којашто министерството за внатрешни работи презентриаше над 100 килограми запленета дрога, Јанкулоска на новинарските прашања дали ќе поднесе оставка од функцијата, дали нејзниот глас на објавените снимки во јавноста е автентичен даде ист одговор. „Лидерот на опозицијата е соочен со сериозни сомневања за сторени тешки дела, врши активности кои се спротивни на законските прописи на Македонија. Со помош на креирани материјали коишто се прибавени на незаконски начин се обидува да создаде впечаток во јавноста кој не кореспондира со реалноста. Опозицијата секогаш има легитимно право да бара оставка од владата и од поедини функционери, меѓутоа постапката за барање оставка е институционална и таа оди преку Собранието. Во мојата политичка кариера СДСМ и други политички партии во повеќе наврати иницирале таква постапка и во таква една процедура институциите се изјасниле во однос на тоа. Секогаш кога зборуваме за било каков вид на одговорност треба да се следи институционалниот пат на разрешување на проблемите или одговор на сето она што можеби е недоумица“ изјави Јанкулoска.Таа испрати апел до јавноста, внимателно да ги следи случувањата и да донесе сопствен суд врз основа на фактите, а не врз основа на она што го тврди опозицијата.На почетокот на трибината на СДСМ во Универзалната сала, Министерството за внатрешни работи истовремено свика прес – конференција на којашто соопшти дека Заев е осомничен за корупција, односно дека барал поткуп од 200.000 евра од струмички бизнисмен. „Станува збор за случај на класична корупција и во овој случај лицето кое е осомничено за стореното кривично дело во својство на службено лице на друго лице му побарало подарок во значителна вредност за да заврши службено дејствие. Тоа е казниво, коруптивно дело. Делото кај нас беше предмет на обработка подолго врме со оглед на тоа што оштетениот го пријавил делото на крајот од 2013 година до надлежен јавен обвинител, а потоа по наредба на обвинителот спроведени се соодветни активности за обезбедување на докази, документирање и финализирање на овој предмет во смисла на поднесување на кривичната пријава“ изјави Јанкулсока за случајот со лидерот на СДСМ.

На новинарско прашање зошто нема снимка од земањето поткуп, како што тоа е случај за кривични дела поврзани со други лица, Јанкулсока изјави дека Министерството ги предочило доказите на истражните органи заедно со кривичната пријава.Заев на вчерашната трибина обвини дека власта сакала да го „намести“ исто како Љубе Бошкоски. Тој го соопшти и името на бизнисменот, за кој тој тврди дека бил провокатор, а станува збор за Иво Сачевалиев од Струмица од фирмата „Иво“ за конзервна храна.„Последната година јас сум под посебни истражни мерки, намерата беше да направат со мене исто како за Љубе, да местат бизнисмен да дава пари за кампања“ рече Заев.

Според Јанкулоска, именувањето на бизнименот претставува директна закана од страна на Заев.„Не би ги коментирала сите изјави на Зоран Заев посебно заради тоа што тие се менуваат од ден на ден и зависат од неговото расположение и целта која проценил дека во текот на тој ден треба да ја постигне. Самото спомнување наименично, спомнување на нивните семејства на митинг на неговата партија  не би можело да се протолкува никако поинаку освен  како директна закана кон лицата кои беа поименично споменати“ рече Јанкулоска.  Во овој момент лидерот на СДСМ, Зоран Заев се наоѓа во Обвинителството за организиран криминал, каде што го дава својот исказ во врска со аферата „Пуч” во којашто е четвртоосомничен за насилство врз раководни функционери. Во вторникот исказ за овој случај даде и првоосомничениот, поранешниот диркетор на Управата за безбедност и контраразузнавање, Зоран Верушевски./крај/мф/ффс