Македонија
Одбележување на 75-годишнината од егзодусот на Македонците во егејскиот дел

Сојузот на здруженијата на Македонците и децата бегалци од егејскиот дел на Македонија „Македпон“ годинава ја одбележува 75-годишнината од егзодусот на Македонците од егејскиот дел на Македонија за време на Граѓанската војна во Грција 1946-1949 година.
Одбележувањето е во рамките на шестата светска средба на децата бегалци и насилно прогонетите Македонци од егејскиот дел на Македонија, која се одржува преку целата 2023 година на сите настани што ги организираат сите здруженија на Македонците од егејскиот дел на Македонија, велат организаторите на настанот.
Чествувањето ќе се одржи на 1 јули 2023 година (сабота) во 10 часот со полагање цвеќе пред Споменикот на децата бегалци во Паркот на жената борец карши Собранието на Македонија и во 12 часот со одржување академија во Македонската академија на науките и уметностите – МАНУ.
На академијата во МАНУ реферат ќе поднесе проф. д-р Тодор Чепреганов, поздравни говори ќе одржат претседателот на Сојузот на здруженијата на Македонците и децата бегалци од егејскиот дел на Македонија, Александар Јаневски, и почесните претседатели на шестата светска средба, неговото високопреподобие архимандрит Никодим Царкњас и Ташко Јованов, а поздравни телеграми ќе се прочитаат од претседателот на МАНУ, проф. д-р Љупчо Коцарев, и почесниот претседател на шестата светска средба, Лефтер Манче, од Канада.
Од академијата ќе биде упатена посебна резолуција од насилно прогонетите Македонци од егејскиот дел на Македонија до институциите на власта на државата Македонија и меѓународните организации!
Сојузот на здруженијата на Македонците и децата бегалци од егејскиот дел на Македонија упатува јавна покана до сите Македонци за масовно учество на двата настана – во 10 часот во Паркот на жената борец и во 12 часот во МАНУ. Добредојдени се сите заинтересирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Системот е следен“ – протест во Скопје за сите трагедии кои ја потресоа целата држава

Во Скопје попладнево се одржа протест на иницијативата „Кој е следен“, на кој се бараше правда за жртвите во досегашните трагедии, а беа прочитани и имињата на 61 жртва од пожарот во дискотеката „Пулс“ во Кочани, 14-те жртви во пожарот во модуларната болница, 45-те жртви од сообраќајната несреќа на автобусот на „Беса транс“, на 16-те жртви во превртениот автобус на „Дурмо турс“ кај Ласкарци, 22-те жртви од поплавата во Стајковци на 6 август 2016, како и на загинатите кои беа прегазени од автомобили на улиците.
„Денеска сме на улица да се избориме против системот кој не’ тера да ги заборавиме сите овие трагедии. Исто така протестираме за сите барања кои се изнесени во јавноста досега и властите се запознаени. Но, повеќе се вртат муабети кои сме ние, наместо да се обрати внимание на она што ние го бараме“, рече Анастасија Митревска од „Кој е следен“ на почетокот на протестот.
Протестот почна пред Владата, а потоа продолжи кон Собранието. На крајот, пред Основниот кривичен суд во Скопје дел од претставниците на „Кој е следен“ имаа свои обраќања изјавија дека не се нечии платеници туку се економисти, правници, ИТ инженери, психолози, доктори, учители, урбанисти кои немаат партиски штаб.
Македонија
Уште неотворена, новата градинка во Бутел демолирана – хулигани искршиле врати и прозорци, штетата е голема

Вандализирана е новата детска градинка во Бутел 1, објави градоначалникот Дарко Костовски.
Вели дека МВР веќе има лоцирано осомничени лица, а за многу скоро очекува остра и брза акција, одговорност и кривични пријави согласно закон.
„Направена е голема штета во новата граника во Бутел 1, истата е во план да се пушти во употреба во месец септември 2025 година. Особено е осетливо тоа што станува збор за детска градинка, таму каде што треба да бидат згрижени нашите најмили“, рече Костовски.
Изрази надеж дека зад овој случај не стои политика. Тој потсети и дека во општината се градат две нови детски градинки, нешто што не се случило никогаш во толку кус период.
Македонија
Средба на Сиљановска-Давкова со Клакочар Зупанчич: Словенија ќе остане наш поддржувач на патот кон ЕУ

На средбата меѓу претседателката Гордана Сиљановска-Давкова и претседателката на Државниот збор на Република Словенија, Уршка Клакочар Зупанчич, која престојува во официјална посета на земјава, беа истакнати заложби за поттикнување на регионалното заедништво, одржување на добрата економска соработка и силна поддршка за македонските евроинтеграции.
Словенија беше, е, и ќе остане наш поддржувач и пријател на патот кон ЕУ, бидејќи нам таму ни е местото, нагласи претседателката Сиљановска-Давкова.
Претседателката изрази искрена и длабока благодарност за сочувството, помошта и поддршката што Словенија ни ја пружи по трагичниот настан во Кочани, што сведочи за цврстото пријателство.
Таа се заблагодари за континуираната поддршка во процесот на нашиот евроинтеграциски маратон и истакна дека Словенија секогаш беше до нас.
Нагласувајќи го ставот за неопходноста од почитувањето на Копенхагенските критериуми, таа изрази скептицизам дека уставните документи на ЕУ се почитуваат.
Обете манифестираа задоволство од билатералната соработка и партнерството на мултилатерален план, што меѓу другото, се темелат на сојузништвото во НАТО, заедничките заложби за мир и стабилност во регионот, како и фактот дека меѓу двете земји нема ниту едно отворено прашање.
Претседателката на словенечкиот Државен збор ја реафирмираше поддршката, потенцирајќи дека ЕУ е непотполна и недовршена без сите европски народи. Таа изрази разбирање за фрустрираноста на македонските граѓани поради долготрајноста на евроинтеграцискиот процес и за стравовите од наметнување нови препреки и покрај многуте направени отстапки од македонска страна.
Соговорничките се согласија дека политиката на проширување на ЕУ не смее да се билатерализира и да има посебни критериуми и преседани за нас, оти тоа ќе се одрази и на следните кандидати.