Македонија
МВР: До ДИК спротивно на законот е испратен Избирачки список

Министерството за внатрешни работи информира, дека до Државнaта изборна комисија (ДИК), во неделата, спротивно на одредбите од законот и Пржинскиот договор е доставен допис, потпишан од дополнителниот заменик-министер, Митко Чавков, со кој се доставува криптирано ЦД со лични податоци, односно избирачки список за потребите на ДИК.
Од МВР, со кое во моментов раководи дополнителниот министер Оливер Спасовски, кој е потпретседател на најголемата опозициска партија СДСМ којашто, пак, најави дека ќе ги бојкотира изборите на 5-ти јуни поради немање услови за валидно и фер изјаснување на гласачите, нагласуваат дека така се прекршува Законот за Влада, со кој се утврдува дека документите имаат правно дејство само доколку се потпишани од министерот и дополнителниот заменик-министер.Особено што Избирачкиот список, според МВР, било неспорно дека „документ кој го донесува министерот, а се однесуваат на правните, финансиските и кадровските прашања поврзани со организацијата на изборите. Со ова не само што се прекршуваат законските одредби и Пржинскиот договор, туку и се доведува во заблуда целата македонска јавност, дека избирачкиот список е прочистен. За таа цел Министерството за внатрешни работи на Република Македонија ја информира јавноста дека проверките на избирачкиот список сеуште не се завршени. Неспорно е дека за доставување на веродостоен и валиден, прочистен избирачки список е потребно дополнително време, соопштуваат од МВР“.„Непотребното инсистирање да се достави избирачки список до Државната изборна комисија, со некомплетни податоци, неизвршени проверки и неспроведени управни постапки, е на штета на спроведување на фер и демократски избори со кредибилен и прочистен избирачки список. Во врска со повторното поништување на правилниците и 448 решенија потпишани од министерот Оливер Спасовски, на полноќнешната седница на Владата на РМ пред распишувањето на изборите, Министерството ја известува јавноста дека Одлуките на Владата ги смета за целосно спротивни на законот. Имено, Владата не може да поништува решенија за распоредување, разрешување и именување на работници во Министерството за внатрешни работи, а уште пак помалку и договор за вработување на неопределено време во Министерството за внатрешни работи, бидејќи тие се конкретни – поединечени акти, односно тие не се прописи. што значи дека Владата со оваа постапка се ставила над судската власт . Без оглед што донесените правилници и решенија се однесуваат на кадровски прашања, истите не се поврзани со организацијата на изборите“, се појаснува во соопштението од МВР. Во контекст на ова, министерот Оливер Спасовски ги повика сите вработени исклучиво да ги почитуваат законските одредби за хиерархиската поставеност и одговорност, која е нужна за непречено функционирање и остварување на надлежностите на Министерството за внатрешни работи./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
32-годишен скопјанец осомничен за разбојништво во Бучимци: маскиран и со ловечки нож ограбил соселанец

Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член 237 став 4 во врска со став 1 од Кривичниот законик.
Осомничениот 32-годишен скопјанец, на 18 август, маскиран со маица со која си го покрил лицето и капа, преку незаклучена влезна врата влегол во домот на негов соселанец во селото Бучимци. Во рацете држел ловечки нож и кога во една од собите го затекнал сопственикот, му се заканил дека ќе го убие ако не му даде пари.
Оштетениот, исплашен за својот живот, извадил 4.000 денари од комодата, но го замолил разбојникот да му дозволи да задржи барем 1.000 денари, бидејќи му се неопходни.
Осомничениот се согласил и го напуштил местото со 3.000 денари кои противправно ги одзел од сопственикот.
Јавниот обвинител до судијата на претходна постапка достави предлог за определување мерка притвор за осомничениот, бидејќи постојат околности кои укажуваат на опасност од бегство, можност за влијание врз сведокот/оштетен со заплашување и уценување, како и можност да го повтори делото.
Македонија
Зголемена фреквенција на возила на граничните премини Табановце и Богородица

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП „Табановце“ времето на чекање за влез е околу 20 минути, за излез е околу 40 минути.
На ГП „Богородица“ времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата.
Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.