Македонија
Мијалков и осомничените во „Трезор“ на распит во суд

Поранешниот директор на Управата за безбедност и контраразузнавање е повикан на распит во Кривичниот суд за случајот „Трезор“, како и другите осомничени во случајот закои се бара мерка за претпазливост.
Како што јави репортерот на Макфакс, во текот на денот во судот треба да се појават – поранешниот директор на Управата за безбедност и контраразузнавање (УБК) Сашо Мијалков, и за уште двајца осомничени во овој случај.Повикани се на распит кај судија на претходна постапка, за да се одлучи за барањата од Специјалното јавно обвинителства за одредување мерки за претпазливост.Претходно, судот го одби барањето на Специјалното јавно обвинителство, на Горан Грујовски, шефот на Петтата управа да му се одреди притвор.Како што јавува нашиот репортер, околу судот има големо полициско обезбедување, исто како и минатиот пат, кога Мијалков беше на распит во судот, затоа што во ист ден се одвива и судењето за „Диво насеље“. На новинарите не им се дозволува да се приближат до службениот влез во судот за да фотографираат.Специјалното јавно обвинителство го отвори случајот „Трезор“, кој се однесува на набавка на опрема за комуникации за потврдите на Упоравата за безбедност и контраразузнавање, за која постојат наводи дека е платена многу поскапо и дека преку неа се исцицале близу милион евра од Буџетот на Република Македонија непотребно.Поранешниот директор на УБК е осомничен и за случајот „Тортура“, каде се работи за начинот на апсење на поранешниот министер за внатрешни работи и лидер на Обединети за Македонија, Љубе Бошкоски./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Карпош и Сарај денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 13.00 часот, корисниците од ул. Пелистерска 4-1/8. (општина Карпош)
– во периодот од 09.00 до 14.00 часот, корисниците од улиците бр. 3 и бр. 5 како и околните објекти во нивна близина во Сарај.(општина Сарај)
Македонија
Без вода дел од Центар

Од ЈП Водовод и Канализација известуваат дека денеска поради дефект на улицата Димитрие Чуповски бр.10 без вода ќе останат корисниците од улицата Никола Вапцаров лоцирани на потегот од Министерство за правда до Плоштад Македонија, општина Центар.
Водоснабдувањето ќе биде прекинато во периодот од 08.00 часот па се до отстранување на дефектот.
Македонија
Променливо облачно со повремени локални врнежи од дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 5 до 11, а максималната ќе достигне од 9 до 16 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне до 13 степени.
Времето во наредните денови
До среда ќе преовладува променливо облачно време со повремени локални врнежи од дожд. Ќе дува умерен до засилен северен ветер (локално над 60 km/h), а температурата ќе се задржи под просекот за овој период од годината. Од четврток времето ќе биде стабилно и суво со пораст на дневната температура.