Министерот за одбрана, Зоран Јолевски кој во вторникот имаше обраќање на тркалезна маса во Комитетот за вооружени сили во Сенатот на САД, учествувале во дискусија и имаше билатерални средби во САД, побарал итен прием на Македонија во НАТО, односно на Македонија да и се даде покана за членство во НАТО што поскоро.

На тркалезната маса на која говорници беа повеќе сенатори, конгресмени и претставници од Југоисточна Европа, како и сенаторот Меккејн. Соработката со САД е на високо ниво, Македонија заслужува итен прием во НАТО, се темите на средбите коишто продолжуваат на министерот Јолевски во САД при што се истакнува дека интеграцијата на земјите од регионот во НАТО и во Европската унија ќе придонесе за натамошно зајакнување на земјите од регионот и позитивно ќе влијае врз стабилноста и просперитетот на земјите од југоисточна Европа.Во Вашингтон министерот Јолевски остварил средба и со заменикот-помошник секретар за одбранбена политика на Европа и НАТО, Даниел Фата. За време на состанокот министерот Јолевски рекол дека членството на Македонија во НАТО ќе придонесе кон воспоставување и одржување на стабилна безбедносна клима во регионот и пошироко. Фата порачал дека Македонија и Армијата на Македонија со учеството во мировните мисии ИСАФ до 2015 година, а потоа и во „Одлучна поддршка“ се покажале како исклучителни поддржувачи на глобалните вредности за мир и демократија.За време на дискусија на тема „Безбедноста и мигрантската криза во западен Балкан“ организирана од страна на Германскиот Маршал Фонд министерот Јолевски имал свое обраќање, соопштуваат од Министерството за одбрана. „Кризата со мигрантите е заеднички предизвик на Европа и затоа има потреба да се зголеми соработката и координацијата помеѓу државите погодени од неа. Последните настани ја наметнаа неопходноста од поддршка, обединување, не само во ЕУ туку и пошироко“, истакнал министерот Јолевски. Јолевски порачал дека припадниците на Армијата се исклучителни во извршувањето на своите задачи и дека даваат се од себе во соработка со МВР, меѓународните и невладините организации на најхуман начин да го олеснат преминот на мигрантите преку јужната граница.Од страна на високи претставници на американската администрација била истакната подготвеноста да дадат поддршка на Македонија во справувањето со мигрантската криза. Во текот на дискусијата министерот Јолевски уште еднаш побарал што побрзо да и се даде покана на Република Македонија за членство во НАТО и да започнат преговорите за членство во Европската Унија. „Статус кво ситуацијата во интегративните процеси на Македонија е неодржлива“ изјавил Јолевски истакнувајќи притоа дека Македонија ги исполнила условите за членство во НАТО уште во 2008 година./крај/мф/