Македонија
Министрите со Груевски за остварување на барањата на жителите, СДСМ бара отчет од него
Министри од повеќе ресори и градоначалници, во четврток, заедно со претседателот на ВМРО-ДПМНЕ Никола Груевски, ги анализираа досега спроведените активности за исполнување на барањата од жителите од повеќе општини при посетите од владини функционери, и предлагаа решенија за побрза реализација на проектите.
Од друга страна пак, опозициската СДСМ смета дека Груевски, кој со месеци нема никаква државна функција, денеска повторно ги понижува министрите и градоначалниците принудувајќи ги да му даваат отчет.„Груевски нема кредибилитет ниту овластување за некој нему да му дава отчет. Груевски е тој кој ќе даде отчет за сработеното, но пред истражните и судските органи и ќе одговара за целиот криминал“, велат од СДСМ.„Како политичка партија веќе долг период сме прифатени кај граѓаните дека сме политичка гарнитура која што стои зад дадениот збор, стои зад ветувањата, стои зад она што ќе го вети при средбите со граѓаните. Огромна одговорност е да се испорача ветеното и да се одговори на потребите на луѓето во онаа мера колку што е можно и колку што е ветено“, рече Груевски.Министерот за транспорт и врски Владо Мисајловски информираше дека на барање на жителите ќе се реализира ветувањето за целосна обнова и проширување на патот Македонски Брод – Скопје, во должина од 14,5 километри, за што ќе бидат инвестирани три милиони евра, а се планира тендерот да биде распишан за 10 дена.Во септември ќе почнат активности и за обнова на делницата Неготино – Демир Капија, што е најоштетен дел од автопатот „Александар Велики“. Реконструкцијата на 16 километри од патот во двете насоки ќе трае една година. Мисајловски ги претстави и двата плана за подобро инфраструктурно поврзување меѓу Гостивар и Кичево, едниот со изградба на автопат, а вториот со реконструкција на постојната делница. Тендерот за реконструкција, како што најави, треба да биде објавен деновиве, а во октомври да се избере компанијата за градежните активности. Ќе се обновуваат 30 километри пат во што ќе бидат вложени шест милиони евра. Се очекува градежните работи да завршат за една година.Градоначалникот на Охрид Никола Бакрачески информира дека се изработуваат проекти за асфалтирање на три улици во вредност од 2,3 милиони денари, што треба да почне кон крајот на годинава. За осветлување на трите пристапа кај Коњско што ги побара месното население, според министерот Мисајловски, се поставени три канделабри во должина од 300 метри, инвестиција од милион денари.За потегот Требеништа – Велгошти се анализира дали може да се направи нов регионален пат. На жителите им е најавено дека ќе се разгледа дали може да се стави во Програмата за следната година. Проблемот со водоснабдувањето ќе се решава со изградба на пумпна станица за зголемување на дотокот на вода. Почетокот на градба е планиран за следниот месец, а Општина Охрид за таа намена ќе одвои 1,5 милион денари.Министерот за транспорт и врски Владо Мисајловски го информираше Груевски дека последните 700 метри од патниот правец РадождаЛивадиштаЕлен камен е асфалтиран, порано од предвидениот рок даден на граѓаните при неодамнешната посета на Радожда. Исто така, рече, се работи и на асфалтирање на преостанатите три километри на делницата од Калишта до Струга, што треба да биде завршено овој месец.Во Радожда се работи и на проекти за колекторскиот систем, за кој средства во висина од околу 810 милиони евра треба да се обезбедат од ЕУ, преку ИПА. Доколку не биде одобрен проектот, ќе се оди на варијанта со типски проекти за ваква намена, а потребните 1 милион евра ќе бидат обезбедени од Буџетот.Во Радожда граѓаните побарале и санирање на училиштето, а заменик-минстерот за образование и наука Спиро Ристовски истакна дека иако тие барале помала санација, екипи на МОН направиле увид и, иако не било во план, била донесена одлука тоа целосно да се реконструира санитарии, столарија, покрив во летниот период 2017 година.Во струшкиот регион излезено им е во пресрет и на граѓаните на Лабуништа, кои побарале замена на возило за Итна Медицинска помош, а за два месеци ќе почне санацијата на амбулантата во ова село.Во Струга започнува изградба на единечен тениски терен на женска плажа. Се чека одобрение од општината и за краток период ќе се почне со градба. Се очекува теренот да биде готов за три до четири месеци. Директорот на Агенцијата за млади и спорт Марјан Спасески го информира Груевски дека наредната година ќе почне и изградба на повеќенаменско спортско игралиште за ракомет, фудбал и одбојка на песок.Градоначалникот на Крушево и министерот Мисајловски претставија активности за реализација на проекти ветени на граѓаните во Крушево и околките општини, а министерот за труд и социјална политика Диме Спасов, пак, информираше, за активностите на исполнување на барањата на жителите од Бучин за изградба на детска градинка.Спасов истакна дека бил најден погоден објект кој ќе се преадаптира, за што обврска презела општината. Министерството за труд и социјална политика ќе ја опреми градинката. Додаде адаптацијата ќе заврши и градинката ќе биде отворена во во февруари наредната година, со капацитет за згрижување на 25 деца, колку што биле и потребите на граѓаните.Од СДСМ на лидерот на ВМРО-ДПМНЕ му порачаа дека не е веќе премиер.„Престани да ги злопотребуваш државните институции за твојата партиска кампања! Разбери, државата не е партија! Ги предупредуваме министрите од владата кои му реферираа на Груевски во „Триумфалната порта“ дека ја злоупотребуваат службената положба, што е уште едно кривично дело за кое ќе одговараат! Министрите Спасов, Мисајловски и Канческа – Милевска се платени да ги решаваат проблемите на граѓаните, а не да учествуваат во партиска кампања во работно време“, порачаа од СДСМ./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Следува период на стабилно и релативно топло време за овој период од годината
Времето утре ќе биде сончево со мала до умерена локална облачност. Ќе дува слаб до умерен, а долж Повардарието засилен ветер од северен правец.
Минималната температура ќе биде во интервал од 9 до 18, а максималната ќе достигне од 19 до 26 степени.
Во Скопје сончево со мала до умерена облачност. Ќе дува умерен ветер од северен правец. Минималната температура ќе се спушти до 14, а максималната ќе достигне до 25 степени.
Следува период на стабилно и релативно топло време за овој период од годината.
Македонија
Сиљановска Давкова се обрати на Свечената академија по повод 11 Октомври – Денот на народното востание
Претседателката Гордана Сиљановска Давкова денеска се обрати на свечената академија по повод 11 Октомври – Денот на народното востание, што под нејзино покровителство се одржа во Музејот на македонската борба за самостојност.
„Во историјата на секој народ постојат периоди на големи премрежја што можат да се пребродат само со храбри одлуки. Таков мрачен период беше Втората светска војна, кога речиси цела Европа беше под фашистичка окупација, и кога Хитлер и неговите сојузници изгледаа незапирливи и непобедливи. Во такви услови, на 11 октомври 1941-та, македонскиот народ посегна по непресушното човеково право на отпор против опресијата, неправдата и окупацијата и храбро, без колебање, ја избра вистинската страна во најголемата војна во историјата на човештвото. 11 октомври е меѓникот што ја одреди нашата иднина, денот кога ние храбро и одлучно се вклучивме во антифашистичката коалиција на слободољубиви и правдољубиви народи.
Херојската борба против фашизмот нè сплоти, нè прероди и ни даде легитимитет како народ да се самоопределиме и да создадеме слободна македонска држава на Првото заседание на АСНОМ. Како еден од најголемите демократски триумфи на човештвото, антифашизмот ни овозможи на историската сцена да настапиме рамноправно и со чиста совест да учествуваме во обновата на разрушениот свет. Не случајно, македонската држава за која копнееја Илинденците и за која се изборија антифашистите, трае веќе 80 години. Нејзината сегашност и нејзината иднина се сраснати со нејзиното минато“, рече Сиљановска Давкова.
„Нас никој не нѐ ослободи. Сами се ослободивме со помош на над 110-илјадната Народноослободителна војска на Македонија. Нам никој не ни ја подари државата. Сами се изборивме за неа. За нас, антифашистичката беше и истовремено и народноослободителна војна во која дадовме 24.000 жртви.
Затоа, ние не смееме да дозволиме историски ревизионизам и релативизирање на народноослободителната и антифашистичка борба, бидејќи со тоа би се поткопале илинденските и антифашистичките темели врз кои е изградена македонската држава. Со тоа би се обезвреднила жртвата на илјадници млади борци кои несебично гинеа за слободата и правдината. Ние тоа не смееме да го дозволиме“, изјави Сиљановска Давкова.
Во рамки на Свечената академија настапи Воениот оркестар на Армијата со сплет на македонски патриотски и партизански песни.
Македонија
Ахмети со чешкиот амбасадор Лудва: Земјата се оддалечува од Европа, да се вратиме на правец кон Брисел
Претседателот на Демократската унија за интеграција, Али Ахмети, во Тетово се сретна со чешкиот амбасадор во Скопје, Јарослав Лудва.
Претседателот Ахмети и амбасадорот Лудва главно разговараа за интеграцијата на земјата во обединета Европа и петте приоритети кои ги објави Ахмети.
„Уставните измени и продолжувањето на европскиот пат е приоритет над приоритетите на Ахмети, Демократската унија за интеграција и Албанците, но тоа треба да биде приоритет за сите.
Ветингот за политичари, судии и обвинители со меѓународен мониторинг, проверка на богатството и имотот ма сите носители на јавни функции, истрагата за приватизацијата и олигархијата креирана од тој процес, се предуслови за неселективно владеење на правото и стопирање на политички лов на вештерки со партиска пропаганда“, соопшти ДУИ.
„ДУИ не е заинтересирана да биде дел од владата, но ќе продолжи да алармира дека на власта и недостасува етнички легитимитет и тоа ги прави владините одлуки моноетнички.
Претпочитаните и преференцијални Албанци предизвикуваат непоправливи последици
Северна Македонија е мултиетничка земја и има потреба од хармонија меѓу двете мнозински заедници, Албанците и Македонците. Взаемното почитување е почетна точка за стабилност, стабилност, безбедност и одржлива иднина на земјата.
Системското кршење на Охридскиот договор од страна на Владата и Уставниот суд е неприфатливо и е алармантно за општеството и мултиетничкиот карактер на државата“, се додава во соопштението на ДУИ.