Контакт

Општество

Едукација на младите за правилен третман и рециклирање на отпадот

Објавено пред

Во рамки на платформата „Дали рециклирате!?“, „Пивара Скопје“, заедно со Амбасадата на Холандија во Македонија и компаниите „Пакомак“ и „Нула отпад“, започна проект за едукација на младите за начинот и придобивките од рециклирањето и правилниот третман на отпадот.

Проектот се реализира преку иновативна и забавна театарска претстава „Зелена планета“ наменета за деца од прво до петто одделение. Театарскиот караван тргна од Скопје, со премиера во полната сала на Драмскиот театар, а планирано е оваа година претставата да ја видат уште најмалку 10.000 деца во десет градови ширум земјата.

„Со задоволство се вклучивме во овој проект затоа што неговата цел е да се развие свеста на најмладите за еден особено важен аспект од заштитата на животната средина, а тоа е соодветниот третман на отпадот, што за нас како компанија е особено значајна област во која вложуваме многу средства, знаење и енергија. Истовремено, среќен сум доколку и на ваков оригинален и забавен начин успееме да ги мотивираме новите генерации одговорно да се однесуваат кон животната средина и со тоа придонесат кон создавање на одржлива иднина за сите“, изјави генералниот директор на Пивара Скопје, Јован Радосављевиќ.

Во претставата, преку интересен и пред сé забавен начин, на децата им се пренесуваат пораки за значењето на селектирањето и третманот на различен вид отпад, почнувајќи од хартијата, пластиката, стаклото, лимената амбалажа, па се до електронскиот отпад.

„Како што е случајот и со Холандија, за секоја општествена промена потребна е здружена акција на државните институции, граѓанското општество, деловниот сектор и граѓаните. Заедно со Пакомак и Пивара Скопје континуирано се обидуваме да дадеме пример за ова – преку акции за чистење и возење велосипед, како и преку промовирање на одржлив начин на живеење. Ми претставува задоволство што денес заедно отпочнуваме нова иницијатива насочена кон запознавање на децата со културата на рециклирање, бидејќи децата секогаш се идните носители на општествените промени“, изјави Амбасадорот на Кралството Холандија, Ваутер Пломп.

Една од основните мисии на Пакомак е да создаде можности за селекција на отпадот од страна на сите граѓани со што ќе се минимизираат несеканите ефекти од амбалажниот отпад врз животната средина. Пакомак се обврза дека до 2020 година двојно ќе ги зголеми количините на собран и рециклиран амабалажен отпад.

„Една од пораките што сакаме да ги пренесеме на децата со оваа претстава е дека селекцијата на отпадот мора да стане навика и обврска на сите, исто како што е на пример одржувањето на личната хигиена. Едноставно сакаме кај нив да создадеме свест дека со мал напор може да придонесат за доброто на животната средина“, вели Филип Ивановски, извршен директор на компaнијата Пакомак.

Како дел од платформата „Дали рециклирате!?“, претходно беше реализирана и акцијата за чистење спроведена на дел од кејот на реката Вардар во Скопје, во чии рамки вработените на Пивара Скопје и на Холандската Амбасада, со логистичка поддршка од Пакомак, го собраа целокупниот сув отпад кој понатаму беше селектиран и рециклиран. /крај/со/ст

Македонија

Патниците од регионот не треба да приложуваат негативни тестови ако само транзитираат низ земјава

Објавено пред

Главниот координативен кризен штаб ги објави насоките и пропозициите врз основа на кои државјаните на Србија, Косово, Црна Гора и на Босна и Херцеговина може да влегуваат и да транзитираат низ земјава.

Државјаните на овие земји, кои имаат двојно државјанство, доколку имаат живеалиште во државава, при влез не е потребно да приложуваат медицинска потврда со негативен резултат од ПЦР-тест. Оваа одредба не важи за лицата што немаат живеалиште во Македонија и при влез тие ќе мора да покажат негативен резултат од ПЦР-тест направен 72 часа пред влезот.

Носители на македонски патни исправи, кои имаат адреса на живеење во Србија, Косово, Црна Гора и во Босна и Херцеговина, при влез во државава исто така задолжително треба да приложат медицинска потврда со негативен резултат од ПЦР-тест.

Оние што во Македонија доаѓаат преку аеродромите во Скопје и Охрид нема да треба да приложат негативен тест на Ковид-19 доколку потпишат изјава дека во рок од три часа ќе ја напуштат територијата на државата.

Исто така, доколку патниците од овие држави влезат во земјата преку копнен граничен премин, а имаат намера да заминат со авион, потребно е задолжително да прикажат авионски билет (електронски билет) и да потпишат изјава за транзит, односно во рок од три часа да ја напуштат државата.

За професионалните возачи, не е потребно приложување потврда за тест, со обврска за задолжително почитување на протоколот за вршење меѓународен превоз.

Потврда од направен тест не е потребна ниту во случај на организиран автобуски превоз, а во овој случај територијата на Северна Македонја мора да се напушти во рок од пет часа, со потпишување изјава за транзит. Исто така, одредбата за приложување потврда за направен ПЦР-тест ги исклучува дипломатите од Србија, Косово, Црна Гора и од Босна и Херцеговина, акредитирани во земјата, и членовите на нивните семјства.

Задолжителна обврска за приложување негативет тест направен најмногу три дена пред влезот има за државјани на Србија, Косово, Црна Гора и Босна и Херцеговина, кои имаат регулиран привремен или постојан престој во земјата, како и за државјаните од овие земји што имаат претходно закажани здравствени прегледи и лекување во македонски болници.

Министерството за внатрешни работи, по прибавување на пополнетите изјави од државјаните на овие четири земји, заедно со медицинските потврди од ПЦР-тестовите, ќе ги доставува на проверка и потврдување до Министерството за здравство, а Министерството за здравство ќе ги доставува до регионалните центри за јавно здравје во согласност со адресите.

Прикажи повеќе...

Македонија

Спасовски: Јурумлери е единственото место во регионот кое доби иновативна вакуум-канализациска мрежа

Објавено пред

Премиерот Оливер Спасовски денеска оствари работна посета на општина Гази Баба и изврши увид во работите на фекална канализација во Трубарево и увид во градежните работи на изградба на вакуум-канализацијата во Јурумлери.

Во изјавата за медиумите Спасовски истакна дека Владата успешно ја спроведува долгорочната стратегија за изградба на инфраструктура, која ќе остане и за идните поколенија, дури и во вонредни околности.

„Кризата предизвикана од пандемијата не ги попречи капиталните инвестиции. Спротивно на тоа, капиталните проекти продолжија со изведба и тоа со забрзана динамика. Градиме инфраструктура за сите, во вонредни околности, почитувајќи ги мерките за заштита. Тоа е новото нормално, на овој начин ѝ помагаме на економијата во многу важен период“, истакна премиерот.

Тој образложи дека во Трубарево, заедно со Општината, која од своја страна инвестирала 80 милиони денари, е ставена во функција фекалната канализација и по 17 години, на граѓаните им е обезбеден приклучок кон примарната мрежа.

„Вкупната должина на мрежата е 13 километри, со изградени 3 нови препумпни станици, а уште една препумпна станица ќе се гради во Чукур Маало. Изградени се 400 нови шахти за приклучок кон примарната мрежа. Ги поврзавме левата и десна страна на Трубарево во една колекторска линија, која води кон населеното место Гоце Делчев, која претходно не беше воопшто поврзана. Со овие капитални проекти работиме директно за решавање на децениските проблеми што овие населени места ги имаа обезбедувајќи им, конечно, фекална мрежа. Населеното место Јурумлери е единственото населено место во нашата земја и во регионот кое, конечно, доби иновативна вакуум-фекална канализациска мрежа. Ова е сложен проект бидејќи самата местоположба на ова населено место и подземните води налагаа изградба на посебен вакуум-систем на канализациската мрежа. Проектот за реализација на вакуум-станицата се реализира со средства на Општината, на Светската банка и на Владата. Изградени се и 3.100 метри примарна мрежа и поставени се 68 примарни шахти“, го објасни проектот Спасовски.

Тој прецизира дека дополнително со средства на Светската банка, во висина од 72 милиона денари, се гради нова пречистителна станица кај реката Вардар како втората фаза од проектот, и со третата фаза, како што рече, ќе се заокружи овој голем капитален проект на целата територија на населеното место Јурумлери.

„Со овој проект јамите стануваат минато. Решаваме уште еден голем проблем кој со години ги мачеше жителите на ова населено место“, нагласи премиерот.

Тој потенцира дека паралелно со овие населени места се работи и на изградба на водоводна мрежа во Раштак и Булачани, изградба на водоводни линии во Ченто и Стајковци и најави брзо почнување на фекалната мрежа во Смилковци.

Прикажи повеќе...

Македонија

„Екогерила“: Гостиварци се трујат од нереализираните ветувања за депонијата

Објавено пред

Повеќе од 15 години Владата ветува дека ќе го реши проблемот со менаџирањето на отпадот во Полошкиот Регион, но овој проблем и натаму останува без епилог, велат од движењето „Екогерила“.

„Цената на овој неуспех овие денови го плаќаат жителите на Гостивар, кои во време на пандемија се принудени да дишат загаден воздух поради пожарот што гори во регионалната депонија ‘Русино;, во близина на Гостивар. Граѓаните со право се жалат на масовното труење предизвикано од неспособноста на Владата да го реши овој стар проблем“, се наведува во соопштението.

„Екогерила“ го поддржува барањето на граѓаните да се организираат за заштита од ова труење и ги охрабрува да постапуваат во согласност со законите и праватa за организирање почитувајќи ги мерките за лична заштита во време на пандемија.

Прикажи повеќе...

Најново

Македонија14 минути

Мицкоски со писмо до народот: Ви ветувам макотрпна работа и обнова на државата

Кус е периодот во кој можевте да ме запознаете, да стекнете впечаток за мене и за она што го преставувам...

Регион13 часа

(Видео) Петти ден протести во Србија, демонстрантите во Нови Сад ја блокираа полициската станица

И вечерва граѓаните на Нови Сад излегоа на протест на улиците и на половина час ја блокираа полициската станица „Стар...

Македонија15 часа

Од коронавирус почина 24-годишна пациентка од Тетово, немала хронични заболувања

Вчера на Инфективната клиника почина 24 годишна пациентка од Тетово од Ковид-19. Таа е еднa од најмладите пациенти во земјава...

Македонија17 часа

Нови 199 заболени и осум починати од коронавирус во земјата

Министерството за здравство информира дека во последните 24 часа се направени 1545 тестирања, а регистрирани се 199 нови случаи на...

Топ18 часа

Мaж нападнал четири лица во авто-кампот „Градиште“, има повредени

Доцна синоќа во полицијата било пријавено насилство кое се случило во авто-кампот „Градиште“ во Охрид. Според пријавеното, А.К.(32), кој претходно...

Регион18 часа

Хрватска, Албанија и БиХ бележат рекордни бројки на новозаразени од појавата на пандемијата

Во регионот деновиве забележан е пораст на бројот на заболени од ковид-19. Во Хрватска, Албанија и БиХ денеска е регистриран...

Македонија18 часа

Пендаровски за геноцидот во Сребреница: Идеите за етнички чисти територии секогаш водат кон трагедии

Претседателот, Стево Пендаровски, упати порака по повод 25-годишнината од геноцидот во Сребреница. „Пред 25 години се случи геноцидот во Сребреница...

Регион19 часа

Грција бара санкции за Турција: „Ердоган направи историска грешка“

Атина ќе изврши притисок врз меѓународните организации и ЕУ да воведат санкции кон Турција, поради промената на статусот на музејот...

Македонија23 часа

Уште два дена кампања

Уште два дена ќе трае предизборната кампања за парламентарните избори кои ќе се одржат в среда. Денеска и утре политичките...

Македонија24 часа

Свети Николе станува ново жариште на коронавирусот, двете фабрики се затворени

Во Свети Николе вчера беа регистрирани 29 новозаразени од ковид-19, за првпат во овој град, кој станува ново жариште на...

Македонија24 часа

Рекорден број на заразени и излечени во земјава за едно деноноќие

Во Македонија вчера беше регистриран рекорден број на новозаразени и излечени пациенти во последните 24 часа. Како што информира Министерството...

Македонија1 ден

Дел од болницата „8-ми Септември“ ќе се пренамени за пациенти кои не се заболени од ковид

Во наредните десетина дена почнуваат подготовки за ослободување на дел од капацитетите во ГОБ „8ми Септември“, најави министерот за здравство,...

Македонија1 ден

Заев од централната трибина во Скопје: Мора да продолжиме по правиот пат, од вас зависи

Мора да продолжиме по правиот пат, не смееме да скршнеме од него, тоа е наша заедничка задача, порача синоќа претседателот...

Македонија1 ден

Филипче: Тестираме масовно и ги откриваме и асимптоматските случаи за прекин на ланецот на ширење

Тестираме масовно и ги откриваме и асимптоматските случаи за прекин на ланецот на ширење, истакна министерот за здравство, Венко Филипче,...

Регион1 ден

(Видео) Не престануваат протестите во Србија – еден демонстрант повреден со нож, има и уапсени

Четврт ден по ред насилни протести во Белград, но и во повеќе градови во Србија, наспроти забраната за собирања на...

Свет2 дена

СЗО: Сè уште можеме пандемијата да ја ставиме под контрола

Директорот на Светската здравствена организација порача дека денес сè уште е можно да се стави епидемијата на Ковид-19 под контрола,...

Аја Софија, Истанбул Аја Софија, Истанбул
Регион2 дена

„Аја Софија“ повторно стана џамија

Турскиот претседател, Реџеп Таип Ердоган, денеска потпиша декрет со кој музејот „Аја Софија“ во Истанбул повторно станува џамија. Ова следи...

Македонија2 дена

Излекуван пациент кај кого коронавирусот предизвикал воспаление на мозокот

Во ГОБ „8 Септември“ е излекуван пациент кај кого коронавирусот предизвикал воспаление на мозокот, соопшти министерот за здравство, Венко Филипче....

Македонија2 дена

Патниците од регионот не треба да приложуваат негативни тестови ако само транзитираат низ земјава

Главниот координативен кризен штаб ги објави насоките и пропозициите врз основа на кои државјаните на Србија, Косово, Црна Гора и...

Македонија2 дена

Шест смртни случаи и 205 новозаболени од коронавирус во Македонија

Во последните 24 часа во Македонија се регистрирани шест смртни случаи и 205 новозаболени од коронавирус. Оздравени се 336 заболени....

Досие