Македонија
Одбраната на дел од осомничените барало СЈО да ги запре постапките по аболицијата
По одлуката на шефот на државата Ѓорге Иванов да ги повлече аболициите за 22 лица од вкупно 56 помилувани, Специјалното јавно обвинителство (СЈО) го повика македонскиот претседател да ги повлече аболициите за сите лица, бидејќи оваа одлука Специјалното обвинителство ја смета за „селективна правда“.
„Рокот за поништување на одлуките кои Законот го препиша, сé уште не е истечен. Очекуваме и веруваме дека претседателот ќе го почитува Уставот и ќе ги повлече аболициите. Не смее да има селективен пристап и да се затскрива вистината“, изјави портпаролката на СЈО, Ленче Ристоска.Истрагите и предистражните постапки продолжуваат за лицата за кои Претседателот ја поништи одлуката за аболиција, меѓу кои се и највисоките државни функционери од владејачката ВМРО-ДПМНЕ. Одбраната на дел од осомничените по аболицијата на Претседателот барала да бидат запрени постапките, но Обвинителството, според Ристоска, не ги запрело бидејќи законски нема рок за запирање на постапките.На списокот на аболирани лица имаше осомничени лица, неколку лица за кои воопшто не се воделе никакви постапки, но и еден сведок.Животот на едниот сведок од овој список, заврши трагично, имено Коста Крпач беше најден мртов во неговиот стан во центарот на Скопје. Од Јавното обвинителство во четвртокот соопштија дека се работи за самоубиство, но сомнежите кај дел од јавноста останаа, бидејќи Крпач пред да биде најден мртов наводно се соочувал со притисоци и закани, без разлика дали станува збор од поединци или од страна на обвинителството. Специјалното јавно обвинителство доставило до Јавното обвинителство изјава од Крпач дека има закани и притисоци по неговиот живот, но случајот не го пријавиле во Министерството за внатрешни работи за да го зачуваат неговиот идентитет.Измените на Законот за заштита на сведоците сé уште е во процедура и, како што беше коментирано, постојат многу недоречности во заштита на сведоците. Други детали од Специјалното јавно обвинителство за овој случај не соопштија бидејќи нивните колеги од Јавното обвинителство водат предистражна постапка за овој случај која сé уште е во тек и е тајна.СЈО соопшти дека води седум истражни постапки, во кои има 60 осомничени лица и сведоци, а од помилуваните во „Титаник“ не се повлечени аболициите за петмина, во „Тврдина“ за тројца, во „Тортура“ за шестмина, во „ТНТ“ за две лица, како и за две лица во случајот „Пуч“. Бројот на предистражните постапки постојано се зголемува, но како што изјави Ристоска најголем број од предистражните постапки се финансиски истраги коишто бараат повеќе време за да се соберат факти.
„Криминалот не е активност која се исплати, така што лицата кои се бават со криминал, освен кривична одговорност, ќе сносат и материјална одговорност, односно материјалната корист, која ја прибавиле незакоски, ќе им биде одземена“, порача Ристоска.
Таа упати забелешка до Основниот суд Скопје 1 за случајот „Пуч“ бидејќи и натаму одбива да им ги предаде доказите за овој случај.„Едноставно не ни е овозможен увид во овој случај и покрај тоа што Апелацискиот суд донесе решение Основниот суд да ни ги предаде доказите. Но ние копии од доказите не добивме. Апелацискиот суд утврди дека Основниот суд Скопје 1 ги крши законските одредби, но и понатаму не ни ги даваат“, изјави Ристовска.
Истрагите се засноваат на прислушуваните телефонски разговори коишто ги достави опозицијата до ова обвинителство. Доставени се 540.646 аудио записи, а обвинителите пресметале дека само за преслушување на разговорите ќе им треба околу една и пол година. Поради обемноста на доказниот материјал Специјалното јавно обвинителство не може да предвиди кога ќе биде покрената првото Обвинение и против кого. Освен за материјалите коишто ги предаде опозицијата Обвинителството води предистражни постапки и за приватните разговори коишто беа објавени. Проверува дали овие материјали се автентични и кој ги објавил. Обвинителите од новото обвинителство не знаат од каде му се информациите на Министерот за внатрешни работи, Митко Чавков, дека освен материјалите што ги предаде опозицијата во компјутерот на сега веќе обвинетиот Захир Бекири Чаушот најдени се е и други прислушувани разговори. Досега до Специјалното обвинителство ниту Јавното обвинителство ниту друго лице не ги доставило материјалите. Ристоска потврди дека обвинителите од СЈО добиваат плати од 2.000 до 3.000 евра, но платите и додатоците не ја надминуваат законската рамка и буџетот на Обвинителството. Тие ангажирале и експерти, меѓу кои е и адвокатот Александар Тортевски и професорот Светимир Шкариќ. За јавноста спорно е ангажирањето на архитектот Мирослав Грчев да го прави вештачењето за уривањето на станбено – деловниот објект „Космос“, бидејќи токму овој архитекот го ангажираше Фијат Цаноски при уривањето на неговиот објект. Од обвинителството велат дека тие се обратиле до Архитектонскиот факултет и Грчев бил случајно избран за да го врши вештачењето. Доколку се сомнева одбраната на осомничените во стручноста на вештакот, Ристоска објаснува дека може да бараат негово изземање. /крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денес се евидентирани вкупно 22 пожари на отворен простор
На територијата на државава денеска до 18 часот се евидентирани вкупно 22 пожари на отворен простор, од кои 14 се активни, а по четири се под контлола и изгаснати.
Како што информираат од Центарот за управување со кризи (ЦУК), активни пожари има: во Општина Василево, Радовиш и Берово – с. Нивичино, планината Голем Готен и Малешевските планини (нискостеблеста шума, смрека, грмушки, ниска вегетација); Општина Прилеп 1 – с. Бешиште, Бешишки Рид, крак према с. Градешница и границата со Р. Грција (мешана шума); Општина Прилеп 2 – активен кракот кон с. Дрен, проширен кон с. Галиште (Кавадарци), додека делот помеѓу Царевиќ и Смолани е под контрола (мешана шума и ниска вегетација); Општина Македонски Брод – помеѓу с. Црешево, Локвица и Крапа (деградирана дабова шума, грмушки, ниска вегетација); Општина Желино – меѓу с. Церово и Групчин (нискостеблеста и деградирана шума); Општина Струмица – с. Баница и нас. Софилар (висока трева); Општина Петровец – с. Средно Коњаре, кај реката Пчиња (ниска вегетација и ниска шума); Општина Крива Паланка – с. Нерав (висока борова шума); Општина Старо Нагоричане и Куманово – с. Облавце кон с. Бењаковце (ниска вегетација); Општина Старо Нагоричане 2 – с. Руѓинце (ниска вегетација); Општина Куманово – нас. Бедиње (ниска вегетација); Општина Гази Баба – с. Трубарево (ниска вегетација); Општина Зелениково – с. Гумалево (ниска и мешана вегетација); и Општина Василево 2 – с. Сушево (ниска вегетација).
Под контрола се ставени пожарите во Македонски Брод 1 – с. Грешница (мешана шума и сува трева); Македонски Брод 2 – с. Латово (ниска вегетација и деградирана шума); Карбинци – с. Јунузлија (шума); и Штип – помеѓу с. Драгоево и Селце (нискостеблеста шума, прнар и сува трева);.
Изгаснати се пожарите во Струмица – м.в. Три Води (ниска вегетација и мешана шума); Василево – с. Василево (ниска вегетација); Струга – с. Калишта (ниска вегетација и ѓубриште); и Шуто Оризари – ул. Брсјачка Буна (дива депонија).
Македонија
Родителите на загинатите деца во „Пулс“ прашуваат до каде е постапката за полициските службеници за пожарот
Родителите на загинатите деца во пожарот во кочанската дискотека „Пулс“ на денешниот 16. Марш на ангелите пред зградата на Полициската станица во Кочани побараа одговор од ОЈО ГОК, кое ја води постапка за над 20 те полициски службеници од ОВР Кочани и СВР-Штип, до каде е истрагата за нив и формирање на обвинителен предлог.
-Сакаме да ги прашаме до каде е постапката на ОЈО ГОК или чекат одмори, да си одведат нивните деца на одмор, на вода, а ние на нашите деца врз гробовите да им фрламе вода за да ги освежеме. Блазе си им, нека им служи на чест, оти развлекуваат само, вели мајка на загинато момче.
На денешниот Марш на ангелите главната порака им беше „Слушнето го гласот на оние што повеќе не можат да зборуваат“. Родителите и семејствата на загинатите деца што учествуваа на протестниот марш се револтирани што нивниот настан денеска имаше убедливо најслаб одѕив. Револтирано им се „заблагодарија“ на поддршката на граѓаните и семејствата кои имаат настрадано деца, а денеска не учествуваа на маршот кој почна во 18.05 часот од Паркот на револуцијата, а заврши пред зградата на Судот и Обвинителството во Кочани.
Една од мајките пред зградата на Општина Кочани истакна дека на денешен ден се случи катастрофалниот земјотрес во Скопје, кој однесе голем број на човечки животи и направи материјални штета. Посочи дека на денешниот Марш на ангелите им одаваат почит на загинатите во земјотресот во Скопје во 1963 година, но истовреме се сеќаваат и на оние кои помогнале да се обнови градот Скопје.
Македонија
МВР во Охрид покажа вежба на спасување на вода и евакуација на патници од опожарен пловен објект
Со показна вежба на спасување на вода и евакуација на патници од опожарен пловен објект, како и со презентација на дел од опремата, возилата и другите материјално технички средства што ги користат полициските службеници при извршувањето на секојдневните задачи, попладнево во Охрид беше реализирана активноста на МВР насловена „До Вас, за Вас“.
Активноста е осмислена со цел приближување на полицијата до граѓаните, во рамки на концептот „Комјунити полисинг- Работа во заедницата“, подигнување на јавната свест за зголемена јавната безбедност во заедницата, спроведување едукативни и интерактивни активности со граѓаните поврзани со превенција и сузбивање на разните форми на криминал…
Министерот за внатрешни работи, Панче Тошковски, кој ги следеше активностите истакна дека со полициските службеници од повеќе оддели во рамки на МВР се презентираат активностите што ги преземаат, средствата што ги користи службата, начинот на спроведување на полициските активности и сите дејствија што се преземаат во рамки на редовното полициско работење.
– Еден од поводите за посетата на Охрид денеска е и заедничката соработка што ја имаме со српските полициски службеници во Охрид. Имаме четворица колеги од Србија кои во летниот период се заедно со нашите полицајци патролираат, си помагаат во рамки на сите дејствија што треба да бидат преземени, а се во делот на српските туристи. Ова е една убава прилика да поразговараме со нив за тоа како ги обавуваат нивните службени задачи тука, рече Тошковски.
Тој уште додаде дека македонската полиција е тука за граѓаните, да им обезбеди мирен престој во туристичките центри.
– Безбедносната сеостојба во Охрид е стабилна, а туристите можат да уживаат во преубавите туристички центри…Во рамки на летната сезона СВР – Охрид е потпомогната со полициски службеници од други центри. Така што и оваа година ќе бидеме подготвени да ги преземени сите дејствија и да одговориме на сите предизвици, рече тој.
Поради гладување 90.000 жени и деца итно имаат потреба од медицинска интервенција во Газа
Секој трет жител на Појасот Газа со денови не добива храна, предупреди Светската програма за храна (WFP) на Обединетите нации....
Големиот пожар кој избувна попладнево во близина на Струмица е под контрола
Големиот пожар кој избувна попладнево во близина на Струмица меѓу Градските гробишта и селото Баница и зафати огромна површина и...
Анегелов: Пожарот на Готен не може да загрози ниту едно село
На територијата на целата земја денеска има шест активни пожари, а најтешкиот и најспецифичен е пожарот на планината Готен, на...
Најмалку 25 лица загинаа во текот на ноќта во нови напади на израелската армија врз Појасот Газа
Најмалку 25 лица загинаа во текот на ноќта во нови напади на израелската армија врз Појасот Газа, во време кога...
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце
Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје...
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот
Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години...
Го онесвестиле удирајќи го со клешти оти се сомневале дека им краде лубеници
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
62 години од катастрофалниот земјотрес во Скопје во кој животот го загубија 1.070 лица
Скопје денеска ја одбележува 62. годишнина од катастрофалниот земјотрес што се случи на 26 јули 1963 година, кога животот го...
Надлежните се борат со 11 активни пожари: Гори кај Прилеп, Македонски Брод, Штип
Според најновите информации, на територијата на државата се евидентирани вкупно 25 пожари на отворен простор. Од нив, 11 се сѐ...
(Видео) Грета Тунберг по Тетово стигна во Скопје, ќе дискутира за империјализмот и ќе протестира за спас на Дошница
Еко-активистката Грета Тунберг преку видео-обраќање на Инстаграм соопшти дека се наоѓа во Скопје и дека ќе учествува на неколку настани...
Се’ уште се трага по девојчето кое го одвлече Вардар – 29-годишната соселанка се обидувaла да го извлече од водата
Прпиадници на полицијата, армијата, нуркачи, кајакари се во интензивна потрага по 16-годишното девојче од селото Уланици, Градско, кое вчера беше...
Влегол на Онкологија и крадел од пациентите – притвор за 60-годишник
Скопското Обвинителство поведе постапка против 60-годишник осомничен за тешка кражба. Кражбата ја извршил на Клиниката за радиотерапија и онкологија, каде...
Мицкоски: Ќе ме прогласат за конзервативен, но за мене создавањето семејство е патриотизам, следната година ќе има поробусна акција од сегашната
Уште поробусна акција за подобрување на демографската слика на земјава најави премиерот Христијан Мицкоски за следната година во споредба се...
Со 130 илјади евра ќе се спасува инвестицијата на Калето од 4,6 милиони евра: од 2026 музеите ќе бидат пуштени во употреба
Стотина сезонски работници од општините Кисела Вода, Бутел, Ѓорче Петров, Аеродром и Гази Баба утрово ја искосија тревата и ги...
55-годишен скопјанец пронајден починат во водите на Охридското Езеро
Вчера во 12.15 часот во ОВР Струга било пријавено дека во водите на Охридското езеро на струшкото крајбрежје било забележано...
Коцевски ги отфрла наводите во интерпелацијата: Функцијата ја вршам чесно и одговорно
Функцијата ја вршам чесно и одговорно, со максимално почитување на начелата на транспарентност и отчетност, одговори јавниот обвинител Љупчо Коцевски...
Претседателката на антикорупциската, Татјана Димитровска, поднесе оставка
Кабинетот на претседателот на Собранието информира дека претседателката на Државната комисија за спречување на корупцијата (ДКСК), Татјана Димитровска, денес до...
Продолжува пoтрагата по 16-годишното девојче, кое потона во реката Вардар
Центарот за управување со кризи извести дека од рано изутрината на самото место се ангажирани припадници на МВР, специјалната единица...
(Фото) Канабис, луксузна облека и цигари запленети на граничните премини – спречен влез на мигранти
Царинските службеници на граничните премини и мобилните царински тимови при Секторот за контрола и истраги во текот на изминатите денови...
Арсовска до Меџити: Тоа е таа насмевка кога успеваш за криминал и за перење 225 милиони евра црни пари ниеден новинар да не ти постави прашање
„Тоа е таа насмевка кога успеваш за криминал и за перење 225 милиони евра црни пари преку дивоградби ниеден новинар...
