Македонија
ОПЕР на Неждет Мустафа ја напушта коалицијата на ВМРО-ДПМНЕ
Обединетата партија за еднаквост на Ромите (ОПЕР) во вторникот вечерта објави дека и покрај партискиот предлог за квалитативно подобрување на кандидатите за пратеници на листите и давање можност образовниот и интелектуалниот капаците да ги претставува интересите на Ромите во Македонија, владејачката ВМРО-ДПМНЕ се одлучила да ја продолжи соработката со Амди Бајрам, и повторно да го кандидира за пратеник на претстојните предвремени парламентарни избори на 11-ти декември, поради што партијата се одлучила да ја прекине досегашната соработка со владејачката партија.
Оваа одлука е донесена по дискусијата на претседателството на ОПЕР на коешто било разговарано за еднаквоста на Ромите низ призмата на последните преговарачки позиции за продолжување на соработката со сега владејачката ВМРО-ДПМНЕ.
Од партијата на Ромите посочуваат дека биле многу јасни во своите ставови дека ќе поддржат кој и да е друг кандидат од која и да е друга ромска партија, вклучително и од онаа на Амди Бајрам, „доколку тој кандидат ги исполнува образовните предуслови за квалитетно застапување“ на оваа етничка заедница во Собранието.
Уште на 26-ти октомври Обединетата партија за целосна еманципација на Ромите(ОПЕР) порача дека нема да коалицира со ВМРО-ДПМНЕ доколку на која и да е листа за следните парламентарни избори закажани за 11-ти декември се најде Амди Бајрам.
Како што информираа од ОПЕР, пред две седмици била одржана средба меѓу претседателот на ОПЕР, Неждет Мустафа и генералниот секретар на ВМРО-ДПМНЕ, Емил Димитриев, на која Мустафа истакнал дека тие нема да се согласат да коалицираат со партијата на власт ако таа го стави на некои од изборните листи Амди Бајрам.
„Таков човек е навреда за Ромите и ние не сакаме да бидеме во иста коалиција со него“, порачаа тогаш од ОПЕР.
Меѓутоа, и покрај предлогот на ОПЕР, претседателот на партијата Неждет Мустафа да се откаже од должноста министер без ресор во актуелната Влада „со цел да се даде можност на нови просперитетни кадри да напредуваат во кариерата, ВМРО-ДПМНЕ одлучи да ги занемари сите успеси постигнати на локално и меѓународно ниво од декадата и стратегијата за интеграција на Ромите и да ги замени со лицето коешто најмногу го деградирал и девалвирал ромскиот народ со своите јавни настапи“.
Во образложението на својата одлука, од ОПЕР велат дека владејачката партија со својата одлука повторно да го кандидира Амди Бајрам, едноставно „ги натерала“ да ја донесат одлуката за напуштање на коалицијата со ВМРО-ДПМНЕ, и оти ќе останат доследни на заложбите дека Ромите имаат високобразовен и професионален кадар кој заслужува да ја претставува ромската заедница о да придонесува за нејзин натамошен развој./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата, која во следниот период имаме намера дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честита за успехот и се заблагодари на можноста да води кампања за која рече дека не била еднаква за сите оти законот што е во сила не дава еднаква можност за медиумско претставување на сите партии.
Рече дека се гордее на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоив повеќе од 80.000 гласа. Регистриравме субјект што постои нешто повеќе од три месеци и со граѓанската поддршка се етаблира на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади члена, а да освоите над 80.000 гласа. Искрено, се гордеам на секој глас што дојде како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Им порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој има 100.000 гласа помалку од Гордана Силјановска-Давкова.
„Почитуван мој претседателе, разликата е огромна. Доколку сакате да опстанат централната и левата идеја во државата, откажете се од оваа битка и оставете нѐ да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата, без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.