Во синоќешниот напад во францускиот град Ница, нема повредени или загинати македонски граѓани, информира македонското Министерство за надворешни работи.
 

„Министерството за надворешни работи изразува длабоко сочувство за семејствата на сите загинати и повредени во терористичкиот напад во Ница, Франција и најостро ги осудува овие напади во кои животот го загубија над 70 граѓани, а неколку десетици се повредени. Воедно, Министерството за надворешни работи ве известува дека е во постојан контакт со надлежните институции во Франција и до овој момент, нема информации за повредени и/или загинати македонски државјани“, велат од МНР. За сите прашања поврзани со безбедноста на македонските граѓани кои во моментот се наоѓаат во Франција, од МНР ги упатуваат заинтересираните да се обратат во македонската амбасада во Париз.

Телефони: +331 45 77 89 63; +331 45 77 10 50; +331 45 77 10 73Мобилeн телефон: +33 670 45 16 58Адреса: 5, rue de la Faisanderie, 75116 ParisЕ-пошта: [email protected]

Инаку, најмалку 80 луѓе загинаа, а над 100 се повредени во францускиот град Ница кога напаѓачот, во четврток вечер,  најпрвин пукал, а потоа со камион влетал на шеталиштето кое било преполно со луѓе./крај/мф/бб