Македонија
ДИЖС: Загадувањето од печката во „Дрисла“ не ги надминува просечните вредности

Државниот инспекторат за животна средина утврди дека загадувањето од печката за согорување медицински отпад во „Дрисла“ не ги надминува просечните вредности. При денешниот увид било утврдено дека раководството на „Дрисла“ извршило мерење на загадувачките супстанции во воздухот од печката.
„Беше констатирано дека ‘Дрисла’ има извршено мерење на загадувачките супстанции во воздухот од печката за согорување медицински отпад од страна на акредитирана лабораторија, и тоа на 31 мај и на 20 јуни. По добиените резултати, од извештаите од мерењата на параметрите – јаглерод моноксид, јаглероден диоксид, азотни оксиди, сулфурен диоксид, е утврдено дека емисиите не ги надминуваат просечните вредности“, соопштија од инспекторатот.
„Дрисла“ на почетокот на годинава беше казнета со 8.500 евра за непочитување на протоколите и за горењето медицински отпад. Пред три месеци беше пуштен во употреба новиот филтер на печката за согорување медицински отпад кој ги апсорбира ПМ 10-честичките, јаглеродниот моноксид и другите честици што се ослободуваат при согорувањето. Пред седум месеци, пак, скопското Обвинителство по допрен глас отвори истрага против „Дрисла“ за кривично дело загадување на животната средина и природата од чл. 218 од Кривичниот законик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.