Македонија
Квалитетни и поевтини лекови за ХИВ во регионот
Подобро планирање и соодветно буџетирање за антиретровирусните лекови, но и оптимизирање на трошоците за лекување на ХИВ преку конкретни мерки.
Ова се дел од препораките на лицата со ХИВ и нивните поддржувачи од регионалната средба на тема „Пристап до терапија за ХИВ“ која изминатиов викенд се одржа во Скопје. Домаќин и организатор на средбата беше Здружението за поддршка на луѓето што живеат со ХИВ – ЗАЕДНО ПОСИЛНИ Скопје, а на неа учествуваа 25 претставници од вкупно 18 земји од регионот на Централна и Југоситочна Европа.Ограничени и застарени тераписки опции, опасни прекини во континуитетот на терапијата, недоволен број на регистрирани антиретровирусни лекови и несоодветно буџетирање се дел од проблемите со кои се соочуваат луѓето со ХИВ во повеќе земји од нашиот регион. Во Повикот за акција упатен до владите, фармацевтската индустрија, како и до самата засегната заедница, лицата со ХИВ и нивните поддржувачи апелираат за поголеми напори во обезбедувањето одржлива и квалитетна терапија.„Фармацевтските компании ги повикуваме на социјалната и етичката одговорност што ја имаат да обезбедат брз пристап до животоспасувачки терапии по цени кои нашите влади ќе можат да ги плаќаат на долг рок. Тие без одложување треба да ги регистрираат своите лекови во сите земји од нашиот регион и да определат достапни цени. Од друга страна, дел од конкретните решенија со кои нашите влади можат да ги оптимизираат трошоците за лекување на ХИВ, при што истовремено ќе овозможат поголема достапност на современи тераписки опции, се: преговори помеѓу со фармацевтската индустрија, со рамноправно вклучување на претставниците на пациентите; создавање услови за поголема конкуреција на пазарот на антиретровирусни лекови, како и спроведување на регионални групни набавки на лекови со здружување на повеќе земји од регионот“, изјави Андреј Сених, извршен директор на ЗАЕДНО ПОСИЛНИ.Во името на Мрежата на земји со ниска преваленца на ХИВ во Централна и Југоисточна Европа, извршниот директор на Здружението Кју-Клуб од Белград, Република Србија се осврна на предизвиците што ги носи ниската стапка на ХИВ.„Во услови кога проблемот со ХИВ-инфекцијата се перципира како релативно мал во нашиот регион, забележуваме недоволно внимание и заложби во врска со ХИВ, недоволно стратешко планирање и недоволни средства што се изделуваат за да се обезбедат квалитетни лекови и алатки за следење на инфекцијата, како и сеопфатна здравствена грижа. Но пациентите се повеќе од потрошувачи, лековите се повеќе од производи, а пристапот до најдобрата можна терапија и грижа се основни човекови права и му служат на јавното здравје. Како заедница, ќе продолжиме да ги едуцираме пациентите за важноста на доследното придржување до терапијата, и да обезбедуваме поддршка, со цел да осигураме најдобар можен резултат од лекувањето. Тоа е наш влог во справувањето со ХИВ во регионот“, вели Петковиќ.Својата поддршка на луѓето со ХИВ во регионот им ја дадоа неколкумина искусни активисти од САД и Велика Британија.„Живеам со ХИВ од 1981 година. Благодарение на тоа што се тестирав доволно рано, имав пристап до соодветна здравствена грижа уште од самиот почеток. Успеав да преживеам доволно долго, сѐ до моментот кога ефективната терапија стана достапна во 1996 година. Со добра терапија и грижа можам да останам здрав. Никогаш досега не сум бил хоспитализиран поради компликации поврзани со ХИВ. Во 20. век тоа беше реткост, но тоа е реалност кога луѓето навреме го откриваат својот ХИВ-позитивен статус и кога добиваат терапија и здравствена грижа. Јас единствено сакам и другите да ги имаат истите можности коишто ми беа достапни мене, но исто така знам дека раното тестирање и навремената терапија во крајна линија значат значителна заштеда на средства за владите“, изјави Бенџамин Колинс, меѓународен активист на полето на ХИВ и поддржувач на „Заедно посилни“./крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Мицкоски е скапо платен спроведувач на интересите на држави кои не ѝ мислат добро на Македонија
За една година ВМРО-ДПМНЕ ја заглави државата на меѓународен план, станавме држава заложник на туѓи интереси, кажа претседателот на Социјалдемокртаскиот сојуз на Македонија, Венко Филипче, на вечерашната трибина „Мугра на Слободата“, во Крушево.
Тој рече дека Владата на ВМРО ДПМНЕ од држава со јасна иднина напред, ја направи држава заложник на туѓи интереси.
„За една година ВМРО-ДПМНЕ ја заглави државата на меѓународен план. Од држава со јасна иднина напред, станавме држава заложник на туѓи интереси кои што ја раководат оваа власт преку финансиско заложништво. Мицкоски е скапо платен спроведувач на политики на држави кои не и мислат добро на Македонија, туку ја гледаат само како поле за своите геостратешки интереси“, рече Филипче.
Тој обвини дека Мицкоски со новите задолжувања направил вистинско предавство на интересите на државата.
„Долговите од 7 милијарди евра ќе бидат камен околу вратот за секој млад човек и за развојот на државата во следните 10 години. Ова е вистинско предавство на националните интереси, вистинско предавство на државата“, рече Филипче.
Во обраќањето пред присутните граѓани во Крушево, Филипче рече дека премиерот Мицкоски ја турка Македонија во амбисот на криминалот, корупцијата, самоволието, киднапирајќи ја европската иднина за државата.
Македонија
(Видео) Филипче: Димитриевски му слугувал на Мицкоски за да се спаси од политички прогон
На вечерашната граѓанска трибина „Мугра на слободата“ која се одржа во Крушево, претседателот на СДСМ, Венко Филипче, во своето обраќање рече дека кумановскиот градоначалник Миксим Димитриевски му слугувал на Мицкоски за да се спаси од политички прогон.
„Максим Димитриевски конечно се потврди за што е влезен во коалиција со Мицкоски и која беше неговата цел. Не била само поделбата на СДСМ. Негова цел била да се спаси од правен прогон. Скандалозно е и преседан е во судството на само еден ден од носење на пресуда обвинението против него да се повлекува. И ова е јасен знак дека тој е политички заштитен од Христијан Мицкоски и дека е сега негов вечен должник. Јасно е зошто тројанскиот коњ Димитриевски беше задолжен да го дели СДСМ. Сега повеќе никој не му верува“, рече Филипче.
Оценувајќи ги меѓупартиските релации, тој во своето обраќање партиите ВМРО-ДПМНЕ и ЗНАМ ги нарече колаборациоалисти.
„ВМРО-ДПМНЕ и нивниот привезок ЗНАМ се колаборационисти. Со години лажат и шират хистерија дека тие ќе се „бореле со Бугарите“, а впрочем тие се тоа. Нема кој нема бугарски пасош од нив и не е проблем да имаш бугарски пасош, од било која причина – економска, социјална или лична – но лицемерно е да се правиш патриот дека ќе се бориш против „бугарски диктат“ а да имаш фирми во Бугарија, државјанства, и разни други интереси. За нив може ЕУ, за другите не може“, рече Филипче.
Македонија
Мицкоски: Ќе воведеме обврска институциите да одговорат на барањата на граѓаните, задолжително и во најбрз рок
Ќе воведеме обврска институциите да одговорат на барањата на граѓаните, задолжително и во најбрз рок, најави премиерот и претседателот на ВМРО-ДПМНЕ Христијан Мицкоски на денешната трибина во Струмица насловена „Една година ги градиме темелите на македонското земјоделство и храна“.
„Свесен сум дека мора да направиме и многу други работи. И работиме на тоа. Мора да се знае дека граѓаните ќе бидат на прво место. Затоа предвидуваме гаранција за услуга, во рок од 5 дена во сите општини и институции. Тоа нема да биде желба , туку закон. Секој граѓанин ќе добие одговор. Навреме, точно и без чекање. Ќе воведеме нова услуга каде администрацијата, за првпат, ќе биде таа што ќе го бара граѓанинот, а не спротивно. Ставаме крај на молкот, одложувањата и бирократската ароганција. Ќе обезбедиме гарантиран максимум на чекање во институциите. Ќе постојат јасни граници и секое прекршување ќе се казнува. Почит за времето на граѓанинот ќе биде основна вредност на новата јавна администрација. Ќе воведеме Јавна листа со времиња на чекање по сите здравствени установи. Транспарентноста ќе стане стандард, пациентите ќе знаат каде ќе добијат најбрза услуга“, кажа Мицкоски.
Тој истакна дека во образованието ќе се воведе предмет за изучување на вештачката интелигенција.
„Воведување предмет за изучување на вештачка интелигенција во образованието. Нема повеќе да учиме само за минатото, ќе ги подготвиме генерациите за иднината, за новата економија, за дигиталната ера што веќе тропа на вратата. Ова е визијата што ја градиме“, посочи Мицкоски.
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
(Фото) Масовна евакуација на туристи поради пожар на Крит
Голем пожар во Грција продолжува да беснее во источниот дел од островот Крит, откако избувна вчера попладне во тешко пристапна...
Украински функционер: Европа прави сè што може, но ќе биде тешко без американско оружје
Украина ги повика САД да продолжат со „континуираната“ воена помош, по изненадувачката најава дека некои испораки на оружје за Киев...
(Видео) Украинците уништија руско складиште за муниција, се шири снимка од огромна експлозија
Украина очигледно извршила напад врз руско складиште за муниција во градот Карцизк во окупираниот дел од Донецката област на 2...
(Видео) Траект потона во близина на Бали: четворица мртви, десетици исчезнати
Четири лица загинаа, 38 се водат како исчезнати, а 23 се спасени откако ферибот со 65 лица потона во близина...
Пентагон: Нуклеарната програма на Иран е забавена за две години
Пентагон објави дека американските напади ја уназадија нуклеарната програма на Иран за до две години, откако уништија три целни локации....
Во Лос Анџелес луѓето мора да живеат во токсични куќи по пожарот: „Осигурителните компании нè измамија“
Луис Казарес беше меѓу ретките чиј дом остана недопрен по разорните пожари што ја опустошија населбата Алтадена, североисточно од центарот...
ЦИА не оспорува дека Путин се обидел да му помогне на Трамп на изборите во 2016 година
Ревизијата на ЦИА откри недостатоци во подготовката на проценката на американското разузнавање дека рускиот претседател Владимир Путин се обидел да...
Костадинов го замрзнува членството во СДСМ, најави ново политичко делување
Градоначалникот на Струмица, Костадин Костадинов, соопшти дека го замрзнува членството во СДСМ, незадоволен од сегашното раководство и од насоката во...
СДСМ објави 11 нови кандидати за градоначалници
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
„Пулс“ ќе се суди во Основниот кривичен суд Скопје, предметот е доставен
Основниот суд во Кочани денеска го достави предметот за пожарот во „Пулс“ во Основниот кривичен суд Скопје, согласно одлуката на...
Арсовска до Тошковски: До сега полицијата не постапуваше по заканите, сега се заканува, што е следно
Градоначалничката на Скопје, Данела Арсовска, вели дека полицискиот службеник Синан Алили ѝ упатил закани на социјалните мрежи. Во објава на...
„Вреди“ бара истрага за намерна манипулација со бројот на Aлбанците на пописот
Од „Вреди“, известуваат дека ќе поднесат кривична пријава до Основното јавно обвинителство – Скопје против поранешното раководство на Државниот завод...
