Македонија
MINT Fintech Group: Година исполнета со општествена одговорност и позитивно влијание

Во изминатата година, MINT Fintech Group докажа дека успехот не се мери само во деловните резултати, туку и во трајното влијание врз заедницата. Како компанија која ги спојува финансиите и технологијата, MINT посветено работи на создавање подобро општество преку серија општествено одговорни активности, насочени кон едукација, спорт, култура, инклузија и одржлив развој.
Поддршка на образованието и младите таленти
Образованието е во срцето на нашите иницијативи. Изминатата година, MINT организираше повеќе финтек работилници за студенти, со цел да ги запознае младите со новите трендови во дигиталните финансии. Преку партнерства со универзитети и иновациски центри, обезбедивме стипендии за перспективни студенти и менторска поддршка за нивниот професионален развој.
Поддршка на спортот
Спортот е основа за здрав и динамичен живот, а ние со гордост ја поддржавме спортската заедница преку соработка со водечки клубови и настани. Со повеќе од 20 спортски настани, ја потврдивме нашата заложба за промоција на здравите навики и спортскиот дух, вклучувајќи:
• ФК Пелистер, РК Пелистер и КК Пелистер – спортски симболи на Битола
• Олимпијада, каде што ги поттикнуваме младите спортисти
Културата како инспирација
Со силна верба во значењето на културата, MINT поддржа над 10 културни настани, кои ја збогатуваат уметничката сцена и ја инспирираат заедницата, како што се:
• Народен Театар Битола (НТБ) – поттик за креативност и уметност
• Зимска приказна – празничен фестивал кој го слави духот на заедницата
• Колонија на писатели, каде што уметниците добиваат можност за креативен израз
• Интернационален фестивал на филмска камера „Браќа Манаки“, кој ја слави филмската уметност
Зелената агенда и одржливи практики
MINT Fintech Group ја поддржува зелената агенда преку воведување еколошки практики, како што се:
• Дигитализација на процесите за намалување на хартијата
• Оптимизација на енергетската ефикасност во канцелариите
• Соработка со иницијативи за садење дрвја и одржлив урбан развој
Поддршка на здравството и хуманитарни акции
Нашата заложба за заедницата се манифестира преку конкретни донации за:
• Клиничка болница Битола, со фокус на гинеколошкиот и детскиот оддел
• Поединечни донации, вклучително поддршка за црковни настани и помош на социјално загрозени семејства
Финтек за подобра иднина
Во духот на иновациите и прогресот, MINT Fintech Group продолжува со својата мисија – да гради финансиски инклузивно општество и да креира одржливи решенија за иднината. Со гордост гледаме на постигнатото и со ентузијазам ги планираме идните проекти што ќе донесат уште поголема вредност за заедницата.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Јанев на заокружување на обуката „Истрага на местото на настанот“, насочена кон унапредување на истражните капацитети на полициските сили

Директорот на Бирото за јавна безбедност Александар Јанев присуствуваше на свеченоста за доделување на дипломите, што се одржа во Центарот за обука на полицијата во Идризово, заедно со помошник министерот за внатрешни работи и началник на Центарот за обука, Влатко Митковски, како и со амбасадорот на Италија во нашата земја, Н.Е. Паоло Палминтери.
Обуката беше реализирана од Вишиот институт за истражни техники на карабинерите на Италија, со организациска поддршка од Италијанската амбасада во Скопје.
Учесниците на курсот имаа можност да стекнат напредни знаења и практични вештини за истражување на место на настан, притоа следејќи современи европски и меѓународни стандарди.
“Посебна благодарност упатувам до италијанските експерти за нивниот професионален ангажман и пренесеното знаење и сакам да истакнам дека како институција, особено ја цениме оваа соработка што претставува значаен чекор кон унапредување на капацитетите на нашата полиција и поддршка на владеењето на правото”, истакна директорот Јанев, додавајќи дека ова е уште еден показател за успешната и стратешки ориентирана билатерална соработка со Италија во областа на безбедноста и претставува дел од заедничките напори за градење побезбедно и посилно општество.
Македонија
Николоски учествува на висок министерски форум во Истанбул

Вицепремиерот и министер за транспорт Александар Николоски денеска и утре учествува на Форум за министри за транспорт што се одржува во Истанбул.
Во планираната агенда е предвидено обраќање на вицепремиерот Николоски на панелот насловен ,, Иновативни можности и решенија за финансирање на транспортни коридори” .
На Форумот ,,Глобална Транспортна Поврзаност” предвидено е да се обрати претседателот на Турција, Реџеп Таип Ердоган, министерот за транспорт на Турција, Абдулкадир Уралоглу како и други министри од Европа и светот.
На настанот ќе земат учество и бројни министри како што се министерот за транспорт на Шпанија, на Албанија, на Саудиска Арабија, Сингапур, Црна Гора, Обединетите Арапски Емирати, како и многу други високи претставници од институции од областа на транспортот.
Македонија
Сиљановска-Давкова прими припаднички на Армијата кои успешно завршија обука во САД

Претседателката Гордана Сиљановска-Давкова ги прими капетанката Неда Волчева и поручничката Сара Тасевска кои успешно го завршија седуммесечниот курс „Maneuver Captain’s Career Course“во Џорџија, САД, организиран од американскиот тренинг центар „Fort Moore”.
На средбата на којашто присуствуваа началникот на Генералштабот на Армијата, генерал-мајор Сашко Лафчиски и американската амбасадорка Анџела Агелер, двете припаднички на Армијата ја запознаа претседателката со фазите, содржините и квалитетот на воено-образовната обука и ги споделија нивните натамошни планови, заложби и амбиции за кариерен напредок.
Препознавајќи во нив потенцијал за идни генерали, Сиљановска-Давкова им честиташе на Волчева и Тасевска за успешно завршената обука и изрази уверување дека стекнатите знаења, вештини и експертиза ќе ги применат во интерес на македонската армија.
Според неа, реализацијата на оваа програма претставува влог во македонско-американското партнерство и е посебно значајна за промоција на земјава како лојален и кредибилен сојузник во НАТО.
Признавајќи ги одличните резултати што ги постигнуваат жените, соговорниците се согласија дека нивното партиципирање во меѓународните обуки треба да биде редовна пракса.
Сиљановска-Давкова на средбата ја реафирмираше својата заложба за формирање на Регионален центар за извонредност за жени, мир и безбедност со седиште во Скопје, заради промоција на жените во безбедноста и одбраната во регионот.