Македонија
Милошоски во Охрид најави реконструкција на болницата „Свети Еразмо“

Во програмата на коалицијата „За подобра Македонија“ предводена од ВМРОДПМНЕ предвидени се вкупно 33 милиони евра за набавка на најсовремени медицински апарати и опрема за здравствените установи низ Македонија, најави, во вторник, во Охрид го истакна Антонио Милошоски, носител на кандидатската листа на коалицијата „За подобра Македонија“ во Петтата изборна единица.
„За здравствените установи во рамки на Петтата изборна единица предвидена е набавка на 930 медицински апарати, со вкупна вредност од 6,5 милиони евра, од кои три милиони евра за охридските болници и установи“, рече Милошоски.
Тој најави и целосна реконструкција на Клиничката болница во Битола, обнова и
реконструкција на Специјалната болница за ортопедија и трауматологија „Свети Еразмо“ во Охрид, завршна фаза на реконструкција на Центарот за кардиоваскуларни болести во Охрид, како и реконструкција и опремување на болницата во Кичево./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема опасност за жителите по излевањето на Маркова река

Нема опасност за жителите од излевањето на Маркова река, а водостојот е вратен во коритото, информираат од Дирекцијата за заштита и спасување. Од таму додаваат дека еден тим за брз одговор интервенирал со пумпи за извлекување на вода и истите ќе интревенираат по потреба во текот на денот.
„По првичната информација за излевањето на Маркова река во Општина Студеничани, село Батинци, екипата за процена на ризици на Дирекцијата за заштита и спасување одблиску на терен ја следеа состојбата. Директорот Џеват Селами беше во постојана комуникација со екипите на терен, градоначалникот на општина Студеничани, г-дин Азем Садики, директорот на А.Д. Водостопанство, г-дин Филип Филиповски, сѐ со цел да се обезбеди координиран и ефективен одговор. Еден тим за брз одговор интервенираше со пумпи за извлекување на вода, и истите ќе интревенираат по потреба во текот на денот“, се наведуваа во соопштението.
Од таму додаваат дека според досегашните информации ситуацијата е под контрола и нема опасност за жителите и дека е евидентирана материјална штета што допрва ќе се проценува.
Македонија
„За само 6 месеци ги покачивме пензиите на над 330.000 пензионери за 5000 денари“, велат од Владата

„На сметките на пензионерите легна покачувањето на пензиите од 2500 денари. Со ова покачување, вкупното линеарно зголемување на пензиите достигнува 5.000 денари, откако првото зголемување беше со септемвриската пензија и сега со мартовската пензија.Ова е втор раст на пензиите за само 6 месеци“, велат од Владата.
„Имено, дека Владата се грижи за пензионерите покажува тоа што уште првата недела од мандатот донесе одлука за линеарно покачување на пензиите на сите пензионери за 5000 денари, со септемвриската и мартовската пензија.
Ветивме и исполнивме. Владата ги покачи пензиите за 5000 денари, линеарно за секој пензионер.
Владата покажа дека се грижи и работи одговорно и посветено.
Пензионерите заслужуваат достоинствен живот и вистинска грижа за нивните потреби.
Со ова како Влада го исполнивме едно од ветувањата за најстарата категорија на граѓани и обезбедивме поквалитетен живот за нив.
Продолжуваме посветено да работиме за подобрување на животниот стандард на граѓаните“, се наведува во соопштението на Владата.
Македонија
СДСМ Аеродром: Излевањето на Маркова река е опомена, ВМРО-ДПМНЕ заборави на уредувањето на нејзиното корито

Излевањето на Маркова река пред само неколку часа ги спречи жителите на Горно и Долно Лисиче да стигнат со своите домови преку патот кој ги поврзува. Минувањето преку мостот на Маркова река на овој потег ја доведува во прашање безбедноста на граѓаните кои го секојдневно го користат овој мост. Излевањето е последна опомена на природата, велат од СДСМ Аеродром.
Според нив, проширувањето на мостот и уредувањето на коритото на Маркова река помеѓу Горно и Долно Лисиче биле дел од приоритетните ветувања на Дејан Митески и Тимчо Муцунски пред четири години.
„Покрај проширувањето на мостот Муцунски и ВМРО-ДПМНЕ ветуваа и дека „кејот на Маркова река“ ќе го направат „за уживање“. Трим патека, велосипедска патека и урбана опрема по должината на „кејот“ требаше „да го заживеат“ овој дел од Аеродром. Наместо тоа добивме поплавени имоти на жителите на Горно и Долно Лисиче, целосен прекин на сообраќајот и страв и несигурност од поголеми штети. Јавно го прашуваме в.д. градоначалникот Дејан Митески: Зошто 4 години нема ни „п“ од проширување на мостот и ни „к“ од кеј на Маркова река? Кога последен пат е исчистено коритото на Маркова река? Колку казни се изречени во последните 4 години за фрлање ѓубре и отпад во коритото на Маркова река? До кога планирате да ги манипулирате жителите на Горно и Долно Лисиче со разни нереални ветувања како кеј со трим патека, велосипедска патека и урбана опрема по должината на Маркова река? Заборавивте ли дека ВМРО-ДПМНЕ традиционално има најмногу гласови на сите избори токму во Горно и Долно Лисиче?“, се наведува во реакцијата.
Од СДСМ Аеродром го повикуваат в.д. градоначалникот Дејан Митески итно да се зафати со чистење и уредување на коритото на Маркова река со цел да се избегнат поголеми катастрофи и итно да испрати тимови на терен кои ќе направат процена на штетата и да ги разгледа сите можности за обесштетување на граѓаните чии имоти беа поплавени вечерва.
„Крајно време е ВМРО-ДПМНЕ да си понесе одговорност за неодговорното и недомаќинско управување со Општина Аеродром. Дејан Митески и Тимчо Муцунски и начинот на кој тие управуваат со Општина Аеродром се главниот проблем во Аеродром, не системот, не природните катастрофи. Митески и Муцунски со нивната неодговорност и негрижа се директно одговори за последиците од излевањето на Маркова река“, велат од СДСМ Аеродром.