Македонија
Нема пари за новинарството
Медиумите во Македонија, во последно време, се финансираат на два начинa, и тоа медиуми кои се конторолирани од владејачката гарнитура и медиуми кои се плаќаат како проект, а и двата начини на финанисање се неодржливи на долг рок, сметаат говорниците на дебатата на тема „Кој го плаќа новинарството“.
„Ни едниот, ни другиот начин не се одржливи затоа што првиот може да замре со самото менување на власта, а второто затоа што оној кој го плаќа проктот може да изгуби интерес“, смета Горан Mихајловски, уредник и сопственик на порталот Сакам да кажам, и поранешен уредник на весникот Вест.
Тој додаде дека во општество во кое власта носи новинари на настани и им го плаќа дури кафето не може да очекувате критички новинар, туку се ствараат новинари податливи за поткупување од кој било.
Дополнително, според него работите се усложнуваат со нерегулираноста на интернет просторот, каде се појавуаваат разно-разни портали кои пласираат секакви вести. Вели дека постои една голема група публика кои вестите ги прима на мобилен телефон, а не како порано да чекаат вести во централниот дневник во 20 часот, и таа група треба медиумите да ја култивираат за да разликува кои вести се вистинити.
„Друга тема е како ќе дојдеме до пари. Затоа што пари нема“, вели Михајловски кој укажува на феноменот со стопанственици кои нема да ви платат доволно за да одржите редакции затоа што државното финансирање на медиумите доведе до намалување на цените за маркетинг просторот.
На овој проблем укажа и сопственикот на телевизијата Коха од Тетово, која постои веќе 25 години, Меваип Абдиу и кој во тоа време успеал да забележи дека на почетокот сопствениците на медиумите се знаеле кои се, а сега вели, едни менаџираат со медиумот, затоа што законски се наведени, а сопствениците се скриени.
Абдиу рече и дека во денешно време ни компаниите не даваат пари за реклами во одредени медиуми, ако медиумите не се наоѓаат на соодветната партиска листа.
Младен Чадиковски, уредник на телевизијата 24 Вести, и поранешен директор на неделникот Фокус, вели дека новинарството е до таа мера „загадено“ што може да се спореди со загадениот воздух со огромно количество недозволени честички ПМ10.
„Во едно систематско уништување на новинарството од актуелната власт, која тоа го прави повеќе од десет години, наметнати се лоши стандарди за новинарство“, вели Чадиковски, но смета дека работите се придвижуваат на подобро.
Билјана Петковска, директор на Македонксиот институт за медиуми (МИМ), која во соработка со Ррегионланиот проект финансиран од ЕУ, под наслов „Медиумска обсерваторија на ЈИЕ“, во четири години спровеле истражување на теми „Финансирањето на медиумите сфатено како јавно добро“ и улогата на државните институции во заштитата на медиумскиот интегритет.
„Медиумскиот систем во Македонија е заробен и се наоѓа во шема на едни коруптивни клиентелистички односи, коишто се на релација медиуми-сопственици на медиуми-поединечни новинари на високи позиции во медиумите-власта и бизнис елита, која најчесто има клиентелистички-коруптивни релации со власта, а тоа во најголем дел се финансира со јавни средства, со пари од Буџетот“, вели Петковска.
Таа нагласи дека постои трет столб, бидејќи истражувањата покажуваат дека квалитетното новинарство коешто навистина се покажува дека е во служба на јавниот интерес и на граѓаните е нешто што постои само кај портали и непрофитни медиуми и се занимаваат со истражувачко новинарство и во најголем дел, речиси стопостотно се финасирани од странски донации.
Милан Живковиќ, медиумски експерт, кој работел и во Министерството за култура во Хрватска на оваа проблематика посочи дека таму медиумите се финансираат и се помагаат со намалување на Данокот на додадена вредност за медиумите, потоа од Фонд за плурализам или фонд кој се полни од радиодифузна такса, а голема промена направила директната поддршка за непрофитните медиуми од Буџетот./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ: Евроинтеграцијата е премногу важна цел за да се потклекне пред предизвиците
Првиот заменик претседател на Владата за европски прашања Бојан Маричиќ ја пречека Вицепремиерката за европски прашања на Република Молдавија Кристина Герасимов. По остварената средба во Секретаријатот за европски прашања, Вицепремиерите одржаа заедничка прес конференција во Владата на Република Северна Македонија.
На прес конференцијата Вицепремиерот Маричиќ ја пренесе заедничката определба на двете држави што побргу да го завршат процесот за преговори за членство во ЕУ. Во продолжение интегралната изјава на Вицепремиерот Маричиќ.
„Откако на Самитот на ЕУ во Шпанија минатата година беше утврдена целта дека следното проширување на ЕУ е позиционирано до 2030 година, и откако Европскиот Совет донесе одлука да ги отвори пристапните преговори со Молдавија и Украина, Северна Македонија и Молдавија имаат заедничка цел. Со тоа стануваме и стратешки сојузници.
Република Молдавија сега го отпочнува скрининг процесот, додека ние го завршивме успешно во декември минатата година. Успешниот скрининг е резултат на ангажманот на речиси илјада владини претставници и експерти од академскиот и граѓанскиот сектор, за што добивме признанија од страна на Европската Комисија.
На колешката Герасимов ѝ пренесов дека Северна Македонија ќе им го стави на располагање сето знаење и искуство од овој процес на нашите колеги од пријателска Молдавија. Исто како што ние ја добивме поддршката од Хрватска и Словенија, Србија и Црна Гора.
Тоа е европската солидарност. Тоа е израз на пријателство и поддршка како европски вредности.
И двете држави сериозно претендираме на членство при следното проширување до 2030 година. Тоа проширување добива на значење и во забрзување заради геостратешките и безбедносните аспекти, Но, исто толку сме свесни дека за членство во ЕУ мора да ги исполниме и објективните критериуми и стандарди. Секоја земја одделно со своите специфики и перформанси е повикана да ги постигне тие стандарди, но споделувањето на искуствата на тој пат е од огромно значење и секогаш добредојдено.
Исто така, имаме сериозна намера и подготвени сме да ги извлечеме најдобрите придобивки од Планот за раст, кој треба да донесе дополнителна динамика во евроинтегративните процеси на земјите претенденти за членство во ЕУ.
Креиран, како финансиска и политичка инвестиција во регионот, Планот за раст со шесте милијарди евра за Западен Балкан е подадена рака за забрзување на процесот за членство до 2030 година. Тоа е брза лента на патот на евроинтеграцијата. Планот за раст бара реформи од државите и од владите, а придобивките се во системските промени кои ги обезбедуваме низ тие реформи, во финансиските пакети за земјава и во економската интеграција во единствениот европски пазар.
Мораме да останеме силно посветени на европската реформа агенда, зашто само на тој начин, токму преку Планот за раст ќе си обезбедиме слободно движење на стоки, услуги и работници, пристап до Единствената платежна област, олеснување на патниот транспорт, интеграција во индустриските синџири на снабдување, интеграција и де-карбонизација на енергетските пазари, како и во дигиталниот единствен пазар.
На овој пат до членството во ЕУ, сите земји кои се во преговори или се кандидати се соочуваат со предизвици кои бараат одговорни одлуки. Северна Македонија сега е пред таков предизвик. Ние нема да се откажеме од донесувањето на потребните одлуки за да ги продолжиме започнатите преговори.
Со колешката Герасимов се согласивме дека евроинтеграцијата е премногу важна цел за да се потклекне пред предизвиците. За двете земји членството во ЕУ е приоритет во остварувањето на врвните државни интереси.
Македонија
„Не е законски да не е осигурана Клиниката, за тоа треба да преземе одговорност менаџментот“, кажа Демири
Министерот за здравство Илир Демири кажа дека штетата на Токсикологија е покриена, откако имаше хаварија со цевката за парно.
„Клиничкиот центар има заеднички служби кои се наменети за тоа, тоа им е примамрна обврска да се грижат за Клинички центар и за сите хаварии што можат да се случат. Хаваријата со цевката за парно е санирана уште вчера од страна на заеднички служби“, рече Демири.
Дали е потпишан договор или не, тоа се интерни договори на Клиниките кои морам да ги проверам, додаде министерот.
Во однос на болничарот кој требаше да биде суспендиран, Демири кажа дека има една голема неправда направена на Токсикологија, а тоа е необезбедување на согласност од страна на менаџментот на таа институција за обезбедување договори за 18 вработени кои се дел од медицинските процедури, кои веќе 4 месеци служат на таа институција, а не добиваат никаква економска надокнада.
„Во тек е изборна кампања, не сакам да се прекрши ниту една законска процедура, чекам да дојде извештајот на Инспекцискиот надзор кој ги има обврзано во тек на 5 дена менаџментот да најде решание за 18 луѓе кои работат, а не добиваат надокнада. Не е законски да не е осигурана Клиниката, за тоа треба да преземе одговорност менаџментот“, кажа Демири.
На новинарско прашање, министерот одговори дека економската директорка оди на работа и не се паркира на влезот на Клиниката.
„Не се точни наводите дека доаѓала на работа по четири саати, според моите сознанија“, додаде Демири
Македонија
„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски
Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг на претседателските избори на 8 мај.
„Тоа не е точно, јас вчера имав многу јасна порака на митинзите во Сарај и Чучер Сандево. Ги повикувам сите гласачи масовно да излезат на 8 мај и да ги поддржат претседателскиот кандидат Стево Пендаровски и коалицијата За европска иднина на парламентарните избори. Да избереме и претседател и парламентарен состав, Македонија да продолжи на својот пат на европските инетеграции“, рече Ковачесвки.
Тој кажа дека никој не ги има гласачите под своја контрола за да ги наведува како да гласаат.
„Ја примивме пораката во првиот круг за сите грешки кои ги направивме минатите седум години. Очекуваме да ја добиеме поддршката во вториот круг. Нормално е дека нашето членство го повикавме на изборите. Свесни сме дека граѓаните испратија јасна порака до СДСМ, дека граѓаните укажаа на грешките. Работевме во услови на голема пандемија, енергетска и економска криза предизвикани од војната во Украина. Свесен сум за нивото на инфлација и цените. Се обидовме да ги зголемиме и платите и пензиите секој да се справи на најдобар начин со оваа криза. Знам дека тоа не беше доволно, знам дека треба повеќе. Во новата програма имаме и зголемување на платите и на пензиите и секако многу јасни мерки во однос на владеење на правото и борбата против корупцијата“, кажа Ковачевски.
Тој очекува во вториот круг поддршка од сите граѓани во Македонија.
Ковачевски кажа дека Пендаровски е граѓански кандидат и ја бара поддршката од граѓаните, а не од претседателските кандидат коишто не се пласирале во вториот круг.
„Имаме разговори со политичките партии на различни нивоа и ги повикувам сите да имаме масовна излезност на 8 мај. Да избереме претседател на државата со којшто ќе имаме сигурна европска иднина и да избереме парламент што ќе носи храбри одлуки за државата, за да го дадеме на граѓаните она што го заслужуваат и очекуваат“, рече лидерот на СДСМ.
Тој додаде дека со крената глава продолжуваат во вториот круг и знае од што се незадоволни граѓните.