Македонија
Нов концепт за справување со организираниот криминал
Слабите институционални капацитети и корупцијата на сите нивоа и во сите сфери на општеството за време на раниот период на транзиција, заедно традиционалниот систем на казнена правда и конвенционалните методи на истражување во полицијата, не дадоа резултати во редуцирањето и спречувањето на организираниот криминал. Одамна се наметна потребата од развивање нови методологии и пристапи кои ќе овозможат стратешки и систематски пристап во истражувањето и сузбивањето на организираниот и прекуграничниот криминал.
Ова меѓу другото го истакна првиот човек на Бирото за јавна безбедност при МВР, Митко Чавков, на денешното потпишување на Меморандумот за соработка за имплементација на проектот „Британските методологии и практики за собирање и анализа на информации“ со амбасадорот на Обединетото Кралство во Македонија, Чарлс Гарет, што во наредната година ќе биде реализиран од страна на Британската национална агенција за борба против криминалот (NCA).„Заради надминување на постојниот, претежно реактивен и некоординиран пристап во полициското работење и развивање на проактивен пристап, реформите во Бирото за јавна безбедност последните неколку години, продолжија со воспоставување модел за криминалистичко разузнавање кој значи институционализација на процесите за утврдување на приоритети, собирање информации, процесуирање, анализа и споделување на податоците за организираниот криминал, преку воспоставување и усвојување на стандарди кои треба да обезбедат веродостојни, релевантни, навремени и споредливи информации на национално и меѓународно ниво“, изјави Чавков.Амбасадорот Гарет, поздравувајќи го парафирањето на Меморандумот како „уште една потврда на извонредната соработка“ меѓу двете земји нагласи дека соработката во областа на безбедноста и борбата против организираниот криминал е многу битна. „И токму поради тие причини Велика Британија особено ја цени билатералната соработка со Република Македонија. Организираниот криминал секаде значително влијае на земјите и на самите општества: влијае на економијата, директно ја поткопува националната и регионалната стабилност и го уназадува процесот на интеграција кон евроатлантските структури. Преку овие обуки и оваа поддршка, ќе можеме на нашите македонски партнери да им го пренесеме искуството и да им помогнеме во градењето капацитети за изготвување на анализи преку собирање на информации со што тие ќе може поефикасно да пристапуваат во борбата против организираниот криминал“, истакна амбасадорот Гарет./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Стојаноска: Време е да се обединиме сите околу тоа повеќе да не функционираме како до сега
„Во текот на вчерашниот ден направивме анализа од резултатите од првиот изборен ден на претседателските избори и истото покажува дека голем број на нашите сограѓани Албанци, Турци, Роми и Бошњаци го имаат дадено својот глас за нашиот претседателски кандидат Гордана Силјановска Давкова“, рече Дафина Стојаноска, носител на изборна единица 6.
„Во име на тоа, од срце им се заблагодарувам на сите мои сограѓани и ги повикувам истото да го направат да го направат и во вториот круг имено ВМРО-ДПМНЕ подава рака кон сите, време е, момент е да се обединиме сите околу тоа повеќе да не функционираме како до сега, туку да вложиме да инвестираме во вистинска слобода, вистинска благосостојба и вистински соживот особено за нас особено во шестата изборна единица. Време е заедно да се спротивставиме на криминалот и Македонија да ја направиме своја и горда“, изјави Дафина Стојаноска, носител на изборна единица 6.
Македонија
„Алкалоид“ добитник на „Патент на годината за 2023“ за иновативниот „Омепразол“ во течна форма
Иновативната формулација на „Алкалоид“ АД за лекот со додадена вредност „Омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26 април.
Меѓународната патентна пријава на „Алкалоид“ за „Oмепразол“ во течна форма беше поднесена на 17 април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија.
Патентот на „Алкалоид“ АД ја заштитува течната фармацевтска дозна форма на „Омепразол“, која се базира на два посебни раствори содржани во двокоморско пакување, кое при отворањето автоматски ги меша двата раствора и така се добива готовиот течен омперазол за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца кои не можат да голтаат таблети, како и кај возрасните пациенти кои имаат тешкотии со голтањето (пациети со дисфагија) и неможност за голтање (пациенти со поставени сонди за гастрично хранење и/или геријатриски пациенти).
Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби.
ПР
Македонија
Први и шести мај неработни за сите граѓани на Македонија, трети мај за граѓаните од православна вероисповед
Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува дека:
1 мај 2024 година (среда), Денот на трудот е неработен ден за сите граѓани на Република Северна Македонија.
03 мај 2024 година (петок), Велики Петок, петок пред Велигден, е неработен ден за граѓаните од православна вероисповед во Република Северна Македонија.
06 мај 2024 година (понеделник), Велигден, вториот ден на Велигден според православниот календар, е неработен ден за сите граѓани на Република Северна Македонија.
Министерството за труд и социјална политика на граѓаните им ги честита престојните празници.