Поранешниот шеф на Управата за безбедност и контраразузнавање, Сашо Мијалков, не се појави во петок пред Анкетната комисија да сведчи за скандалот со прислушувањето телефонски разговори на државни функционери, граѓани, бизнисмени, новинари и други…

Анкетната комисија за прислушувањето, во петок, не успеа да го усвои дневниот ред бидејќи членовите од редовите на владејачката ВМРО-ДПМНЕ бараа да биде тргната точката за сослушување на Сашо Мијалков, а наместо неа да се стават две нови точки – барање од МВР и УБК да ги достават Извештаите од внатрешбната анализа до Комисијата и да се побара од специјалната јавна обивнителка Катица Јанева да ги достави до Комисијата прислушкуваните материјали и форензички анализи за да се утврди колку точно луѓе биле прислушкувани.

Точките не добија мнозинство од вкупниот број членови на Комисијата за да биде усвоена и седницата беше прекината.Инаку, членовите на комисијата од власта и од опозицијата се расправаа околу тоа кој го знае, а кој не деловникот, кога треба да се доставуваат записници и кој има право на процедурално обраќање и кога. Пратениците од ВМРО-ДПМНЕ неколку пати побараа од претседателот на комисијата Петре Шилегов да си поднесе оставка бидејќи, како што рекоа, не може или не сака да го почитува деловникот и побараа некој поискусен од неговата пратеничка група да седне на тоа место.„Денеска присуствувавме на продолжението на сагата наречена ,,да се оневозможи почетокот на работата на Анкетната комисија. Три дена присуствуваме на иста завршница, но во различни сценарија. Очигледно е дека ВМРО ДПМНЕ нема намера да овозможи  пред оваа Анктена комисија да се појават повиканите сведоци и тоа сака да го направи според свое определено сценарио. Денеска за жал таквото сценарио беше зачинето со обиди за моја лична дискредитација и тоа го оставам на личното воспитување на пратениците на ВМРО ДПМНЕ“, рече Шилегов по седницата.Појасни дека се прават обиди за седница којашто веќе е закажана во текот на вчерашниот и во текот на денешниот ден кажано е јавно дека барањата на ВМРО ДПМНЕ коишто се однесуваат на работните групи, посета, барање на извештаи од тие работни групи е закажана веќе и тоа јавноста го посведочи, на 16-ти“, рече Шилегов.Според него, факт е дека денеска е спречен обидот да се појави пред Анкетната комисија Сашо Мијалков, којшто можел да посведочи за именувањето на судиите, за апсењето на Љубе Бошковски, за сваровски судиките, за пукањето што било вмровска работа и за ред други работи.Членот на комисијата од редовите на ВМРО-ДПМНЕ, Антонио Милошоски, констатираше дека Шилегов, како што рече, може е добар правник во судница, но не ја води добро Комисијата зашто не го почитува деловникот што сам го напишал.Тој побара да биде доставена анализата која постои во МВР и УБК и се води под „строго доверливо“ и според таа анализа, ќе се утвределе сите факти без разлика на тоа кој од сведоците ќе дошол или не.„Ваквото однесување на СДСМ го навестува нивното однесување во понеделник. Очекувам дека на 14-ти декември кога треба да сведочи Никола Груевски нема да се создаде работна атмосфера за истото да се случи. Очекувам дека ќе се прават пречки, процедурални изјаснувања, барање паузи, прекинување седници со кои СДСМ ќе се обиде да го попречи обраќањето на оние што сакаат да дадат изјава“, рече Милошоски./крај/мф