Македонија
Попоски и Сијарто за ЕУ интеграциите

За евро-атланските интеграции и за соработката на централно-источните европски земји со Кина, разговарале во сабота во Рига вицепремиерот и министер за надворешни работи на Македонија со шефот на дипломатијата на Унгарија, Петер Сијарто.
Според Кабинетот на македонскиот шеф на дипломатијата, две теми биле во центарот на
дискусијата со неговиот унгарски колега, а тоа се евроатлантските интеграции на Македонија и соработката меѓу Народна Република Кина и 16те централноисточни европски земји.
Во однос на првата тема, министрите ја нагласиле важноста од македонско членство во НАТО, како фактор за зголемена стабилност во рамки на Југоисточна Европа. Во однос на ова, Попоски и Сијарто разговарале за мигрантската тема и потребата за здржување на интензивна соработка меѓу сите земји што се наоѓаат на главата мигрантска рута.
Во вториот дел од разговорот на нивната средба, Попоски и Сијарто ги разгледале можностите за користење на соработката на земјите од Источна и Централна Европа со Кина за подобро инфраструктурно поврзување по должина на главните логистички коридори./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Фон дер Лајен денеска во Скопје, ќе ја пречека премиерот Мицкоски

Претседателката на Европската комисија, Урсула фон дер Лајен, попладнево ќе пристигне во Скопје, во рамки на нејзината балканска турнеја. Таа ќе биде пречекана од премиерот Христијан Мицкоски во Владата со кого ќе разговараат за повеќе прашања.
Мицкоски најави дека од посетата очекува реафирмација на европската перспектива на земјата и конкретна испорака од ЕУ. Тој потврди дека Владата, преку Министерството за дигитална трансформација, соработува со ЕК на проект за отворање центар за вештачка интелигенција во Македонија, вреден околу пет милиони евра.
Фон дер Лајен претходно ги посети земјите од Западен Балкан, а во Скопје ќе има средби и со претседателката Гордана Сиљановска-Давкова и со претседателот на Собранието, Африм Гаши.
Македонија
Познатиот црногорски пејач се прости од Панчо: Од првиот ден те гледав како брат

„Од првиот ден те гледав како брат. Знаеш кога луѓето се препознаваат на прв поглед, како да ги познаваш цел живот. Твојата љубезност, насмевка, љубов, ентузијазам и сила ме воодушевуваа на секоја средба и ме охрабруваа за секој нов ден“, напиша црногорскоот пејач, Сергеј Четковиќ на социјалните мрежи.
„Имавме многу планови, идеи… Многу работи да правиме, раскажуваме, создаваме…
Патувај, брате мој, одмори се. Нека ангелите те водат на подобро место и нека Господ ти го подари Рајот!
Те сака твојот брат“, додате Четковиќ.
Пејачот Владимир Блажев-Панчо почина вчера, седум месеци по трагедијата во Кочани.
Македонија
(Видео) Филипче од Битола: Економијата е заглавена, инфлацијата галопира – Мицкоски ја влече државата назад

Претседателот на Социјалдемократскиот сојуз на Македонија, д-р Венко Филипче, на вчерашната граѓанска трибина во Битола, посочи дека Владата на ВМРО-ДПМНЕ, за година и пол ја заглави економијата и го уназади напредокот на државата.
„Економијата е заглавена, инфлацијата галопира, а платите се замрзнати. Оваа власт не ги решава проблемите на луѓето туку ги игнорира.Оваа власт гази по солидарноста, човечноста, демократијата, напредокот и правичноста“, рече Филипче.
Но, не само во економскиот дел, со ВМРО-ДПМНЕ, како што рече Филипче, државата назадува и политички.
„Мицкоски не ја носи државата напред туку ја влече назад. Во конфликти, во реваншизам, во поделби. И секогаш кога е соочен со критика заради својата неспособност вината е кај некој друг. Ова е политички кукавичлук“, рече Филипче.
Во обраќањето пред граѓаните, Филипче порача дека 19 октомври е повик за враќање на нормалноста.
„На 19 октовмри одговорот е кај народот. Одговорот сте вие. Одговорот ќе дојде од секоја врата, од секое маало, од секое семејство кое веќе знае: доста беше. Време е за враќање на нормалноста. Време е за политика што носи резултати, не изговори. Време е за луѓе што се борат за другите, не за себе“, посочи претседателот на СДСМ, Венко Филипче.