Македонија
Над 1.900 пријавени на огласот за вработување во МВР
Рокот за аплицирање за прие на 50 извршители со високо образование во Министерството за внатрешни работи истече во сабота. На повикот се јавиле 1.914 лица или во просек по 40-тина заинтересирани за едно место.
Бројот на кандидати не е конечен заради можноста заинтересираните и по пошта да ги испраќаат своите документи во предвидениот рок, напоменува МВР.
„За предвидените седум места со завршено образование од областа на информатичка технологија, електроника, телекомуникации, автоматика или вештачка интелигенција, како и четири места со завршено образование од областа на телекомуникациите, конкурирале 209 заинтересирани. За предвидените 10 места со завршен ПМФ- насока хемија и биологија, конкурирале 224 кандидати. За предвидените две места со завршен ПМФ – насока физика, конкурирале 14 заинтересирани. За предвиденото едно место со завршен Машински факултет – насока моторни возила, конкурирале 29 заинтересирани.
За предвидените осум места со завршен Правен факултет од кои за три се бара и положен правосуден испит, конкурирале 448 кандидати. За предвидените осум места со завршен Економски факултет – насока банкарство и јавни финансии, конкурирале 412 заинтересирани. За предвидените 10 места со завршен Факултет за безбедност, конкурирале 500 кандидати. Со други факултети кои не беа предвидени во јавниот оглас се јавиле 78 лица“, соопшти МВР.
Во следната фаза ќе следува административна проверка на поднесената документација, потоа спроведување на писмено тестирање (стручен, општообразовен тест), психолошки тест, интервју и здравствени прегледи. Селекцијата на кандидатите ќе се спроведува по пат на тестирање за нивната стручна оспособеност за делот во кои аплицирале.
Инаку општите услови кои кандидатите требаше да ги исполнат беа да се државјани на РМ, да се полнолетни, а да не наполниле 30 години, ако првпат засноваат работен однос на работно место за кое е предвидено високо образование, истите треба да се здравствено и психофизички способни и со правосилна пресуда да не им е изречена казна забрана на вршење професија, дејност или должност. Кандидатите исто така треба да го познаваат англискиот јазик, познавањето на други светски јазици ќе се смета за предност, како и познавање на работа со компјутери.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Влен“ оддаде почит на жртвите од трагедијата во Кочани
Претставниците на коалицијата „Влен“ одржаа почит во чест на трагично изгубените животи во Кочани.
„Во општините каде што раководиме, со длабока болка и голема почит, со молчење се поклонивме да ја изразиме нашата солидарност со семејствата на жртвите и со сите погодени од оваа трагедија. Оваа катастрофа го потресе секое срце и го допре секое семејство, без разлика на нашата етничка припадност или на јазикот што го зборуваме. Денеска сме обединети во болка и во спомен на оние кои повеќе не се со нас. Ова е момент кој не потсетува на вредноста на животот и важноста на меѓусебната поддршка во тешките денови“, велат од „Влен“.
Во овие моменти на жалост, додаваат, нашите мисли и молитви се со семејствата на жртвите и со сите оние кои се соочуваат со последиците од оваа трагедија. „Влен“ стои покрај нив, споделувајќи ја болката и силата да се справи со оваа тешка загуба.
„Нашата коалиција се води од принципот на солидарност и хуманизам и во овие тешки моменти ја потврдуваме нашата посветеност да бидеме блиску до граѓаните, не само во моменти на радост, туку и во моменти на тага“, се додава во соопштението на коалицијата.
Македонија
Извлечени две лица од Чешка кои заглавиле во снежен нанос на Галичица
Вчера во 16.30 часот во Регионалниот центар за гранични работи Запад било пријавено дека двајца странски државјани биле заглавени во снежен нанос на подрачје на Националниот парк Галичица и барале помош.
Полициски службеници од Полициската станица за граничен надзорт и гранични проверки Св.Наум, претставник од Национален парк Галичица и планинарска спасителска служба на Црвен крст Охрид преземале мерки и на 200 метри под црквата Свети Ѓорѓија биле пронајдени J.C.(35) и O.В.(32), двајцата од Чешка Република.
Со нивниот кампер „мерцедес“ со чешки национални ознаки, тие биле извлечени од снежниот нанос.
Македонија
МНР: Трошоците за превоз и сместување за семејствата на македонските пациенти кои се лекуваат во странство се целосно покриени од Владата
Во изминатиот период на социјалните мрежи се појавија бројни информации поврзани со обезбедувањето сместување за семејствата на македонските пациенти повредени во несреќата во Кочани, кои во моментов се лекуваат во странство.
Ја информираме јавноста дека трошоците за превоз и сместување за нив се целосно покриени од Владата на Република Македонија, преку Службата за општи и заеднички работи на Владата. Воедно, ги повикуваме семејствата на пациентите кои имаат потреба од превоз или сместување да се обратат на телефонскиот број 070-270-370.
Дополнително, сите дипломатско-конзуларни претставништва се на располагање за обезбедување потребната логистичка поддршка во земјите каде што се лекуваат пациентите. Контакт-листата со телефонски броеви е објавена на веб-страницата на Министерството за надворешни работи и надворешна трговија, а на располагање се и дежурните телефонски броеви: 075/273-732 и 075/268-736.
Министерството за надворешни работи и надворешна трговија, преку Оперативниот штаб формиран за оваа намена, е во постојана комуникација со сите надлежни институции, вклучително и со дипломатско-конзуларните претставништва на Македонија во странство.
Солидарноста и одговорноста се клучни во вакви моменти, затоа апелираме до граѓаните да се воздржат од споделување непроверени информации, со цел да се спречи понатамошно ширење на дезинформации.
Клековски: На пациент во Солун му е извршена трансплантација на кожа на рацете, во контакт сме со банка за кожни ткива за да почнат реконструктивни операции
Директорот на Фондот за здравствено осигурување (ФЗО), Сашо Клековски, на денешната прес-конференција во Владата рече дека натамошните фази за пациентите...
Уапсени седум полицајци, осомничени дека помогнале дискотеката „Пулс“ да добие лиценца
Предметен јавен обвинител од Специјализираното одделение за гонење кривични дела сторени од лица со полициски овластувања и припадници на затворската...
Погребот на починатите во пожарот во Кочани ќе биде утре во Кочани, Штип, Облешево и Скопје
Погребот на починатите во пожарот во Кочани ќе се одржи утре. Погребните церемонии, според надлежните, ќе бидат во 11 часот...
Митева: Од 12 контролирани објекти со активна лиценца, до сега кај три е утврдено дека не исполнуваат услови, следува забрана за вршење дејност
Последните инспекции потврдија сериозни регулаторни прекршувања. Доказите се јасни: од вчерашната направена контрола на 12 објекти со активна важечка лиценца,...
Мицкоски го посети Кочани и се потпиша во книгата на жалост: Во солзи и тишина даваме почит за жртвите
Денес, премиерот Христијан Мицкоски го посети Кочани и се потпиша во Книгата на жалост во чест на жртвите од трагичниот...
Побаран нов притвор за несреќата во Кочани: вкупниот број се искачува на 18 лица
Основното јавно обвинителство Кочани до надлежниот суд доставил предлози за продолжување на мерката краткотраен притвор за нови 48 часа за...
Добра вест е што поминаа критичните 72 часа и не почина ниеден од преживеаните, 101 пациент се во странство, рече Таравари
Министерот за здравство Арбен Таравари утрово со олеснување извести дека поминале критичните 72 часа за повредените во пожарот во Кочани....
Андреј и Сара од ДНК ќе бидат погребани утре во Скопје
Трагично загинатиот пејач на групата „ДНК“, Андреј Ѓоргиески ќе биде погребн утре, 20 март на градските гробишта во Бутел. Информацијата...
Краткотраен притвор досега за вкупно 17 лица за пожарот во дискотеката во Кочани
На уште едно лице му е определен краткотраен притвор од 48 часа во врска со трагедијата во Кочани, со што...
Таравари: Eкспертски тим од Министертвото за здравство ќе ги разгледа сите факти за смртта на 32-годишникот од Куманово
„Во овие тажни часови за сите страшна вест ми стигна од Куманово. Животот на еден млад човек беше скратен на...
„Да не се шират дезинформации, бројот на жртви во Кочани е 59“, Владата со повик да не се објавуваат непроверени информации
„Во овие тешки и тажни моменти за сите македонски граѓани и во знак на почит кон загинатите жртви, повредените и...
(Видео) Трамп ги објави документите за атентатот на Кенеди
Американскиот претседател Доналд Трамп денеска објави материјали поврзани со атентатот на поранешниот претседател Џон Кенеди за да го исполни своето...
Градоначалникот на Истанбул под истрага за корупција
Турските власти наредија притвор на градоначалникот на Истанбул Екрем Имамоглу и на околу стотина други лица, меѓу кои и новинари...
(Видео) Путин во рекорден рок го прекрши договорот со Трамп за ограничено примирје, објавија Украинците
Русија и Украина рано утринава се обвинија меѓусебно за воздушни напади кои предизвикаа пожари и оштетена инфраструктура само неколку часа...
Вучиќ: Ако бил употребен звучен топ, јас повеќе не сум претседател
Српскиот претседател Александар Вучиќ повтори дека неговата земја е изложена на „месеци на терор“ и ги нарече разговорите меѓу лидерите...
(Фотогалерија) Скопје плаче: илјадници граѓани оддадоа почит за жртвите од пожарот во дискотеката во Кочани
Илјадници граѓани на Скопје излегоа за да изразат сочувство и почит за смртта на младите луѓе кои трагично го загубија...
Пожарите во ноќни клубови од кои светот не научи лекција: заеднички им се пиротехника, пренатрупаност и изоставени безбедносни проверки
Трагичниот пожар во дискотеката „Пулс“ во Кочани уште еднаш ги истакна смртоносните последици од неправилната употреба на пиротехничките средства во...
Митева: Во Скопје само 2 објекти од вкупно 13 имаат важечка лиценца за кабаре
Имало 22 лиценци за вршење угостителка дејност, а 15 со истечена важност. Во Скопје има само 2 објекти за кабаре...
Резервоарот со нафта во Кочани бил празен и не е поврзан со дискотеката, рече Тошковски
Министерот за внатрешни работи, Панче Тошковски, потврди дека во близина на дискотеката „Пулс“ е пронајден резервоар за нафта, но вели...
Незаконито и паушално биле изготвувани круцијални документи за работа на дискотеката во Кочани, информирше Тошковски
Досега за случајот со пожрот во Кочани се приведени 18 лица во СВР Штип и СВР Скопје, а задржани се...
