Контакт

Надворешна политика

Рама го поканил лидерот на Беса да ја посети Тирана

Објавено пред

Албанскиот премиер Еди Рама упатил покана до лидерот на Беса да ја посети Тирана.

Весникот „Бота сот“ во вторник пишува дека Рама го поканил претседателот на Движењето Беса , Билал Касами на средба во албанскиот главен град.

Весникот кој се повикува на партиски извори, нагласува дека лидерот на Беса е прв претседател на партија на Албанците од Македонија кој ќе ја посети Албанија и ќе има разговори со премиерот Рама по минатонеделните избори во Македонија, на кои Беса доби пет мандати во Собранието на Македонија.

Албанските електронски медиуми информираат дека можно е пред формирањето на новата Влада во Македонија по изборите од 11 декември, во Тирана да пристигнат на преговори и лидерите на другите албански политички партии. /крај/мн

Македонија

(Видео) Заев до Борел: Веќе не сакаме да стоиме и да чекаме, време е ЕУ да испорача

Објавено пред

Премиерот Зоран Заев денеска оствари средба со потпретседателот на Европската комисија и висок претставник за надворешна и безбедносна политика на ЕУ, Жозеп Борел.

По средбата, Заев и Борел дадоа изјави, при што македонскиот премиер рече дека земјата е посветена на европските вредности и на спроведувањето на стандардите и критериумите на ЕУ.

„Веќе не сакаме да стоиме и да чекаме. Знаеме дека нема друг пат, освен европскиот. Не бараме повеќе од она што сме заслужиле, а тоа е да се одржи првата меѓувладина конференција што е можно побргу. Уште во март 2020 беше потврдено дека Северна Македонија ги има исполнето своите обврски и сега е време ЕУ да испорача.

Може ли да зборуваме за Западен Балкан без Северна Македонија? Може ли да зборуваме за Европа без Западен Балкан? Не!“, порача Заев додавајќи дека позитивен чекор напред за Северна Македонија би претставувал охрабрувачка порака за целиот регион.

Борел, пак, истакна дека вчера со министрите за надворешни работи на земјите членки разговарал за важноста на Западен Балкан.

„Министрите ја реафирмираа европската перспектива на целиот регион. Има многу силна поддршка што е можно побргу да се одржи првата меѓувладина конференција за Северна Македонија“, посочи високиот претставник за надворешна и безбедносна политика.

Тој нагласи дека нема поддршка за раздвојување на процесите за Северна Македонија и Албанија – ниту во институциите на ЕУ ниту меѓу земјите членки.

„Северна Македонија ги исполни потребните услови за да ги почне преговорите за пристап и слично како Албанија заслужува да продолжи во следната фаза на процесот без одложувања“, истакна Борел.

Тој порача дека земјата може да смета на ЕУ кога станува збор за наоѓање решение за напредување на пристапниот пат, но исто така и кога станува збор за вакцините.

Покрај премиерот Заев, дел од македонската делегација на состанокот беа и вицепремиерот задолжен за европски прашања, Никола Димитров, и министерот за надворешни работи, Бујар Османи.

Прикажи повеќе...

Македонија

Унгарија ќе донира вакцини за потребите на МВР

Објавено пред

Утре, во работна посета на нашата земја, ќе претстојува Петер Сијарто, министер за надворешни работи и трговија на Унгарија.

Во рамките на еднодневната работа посета на министерот Сијарто, од негова страна ќе биде предадена и донација на вакцини наменета за потребите на македонското Министерство за внатрешни работи, информираат од Министерството за надворешни работи.

Високиот гостин од Унгарија и пратката со вакцини на македонскиот аеродром ќе биде пречекана од страна на министерот за надворешни работи, Бујар Османи, и министерот за внатрешни работи, Оливер Спасовски.

Прикажи повеќе...

Македонија

(Видео) Заев: Европските лидери добро ја разбираат нашата порака – идентитетот не е за преговори

Објавено пред

Премиерот Зоран Заев денеска ги сумира резултатите од средбите кои во изминатите два дена нашата владина делегацијата ги оствари со највисоките претставници на Европската комисија и на Европскиот парламент.

„Ви се обраќам од Мисијата на Северна Македонија, тука од срцето на Европската Унија, од Брисел. Имавме интензивни средби со највисоките претставници на европските институции – и осигуравме дека и во Европската комисија и во Европскиот парламент и во која било друга европска институција клучните претставници знаат и разбираат дека нашиот македонски идентитет не е за преговори и никогаш нема да биде за преговори.

Фон дер Лаен, Вархељи, Сасоли, Борел, Тимерманс, Лајчак, Вебер, Ќучук, Чолош – сите европски лидери и претставници ја знаат и ја разбираат нашата позиција – додека некој се обидува, а гледаме дека се обидува, македонскиот јазик и македонскиот идентитет да го стави на европската маса за преговори, ние нема да преговараме“, рече Заев во обраќањето.

Премиерот порача дека македонскиот народ има гордост и сопствен идентитет.

„Гордоста можеме да ја засилуваме или смируваме, но идентитетот и јазикот македонски ни е неприкосновен, еден и единствен, непроменлив. Тргнете ја секоја дискусија за македонскиот јазик и македонскиот идентитет од масата за разговори во Брисел – по тоа, можеме да продолжиме да разговараме за нашата европска иднина“, е пораката на Заев до европските челници.

Тој вели дека со македонскиот идентитет не смее и нема да си игра ниту оваа Влада ниту која било друга влада, а уште помалку друга држава или Унијата, во која не сме членка.

„На овој заеднички пат секој треба да си ги заврши своите обврски – Северна Македонија многу сработи, испорачавме реформи, испорачавме и правда – време е и ЕУ да го испорача ветеното кон нас“, порача македонскиот премиер.

Тој најави дека европската агенда продолжува од Брисел во Мадрид, а потоа и на економскиот форум „Делфи“ во Атина.

Заев во Брисел е придружуван од вицепремиерот задолжен за европски прашања, Никола Димитров, и од министерот за надворешни работи, Бујар Османи.

Прикажи повеќе...

Најново

Свет40 минути

Израел по бомбардирањето: Тел Авив во урнатини, децата сами на улица

Судирите меѓу израелските и палестинските сили продолжија утрово, а по ескалацијата на насилството и крвавите конфликти, Израел прогласи вонредна состојба...

Македонија2 часа

Македонскиот војник заразен од коронавирус во Африка со посебни протоколи пренесен на Инфективната клиника

Рано утрово во земјата пристигна 55-годишниот македонски потполковник позитивен на коронавирусот и суспектен на јужноафриканскиот сој, објави на социјалните мрежи...

Европа2 часа

Германски виролог: Оние што нема да се вакцинираат неминовно ќе се заразат

Германскиот виролог Кристијан Дрoстен очекува дека населението во Германија ќе добие имунитет против коронавирусот за една и пол година. Тоа,...

Европа2 часа

Тензиите од Блискиот Исток се префрлија во Германија, инциденти пред синагоги, запалени знамиња

Тензиите од Блискиот Исток се прелеаја во Германија, каде што се случија инциденти пред две синагоги. Во Бон синоќа неколку...

Свет3 часа

СЗО: Индискиот сој на коронавирусот откриен во 44 земји

Светската здравствена организација (СЗО) откри дека индискиот сој на коронавирусот што предизвика нагло зголемување на бројот на заболени во Индија...

Свет4 часа

(Видео) Ескалираат судирите меѓу Израел и Хамас, најмалку 40 убиени, меѓу нив и деца

Ескалира конфликтот меѓу Израел и Хамас. Од Тел Авив се слушаа сирени од раните утрински часови. Одекнаа и неколку експлозии....

Македонија15 часа

Во петок во Македонија ќе пристигнат 38.400 вакцини од „Астразенека“

Овој петок во Македонија ќе пристигнат 38.400 вакцини од „Астразенека“, соопшти министерот за здравство, Венко Филипче. „Добивме уште една добра...

Македонија19 часа

Во Македонија 171 нов случај на коронавирус, починаа 26 лица

Во последните 24 часа во Македонија се потврдени 171 нов случај на коронавирус, 26 лица починаа, а 409 оздравеа, соопшти...

Македонија19 часа

Државата треба да ѝ врати над 1,7 милион евра на Европската комисија, пари што ги проневерил ексфунционер од МИОА

Основното јавно обвинителство за гонење на организиран криминал поднесе обвинение против поранешниот секретар во Министерството за информатичко општество и администрација и...

Македонија21 час

Од четврток забраната за движење ќе трае само по четири часа

Владата на денешната 69-та седница донесе одлука полицискиот час, од 13 мај, да почнува на полноќ, наместо од 23 часот...

Македонија22 часа

(Видео) Заев: Европските лидери добро ја разбираат нашата порака – идентитетот не е за преговори

Премиерот Зоран Заев денеска ги сумира резултатите од средбите кои во изминатите два дена нашата владина делегацијата ги оствари со...

Македонија22 часа

Во првата недела од мај 37 отсто е намален бројот на новозаразени и починати од Ковид-19

Според неделниот извештај на Институтот за јавно здравје (ИЈЗ), во текот на минатата недела (од 3 до 9 мај) тестирани...

Македонија23 часа

Доцна вечерва пристигнува офицерот на АРМ, кој со корона се заразил во Африка

Министерката за одбрана, Радмила Шекеринска, ја потврди информацијата дека припадник на АРМ е заразен од коронавирус во Централноафриканската Република. Потполковник...

Свет1 ден

Еден од напаѓачите го најавил масакрот во руското училиште носејќи маска со натпис „бог“

Најмалку 11 лица се убиени во вооружениот напад во средно училиште во рускиот град Казањ. Напаѓачите, според информациите објавени од...

Македонија1 ден

Министерството за здравство: Вчера се аплицирани 14.033 дози вакцини

Вакцинацијата се одвива непречено на сите пунктови во државата. Интересот за вакцинација секојдневно се зголемува, а досега бројот на лица...

Регион1 ден

Во Србија пораст на бројот на вакцинирани по ветувањето на Вучиќ од 25 евра

Корона-бројките во Србија продолжуваат да паѓаат и покажуваат помалку од 1.000 заразени втор ден по ред, а белградските медиуми тврдат...

Македонија1 ден

Владата денеска ќе одлучува за новите рестриктивни мерки

Владата денеска ќе ја одржи редовната 69-та седница со повеќе точки на дневниот ред, информираат владините служби. На седницата, која...

Свет1 ден

СЗО: Сите треба да бидеме загрижени поради индискиот сој на коронавирус

Светската здравствена организација (СЗО) го класифицира индискиот сој на коронавирусот, исто така познат како двоен мутант, како можност од нова...

Свет1 ден

(Видео) Најмалку 20 загинати, меѓу нив 9 деца во синоќешните израелски напади

Палестинците рано утрово лансираа десетици ракети од Газа, а Израел возврати со нови воздушни напади. Израелската армија објави дека во...

Регион2 дена

Швајцарски весник со истражување: Зошто Балканот е легло на антиваксери?

Весникот Ноје Цирхер Цајтунг (НЗЗ), на почетокот на анализата од дописникот на Југоисточна Европа, Волкер Пабст, истакнува дека до неодамна,...

Досие