Македонија
Офшор фирмата „Те-То“, сопственик на БЕГ, го загуби предметот за неисплатена дивиденда против „Топлификација“
Тројца апелациски судии на 6 февруари годинава ја отфрлиле жалбата на оштетените „Битар Холдинг Лимитед“ од Кипар, мнозински сопственик на „Те-То“ АД, Љупчо Станковски и Јоже Карловски, изјавена преку адвокатското друштво, „Чукиќ и Марков“ и ја потврдиле првостепената пресуда на кривичниот суд во Скопје, со која, го отфрлил барањето
за поведување на прекршочна постапка против „Топлификација АД“ и Димитар Хаџи Мишев за неисплатена дивиденда на акционерите.
Во пресудата пишува дека првостепениот суд правилно постапил кога го отфрлил барањето за поведување прекршочна постапка. Оштетените-предлагачи претходно поднеле барање за заштита на акционерските права до Комисијата за хартии од вредност. Биле известени дека Комисијата спровела контрола поврзана со неисплатата на дивиденда на акционерите и покрај донесената одлука на Собранието на акционери. Со одлуката било констатирано дека со непостапувањето по Одлуката за исплата на дивиденда за 2012 година Топлификација го прекршила членот 487 став 5 од Законот за трговските друштава, а со тоа го попречила остварувањето на едно од основните права кои акциите им ги дават на нивните сопственици.
Судиите не ги прифатиле како основани овие наоди, бидејќи според Законот за прекршоците, наведено е дека судот ќе го прифати барањето од оштетениот за поведување прекршочна постапка ако е проследено со писмено барање до надлежниот орган, со докази дека го пријавил прекршокот и барал надлежниот орган да постапи по барањето и во рок од 30 дена од таквото барање од надлежниот орган добие негативен одговор или не добил одговор.
Судот во образложението навел дека оштетените стекнуваат право да поведат прекршочна постапка само под услов ако надлежниот орган, одлучи да не поведе прекршочна постапка илиако молчи за пријавениот прекршок.
Апелацискиот суд во Скопје во 2017 година донесе пресуда со која го одби тужбеното барање на „Топлификација“ АД за присилна наплата на побарувања врз основа на заеми, што „Топлификација“ АД ги дала на „Те-То“ АД. За овој предмет првостепениот суд еднаш донесе пресуда во корист на „Топлификација“ АД. На таа одлука „Те-То“ АД поднесе жалба во Апелацискиот суд, кој го врати предметот во Основниот суд, кој повторно донесе иста пресуда. На втората жалба на „Те-То“, Апелација ја отфрли тужбата од „Топлификација“ и пресуди во полза на жалителот.
Инаку, „Топлификација“ АД ја тужи „Те-То“. Компанијата лани поднесе кривична пријава за злоупотреба на службена положба и оштетување доверители. Според „Топлификација“ раководството на „Те-То“ поднело барање за стечај и донело одлука за отпис на долг од 120 милиони евра без одлука на собранието на акционери. Со тоа овозможила противправна имотна корист на офшор компанијата „Битар Холдинг лимитед“ од Кипар која е мнозински сопственик на „Те-То“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Угинат балкански рис најден на патот Ресен – Охрид, постојат само 50-тина единки од овој вид
Угинат рис денеска е пронајден на патот Ресен – Охрид. Од Македонското еколошко друштво (МЕД) велат дека ваквиот случај не треба да нè остави рамнодушни, особено ако се земе предвид дека постојат уште само 50-ина единки на балканскиот рис.
„По дојава од Здружението на ловци „Преспа-Ресен“, денеска на терен констатиравме дека е угинат рис на патот Ресен-Охрид. Во тек е координирана акција со Министерството за животна средина и просторно планирање, Државниот инспекторат за животна средина, Агенцијата за храна и ветеринарство и Македонското еколошко друштво со цел земање примероци за анализа и транспортирање на угинатото животно на Факултетот за ветеринарна медицина при УКИМ – Скопје заради обдукција“, велат од МЕД.
Од таму велат дека за зачувување на загрозените видови потребно е да се изградат зелени мостови.
„Ваквите случаи не нè оставаат рамнодушни, особено ако се земе предвид дека постојат уште само 50-на единки на балканскиот рис. Истовремено, се јасен показател дека ако сакаме да ги зачуваме загрозените видови, мора да се планираат и градат зелени мостови преку кои животните ќе можат безбедно да се движат и да ги надминуваат пречките создадени од човекот“, велат од МЕД.
фото/Facebook/Македонско еколошко друштво
Македонија
Ѓорѓиевски на ифтарска вечера: Ваквите моменти нè потсетуваат дека различностите се наше богатство
Градоначалникот на Град Скопје, Орце Ѓорѓиевски, на покана на поглаварот на Исламската верска заедница, присуствуваше на ифтарска вечера.

„Таму каде што почитта нè обединува! Вечерва, на покана на поглаварот на Исламската верска заедница, Реис ул-Улема, присуствував на традиционалната ифтарска вечера со нашите браќа и сестри од исламска вероисповед. Во духот на меѓусебната почит, разбирање и искрена човечка блискост, вечерта помина во пријатна и топла атмосфера, испраќајќи силна порака за соживот, толеранција и заедништво. Токму ваквите моменти нè потсетуваат дека различностите се наше богатство, а почитта, наш заеднички темел“, напиша Ѓорѓиевски.

Додаде дека рамазанските денови се денови на духовна сила, добрина, солидарност и обединување, денови кога се отвораат срцата, кога се помага на ближниот и кога уште повеќе се зацврстуваат врските меѓу луѓето.
„Да продолжиме да се почитуваме, да се поддржуваме и да останеме сплотени, за заедно да ја оствариме нашата мисија – силно и модерно Скопје и просперитетна Македонија“, напиша градоначалникот.
Македонија
Предлогот за минимална плата од 600 евра не помина на Комисија во Собрание
Предлогот минималната плата да се зголеми на 36.960 денари (600 евра) од март, денеска не помина на седницата на собраниската Комисија за економски прашања, труд и енергетска политика, откако официјално беше поднесен од пратеничката група на СДСМ.
Од опозицијата обвинија дека власта освен предлогот за јавна расправа го одбила и разговорот меѓу синдикатите, работодавачите и Владата.
„Предлогот за изменување и дополнување на Законот за минималната плата, поднесен од пратениците на СДСМ денеска не беше прифатен на собраниската Комисија за економски прашања. За законот дебатираа само пратениците од опозицијата. Власта го одби и предлогот за јавна расправа, одби разговор меѓу синдикатите, работодавачите и Владата. Одбија решение за работниците. Одбија 600 евра минимална плата“, велат од СДСМ.
Според нив, власта има пари за луксузирање, за мебел, чанти, авион ама нема за поголеми плати за раотниците.
„Парите за авионот не е исфрлени, нема реабаланс на Буџетот, затоа што немаат намера да се откажат. Гледаме координирана кампања на 40% од медиумите кои ги држат во сопственост преку Орбан, со наратив дека „потребен е авион“. Не запираат. Има за авион. Има за мебел. Нема за плати. Дефокус не го полни фрижидерот. Со дефокус не можете да ја оттурнете главната тема и да ги оставите работниците без леб. Мислите дека со дефокус ќе се избрише сеќавањето на авионот, часовниците од 65.000 евра, чантите од 30.000 долари?“, прашуваат од СДСМ.

