Македонија
МОСТ: Кредибилноста на изборите не се црпи само ако се прекројат изборните единици

Кредибилноста на изборите не се црпи само од тоа ако се прекроени изборните единици туку во предвид треба да се земе како се однесуваат институциите, политичките партии, граѓаните, медиумите и како Државната изборна комисија (ДИК) го спроведува изборниот процес , велат од граѓанската асоцијација МОСТ.
„И во минатото МОСТ претежно укажуваше на единствената институција којашто може да ги прекрои изборните единици, а тоа е Собранието, дека треба да се прекројатизборните единици, затоа што изборната единица шест отстапува од бројката којашто е пропишана односно процентот на различност во однос на бројот на гласачи“, вели Дарко Алексов, извршен директор на МОСТ.Сепак тој смета дека ова прашање треба да го одговорат сите пратеници во досегашниот состав на Собранието. „Ако тоа го правевме во февруари, а сега сме октомври и во Собранието не беше ставен на дневен ред, а 110 пратеници гласале за распуштање на Собранието и за одење на избори, одредени прашања треба да одговорат и тие“ вели Алексов.Тој појаснува дека во ситуација кога четирите најголеми политички партии и 110 пратеници гласале за тоа изборниот процес во оваа фаза тече, а како ќе се постапува понатака и какви избори ќе имаме ќе видиме по нивното одржување.За ова дали постојат фер, демократски и легитимни услови за спроведување на изборите, Алексов вели дека тоа го договориле лидерите на политичките партии, а нивна задача ќе биде да следат колку принципиелно ќе го спроведуваат договореното.Од МОСТ известија дека почнале со набљудување на изборниот приоцес, а на денот на гласањето ќе бидат ангажирани 3.300 набљудувачи на целата територија на Македонија.Заради сеопфатна оцена на текот на изборите, набљудувачите на МОСТ ќе ги следат текот на изборната кампања, работата на изборните органи, предвременото гласање како и процесот на одлучување на приговорите. За таа цел веќе 80 набљудувачи се распоредени во сите општини.МОСТ ги повика граѓаните од денеска да ги проверат своите податоци во избирачкиот список затоа што почна јавниот увид кој ќе трае до 11 ноември./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Петрушевски: СДС не може да има црвени линии, тоа е уште една лага како жицата од гитарата на Заев во која се колнеше

СДС не може да има црвени линии, тоа е уште една лага како жицата од гитарата на Заев во која се колнеше, кажа денеска на прес-конференција, Бране Петрушевски, пратеник на ВМРО-ДПМНЕ.
„СДС и Венко Филипче или имаат многу лош ПР или мислат дека народот заборава кои се тие. СДС се партијата чиј претходен претседател и ментор на Филипче, Заев, викаше како ако го смени името ќе му се скине жицата, го смени, а од жицата ништо. Сега и Филипче си најде своја жица, ја нарекува црвени линии, а всушност се бонбона бизнис за Бугарија, државата од каде со Заев вртат милиони, од адреси каде фирма има и тој самиот. Венко Филипче праќа порака до Бугарите дека е спремен на се, и тоа народот го гледа. Никој не очекува од СДС и Венко национална политика, сите знаеме што се крие зад тоа, затоа и ќе бидат казнети на овие избори со историски најслабиот резултат“, рече Петрушевски.
Македонија
(Видео) Николовски: 90% лаги на Орце, од 30 каптални ветувања нема остварено ниту едно

Кандидатот за советник во Град Скопје од СДСМ, Емил Николовски, денеска на прес-конференција го критикуваше кандидатот за градоначалник на Град Скопје од ВМРО-ДПМНЕ, Орце Ѓорѓиевски, обвинувајќи го за „неисполнети ветувања“. Тој вели дека Кисела Вода станала симбол на застој и корупција.
„Орце ветуваше „Туристичко Драчево“, ревитализација на старата чаршија, уредување на пешачки зони и културна понуда за развој на домашен туризам. Но, четири години подоцна, населбата остана во запуштена состојба, без ниедна реконструирана фасада, без осветлување, без сигнализација, без туристичка понуда. Ѓорѓиевски ветуваше субвенции и проекти за изградба на зелени покриви на јавни и станбени објекти, како дел од борбата против загадувањето и урбаната топлинска изолација. Не само што не е имплементиран ниту еден зелен покрив, туку не постои ниту еден јавен повик. Една голема 0. Орце ветуваше велосипедски патеки, катни гаражи, базени, спортски сали – четири години само рендери и фотографии, ниту еден реален објект. Од 30 капитални ветувања во изборната програма, Орце нема испорачно ниту едно.“, истакна Николовски на прес-конференцијата.
Македонија
Филипче: Со чесна и посветена работа Асен Шајн ќе го врати сјајот на Охрид

Претседателот на Социјалдемократскиот сојуз на Македонија, Венко Филипче на граѓанската трибина во Охрид, порача дека оваа општина заслужува посветена, чесна и одговорна локална власт, со Охрид повторно ќе биде бисер на Македонија.
„Сега имаме можност заедно да го направиме Охрид повторно бисер на Македонија. За нас и за нашите поколенија. Сега е време за промени во Охрид, време е општината да добие градоначалник како д-р Шајн”, порача Филипче.
Лидерот на СДСМ го претстави кандидатот за градоначалник, Асен Шајн, како човек со визија, искуство и посветеност кој ќе ги заврши проектите, ќе го врати редот и ќе се грижи за охриѓани со чесност и посветеност.
„Тој е тука за да го врати редот, да ги заврши проектите и да го врати Охрид на граѓаните. Асен е вреден човек, чесен човек. Човек кој ќе работи во интерес на Охриѓани и ќе се грижи за нив исто како што се грижи за нивното здравје. Кај него нема ароганција, нема непристапност, тој ќе биде човек на народот”, посочи Филипче.
Тој се осврна на моменталната состојба во општина Охрид, посочувајќи дека реалноста покажува сериозни проблеми: непланско ширење на градот, зголемени цени на јавни услуги, недовршени капитални проекти и сообраќаен хаос, што го намалува квалитетот на животот на охриѓани.
„Охрид стана симбол на урбанистички хаос, со рекорден број дозволи за градба и недовршени проекти како плоштадот „Крушевска Република“, велосипедската патека до Св. Стефан и катната гаража. Локалната власт е фокусирана на фамилијарни вработувања и тендери, додека граѓаните се соочуваат со секојдневни проблеми“, нагласи Филипче на граѓанската трибина на СДСМ и Коалицијата „Се бориме за нашиот дом”.