Решавањето на проблемите во кризните жаришта се единствени решенија со кои би се избегнале големи несреќи со мигранти каква што се случи во четвртокот вечерта кога загинаа 14 мигранти во железничка несреќа.

„МВР ги презмаме сите мерки и активности за што подобро да ја обезбедиме јужната граница, но Македонија е под засилен притисок особено последниве години од јужната граница од илегални мигранти кои доаѓаат од кризните жаришта и од Северна Африка, Блискиот и Средниот Исток. Единственото решение во ваква ситуација бидејќи ова не е локален проблем на којшто е изложена Македонија, не е ниту само регионалниот пристап бидејќи би можеле да дадат некои реузлтати доколку би имале посоодветна соработка со грчките служби на границата од таа страна, да се спречат илегалните преминувања, но сепак апсурдно е да се очекуда дека доколку не бидат решени проблемите во кризните жаришта дека би можел да се запре овој наплив, овој бран на мигранти кои се обидуваат да заминат во Европа“, вели портпаролот на МВР, Иво Котевски.Четиринаесет мигранти во четвртокот вечерта околу 22.30 часот загинаа во железничка несреќа која се случи на пругата Велес – Скопје. Меѓународен експрес воз кој се движел од Солун кон Белград  наишол на група мигранти при што 14 лица на возраст од околу 20-тина години загинале. Осуммина од мигрантите за кои се претпоставува дека се роднини на загинатите се приведени и предадени во полициската станица во Велес за понатамошна постапка. Несреќата се случила меѓу железничката станица Рајко Жинзифов и станицата Пчиња на непристапен терен. Мигрантите се со потекло од Авганистан и Сомалија.Пругите низ Македонија се мигрантите ги користат како дел балканската рута,  односно да стигнат од Грција кон побогатите членки на Европската Унија./крај/ффс