Македонија
Кој се ќе седне во новиот состав на Собранието
Откако во понеделник вечер Државната изборна комисија ги објави конечните прелиминарни изборни резултати од предвремените парламентарни избори и преброја која партија колку мандати доби, се знаат и имињата на идните пратеници.
ВМРО-ДПМНЕ во првата изборна единица освои осум мандати, што значи според кандидатската листа првите осум треба да седнат во пратеничко столче и тоа: Никола Попоски, Елизабета Канческа Милевска, Борис Змејковски, Драган Данев, Даниела Рангелова, Љупчо Димовски, Крсто Јовановски и Чедомир Саздовски.
Од ВМРО-ДПМНЕ во втората изборна единица има девет пратеници и тоа Никола Тодоров, Трајко Вељаноски, Жаклина Пешевска, Иван Стоиљковиќ, Амди Бајрам, Владанка Авировиќ, Зоран Ѓорѓиевски, Јохан Тарчуловски и Весна Дамчевска – Илиевска.
Третата изборна единица за ВМРО-ДПМНЕ ги даде следниве 11 пратеници: Илија Димовски, Емил Димитриев, Слаѓана Митовска, Трајчо Димков, Стојан Миланов, Магдалена Манаскова, Зеќир Рамчиловиќ, Никола Мицевски, Благица Ласовска, Емилија Александрова и Иван Иванов.
Од ВМРО-ДПМНЕ од четворката во Собрание влегуваат десетмина и тоа Никола Груевски, Ванковер Манчев, Ане Лашкоска, Панчо Минов, Весна Пемова, Васил Пишев, Нада Ципушева, Димитар Стевананџија, Драган Цуклев и Павлинче Честојнова.
Петката има девет пратеници од ВМРО-ДПМНЕ и тоа Антонијо Милошоски, Зоран Илиоски, Лилјана Затуроска, Љубен Арнаудов, Благоја Деспотовски, Нола Исмајлоска Старова Крсто Мукоски, Сашо Василевски и Лилјана Кузмановска.
ВМРО-ДПМНЕ во шестата изборна единица има четири пратеници и тоа Владимир Ѓорчев, Јусух Хасани, Дафина Јованоска – Стојаноска и Горан Манојлоски.
Од СДСМ во првата изборна единица во Собрание влегоа 10 пратеници и тоа Стево Пендаровски, Рената Дескоска, Дамјан Манчевски, Стефан Богоев, Павле Богоевски, Соња Мираковска, Диме Велковски, Татјана Прентовиќ, Ивана Туфегџиќ и Петар Атанасов.
Во втората изборна единица СДСМ има осум пратеници: Оливер Спасовски, Фросина Ташевска – Ременски, Мухамед Зеќири, Маја Морачанин, Ферид Мухиќ. Максим Димитриевски, Курто Дудуш и Тања Ковачев.
Од СДСМ во третата изборна единица како пратеници во Собрание ќе влезат деветмина Љупчо Николовски, Благоја Бочварски, Јагода Шахпаска, Панче Иванов, Сашко Костов, Јулијана Николова, Енес Ибраим, Илија Николовски и Мира Стојчевска.
Четворката од СДСМ ги даде следните 10 пратеници: Зоран Заев, Хари Локвенец, Катерина Кузмановска, Горан Мисовски, Коста Јаневски, Кети Смилеска, Бетиан Китев, Сашо Поцков, Милева Ѓоргиева и Мери Лазарова.
Од петата изборна единица во Собрание СДСМ ќе ги има следните пратеници: Радмила Шекеринска – Јанковска, Александар Кирацовски, Томислав Тунтев, Горан Милевски, Васко Ковачевски, Ирена Стефоска, Јован Митрески Алија Камбероски и Жаклина Лазаревска.
Шестата изборна единица од СДСМ има тројца пратеници и тоа Петре Шилегов, Ѓулумсер Касапи и Благојче Трпевски.
ДУИ ги има следните десет пратеници: Артан Груби од единицата, Ејуп Аљими и Реџаиљ Исмаили од двојката, Агим Шаќири од петката и од шестата изборна единица Али Ахмети, Талат Џафери, Шпреса Хадри Бранко Маноиловски, Џеват Адеми и Мирсада Емини – Асани.
Партијата БЕСА ги има следните пет пратеници: Зеќирија Ибрахими, Африм Гаши, Биљал Касами, Фадил Зендели и Теута Биљали.
Алијансата на Албанците ги даде следните пратеници: Сурија Рашиди, Зиадин Села и Весел Мемеди.
ДПА има двајца пратеници и тоа Мендух Тачи и Бардуљ Даути.
Секако, оваа листа никако не е конечна, затоа што според правилата, оние кои ќе станат премиер, министри, не можат да бидат пратеници, па така во Собрание влегуваат следните на листата. Лидерот на СДСМ Зоран Заев, од друга страна пак, ќе треба да избере дали ќе остане градоначалник на Струмица или ќе го прифати пратеничкиот мандат./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.