Контакт

Општество

Д-р Ангелчо Андоновски: Илузионисти го доведоа здравството на дното

Објавено пред

Македонското здравство се разболуваше изминативе години дадено во рацете на шарлатани и правејќи низа грешки започна да одумира, стасувајќи на самото дно, на штета на пациентите, смета д-р Ангелчо Андоновски.
Јавноста првпат ве запозна во периодот на објавувањето на ткн бомби на Зоран Заев, како редовен колумнист жестоко критикувајќи ги состојбите во македонскиот здраствен систем, што беше пресудно да бидете еден ретките да го „кренете“ гласот за состојбите во здравството, се охрабривте од „бомбите“ или причина е неможноста, како што велите, да гледате како тоне нашето здраство?
– Светот останува на младите. Несомнено е дека сакам да ја видам својата држава како место каде моите и нашите идни поколенија ќе ја градат својата иднина. Не земја која е извозник на млади мозоци и работна сила поради група неспособни луѓе кои имаат свои лични интереси и комплекси. Една ластовичка не ја чини пролетта, но, сепак, бев охрабрен од еден, исто така, храбар поединец кој одлучи да ја стави својата глава во торба во интерес на еден народ на една држава го следев неговиот пример баш поради тоа што и јас си ја сакам својата држава и својот народ. Здравството тоне и натака процесот започна со појава на лаици и шарлатани во здравствениот систем јас едноставно и исто така не можев да го гледам тоа и морав да го кренам својот глас.

dobivaj vesti na viber

Што се случува всусшност, според вас, со нашето здраство?
– Нашето здравство се разболуваше овие шест години и на крај се разболе и, за жал, веќе и почна да умира. Се нижеа грешки една по друга, се направија многу голем број пропусти и едноставно неминовен беше и овој колапс. Здравството беше предадено во раце на шарлатани и илузионисти кои го доведоа до самото дно, нормално на сметка на граѓанинот т.е на сметка на пациентот. Мора да се напомене дека некој профитираше од сето тоа и сега целата вистина полека испливува и ке излезе на виделина. За тоа некој ќе мора и да одговара.

Од една страна, власта прмовира нови објекти, нова медицинска опрема.., а од, друга страна, пациентите во медиумите се жалат на непрофесионалност, за нехигиена, руинирани објекти. Дали проблемот е во перцепцијата на луѓето, или оцената за здраствениот систем се дава во зависност од дневнополитичката агенда и политичка провициенција на лугето?
– Најлошото нешто што ни се случи нам како држава беше тоталното партизирање на секоја пора од општеството. Здравството не би требало да познава политика, тука станува збор за спасување на човечки животи и ништо повеќе. Актерството спроведено од моменталната власт која секако дека треба под итно да замине стана рутина која на народот му стана провидна. Фалењето заврши ги научивме сите нивни илузионистички финти како да го залажат народот и веќе е доцна и е смешно. Постои одреден група која, за жал, не ги сваќа работите како стојат но ќе ги осети оној момент кога ќе се појави и ќе има потреба од една здравствена услуга а ќе мора да ја плати и дури да го доживее хоророт во кој е здравството тек тогаш можеби ќе се подосвести.
Дали македонскиот лекар ги има основните услови да пружи грижа на пациентот кој ќе затропа на негова врата?
– Да ги имаше сите неопходни услови немаше да се случат милион проблеми кои не следат овие десет мачни годни, последниве шест години доживеавме тотално фијаско и деградација на лекарската фела и на медицинскиот персоналот. Така да основни услови веќе нема се кубури со сé и е во постојан недостаток.

Што се случува со новиот клинички центар во Скопје, кој Груевски неколкупати помпезно го најавуваше. Дали е тоа е веќе мит или реалност?
– Ако некоја лага биде кажана безбројпати станува вистина. Но добро е што не сме слепи па се уверивме дека на сите свои претстави прават реприза, па затоа и слободно можеме да ги наречеме добри режимски комедијанти. Клиничкиот центар заради доброто на сите мора да стане реалност, но во времето што следува не и со овие луѓе кои докажаа дека за нив личното богатење и пакостење врз сопствениот народ е хоби.

Болниците во внатрешноста тврдат дека тонат во долгови, а министерот Никола Тодоров речиси секојдневно промовира нови болнички капацитети или предава во употреба нови апарати. Дали таквата состојба се должи на лошото менаџирање на болниците или станува за партизирање и на овој сектор?
– Еднаш неговите (на Тодоров) настапи ги нареков ‘тоалет турнеи’. Тогаш беше занесен или подобро речено замајан дека прави врв во здравствениот систем, го нарековме и џојстик министер или со еден убав коректен збор џиу џицу комедијант. Тие апарати , кревети и сите оние нешта не функционираат без професионалци, обучен персонал, пациенти и добро инсталирана инфраструктура и опрема. Никој од неговите послушници, не го подучи како треба баш поради својата полтронска поставеност и стравот дека ќе бидат сменети. Условите во внатрешност ги гледаме сите и повеќе не можат да бидат скриени. Факт е дека сите пациенти бегаат од такви услови и ни ги прикажуваат нам како вистински хорор. Менаџирање на болниците не постои, постои министер шарлатан и плаќање преку трезорска сметка што е врв на глупоста а и воведување на болниците во колапс. Секојдневно се среќаваат со проблеми и тужби , министерот молчи.

Според вас, каде повеќе се троши во здраствените установи, на медицинскиот персонал или на администрацијата?
– Видете сооодветен сооднос мора да постои но не лекуваат административците туку лекарите и медицинскиот персонал. Треба правилна прераспределба на севкупниот административен апарат, токму со цел поефикасно функционирање на системот. Само така можеме да го очекуваме имплементирањето на европските стандарди, сега засега сме далеку од нив.

Дали македонскиот лекарски еснаф е партизиран?
– Таа ситуација може да биде видена дури и од авион. Дури највисоките структури во здравството, професорски, доцентски и останатото, се како потчинети робови на еден комедијант кој е случајно залутан во здравството и е случајно министер. Сите му се понижуваат, а со тоа си покажуваат која вредност ја и имаат, а тоа жалосно. Лекарската комора исто така е целосно испартизирана. Јас лично сум за департизација на здравството , освен оние сегменти каде мора да бидат назначени професионалци со партиска административна припадност.

Неодамна беше ставен камен темелник на нов клинички центар во Штип, исто така, неколкупати најавуван претходно, а пациентите се жалат на невозможни услови во штипската болница. Дали сметате дека и овојпат станува збор за предизборна кампања?
– Удрија десет пати камен темелник, се насликаа уште сто пати и пак повторно ништо од сето тоа, сега и градба на црква форсираат што за жал на овој народ се надевам дека им се вклучи црвената сијаличка дека сето тоа се лаги и видео ленти. Губат граѓаните губат пациентите губи нашето ровко општество. Мизерни се условите во штипската болница, а градбата на ваква модерна болница би требало да ја постави на пиедестал како регионална болница од врвен калибар, но како што реков во времето што предстои сега со овие криминални структури секако дека нема да биде ништо.
Деновиве во медиумите сретнавме вест за уште една ‘голема инвестиција во здраството’, камен темелник на црква во штипската болница. Тоа е знак дека Тодоров крева раце од сé и ги остава пациентите во господови раце, или ова е знак за уште една ерозија на македонското општество,за девастирањето на здраствените приоритети и лимбо состојбата во која се држи македонскиот граѓанин десет години.
Пред сé, имаме нужда од инфра структура. Нови патишта, атмосферски канализации а не да еден дожд ни одзема животи на нашите граѓани. Народот треба да одлучи и да сето тоа го промени, а не да добива лажни залчиња кои не може да ги проголта. Ерозијата е очигледна ама повторно и сé уште имаме момент кој укажува дека народот сé уште е во некој романтичен филм а околу него се руши сé. Посакувам најскоро да се освести и да си ја земе судбината во свои раце, доста ни е од овој хорор филм кој ни е наложен десет години.

Вашите јавни настапи се насочени единствено кон Тодоров. Дали тој е главниот виновник за состојбата во нашите болници и клиники, но дали тој е единствениот виновник за ваквите состојби?
– Преку Тодоров, граѓанинот сакам да сфати дека е отсликана целокупната раководна структура која ја раководи Македонија. Тоа се луѓе со луцидност, клептоманија, тотално непочитување на сопствениот народ и сопствената држава. Преку Тодоров се отсликува сликата дека тие не се грижат за народот и дозволуваат да умира и да бега од сопствената држава само на сметка на нивно лично богатење.
Тодоров покажа колку незначат дури и детските животи нашата иднина дечињата а со тоа презентира и мислењето на раководната партиска и фамилијарна структура на властодршците со еден збор нечовечноста која може да се спореди со фашизам. Менаџерите се подеднакво виновни како и Тодоров, бидејќи нив ќе ги покажува народот и нашите поколенија со прст дека придонеле кон остварување на ваквата руинирана состојба на здравствениот систем поради својата исклучителна понизност и девастираност.

Пациентите се жалат дека, сепак, се принудени да купуваат завој, ампули, лекови и други медицински продукти кои недостигаат во болниците?
– Верувам дека по 11-ти декември ќе се отпочне со првичното, но мачно враќање на уништениот здравствен систем т.е првите и најтешки чекори кон неговото повторно рестартирање. Многу било, малку останало. Верувам во посветла иднина на Македонското здравство но после промена на оваа апокалипса која траеше десет години.

Како, тогаш, да „заздрави“ македонското здравство?
– Со многу труд кој ќе се вложи за да се сопре тоталното распаѓање и да се обнови целиот систем. Само преку поставување на професионалци и кадри кои мислат добро на граѓанинот и државата успехот е неминовен. Решенијата се спремни и чекаат своја имплементација. Се надевам дека народот ќе ја даде шансата која им е потребна и значајна за сите нас.

Како истакнат член на СДСМ, кои ќе бидат првите мерки што ќе ги преземе владата на вашата партија во областа на здравство?
– Решенијата и мерките за воспоставување вистински функционален здравствен систем се изготвени и чекаат момент да бидат поставени во функција. Сите знаеме кога и со нетрпение го очекуваме тој момент баш поради фактот што ние професионалците посакуваме народот да ни е здрав и функционален и доследно да допринесува за развивање на нашето општество за да може да растеме како европска држава.

Што треба да се стори за во јавното здравство граѓанинот да ги добие истите услови што постојат и во приватно здравство?
– Лекот чини пет пари, доколку го знаеме. Јас знам дека го знаеме: нова подобрена инфраструктура, чисти и перфектни установи со европски стандарди и повисоки плати за лекарите и медицинскиот персонал, воедно и добро менаџирање кое ќе ја врати довербата на граѓанинот во јавното здравство.
По 11-ти декември над Македонија ќе изгрее ново сонце на слободата. Мојата борба, верувам, дека не беше попуста. Верувам во една силна, разумна, рамноправна, слободна, слободоумна и демократска држава, држава на целокупниот народ кој живее во ова прекрасна земја верувам во новото сонце, сонце кое не само дека ќе донесе слобода туку и ќе ја крене Македонија и поведе кон посветла иднина и ќе ја направи сплотена европска и светска држава./крај/мф/вц

Македонија

Г.г. Стефан: Да ги зацврстиме единството и слогата, да ги надминеме разногласијата и меѓусебните поделби

Објавено пред

Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.

dobivaj vesti na viber

– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.

Прикажи повеќе...

Македонија

Православните верници го слават Велигден

Објавено пред

Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.

dobivaj vesti na viber

Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.

Прикажи повеќе...

Македонија

Годишен извештај на Народниот правобранител: Помалку претставки од граѓаните за работата на јавните обвинителства

Објавено пред

Во извештајната 2023 година, во областа која се однесува на работата и постапувањето на обвинителствата во Република Северна Македонија поднесени се 63 претставки што е за 24 помалку во однос на 2022 година, се констатира во Годишниот извештај за степенот на обезбедувањето почитување, унапредување и заштита на човековите слободи и права во 2023 година што го објавува Народниот правобранител на Република Северна Македонија.

dobivaj vesti na viber

Согласно објавените податоци, бројот на претставки на граѓаните на годишно ниво се намалил за повеќе од 38%, што претставува резултат на заложбите на Јавното обвинителство за зголемување на ефикасноста на постапките и континуираните напори за подобрување на довербата на граѓаните во работата на јавните обвинителства.

Во најголем број од претставките граѓаните бараа интервенција во врска со постапки пред основните јавни обвинителства (51), потоа пред Основното јавно обвинителството за организиран криминал и корупција (4), постапка пред Јавното обвинителство на РСМ (3), пред вишите јавни обвинителства (2), друго (2) и една претставка се однесуваше за постапка пред Совет на јавни обвинители. Ваквиот сооднос е очекуван со оглед на обемот на предметна работа и фактот што токму јавните обвинителства со основна надлежност го прават првиот директен контакт на граѓаните со институцијата.

Доколку се има предвид вкупниот обем на работа на јавните обвинителства кои активно постапуваат по поднесени кривични пријави за над 40.000 сторители на кривични дела во текот на годината, поднесените 63 претставки до Народниот правобранител претставуваат околу 0,1% од таа бројка. Притоа, граѓаните во посочените предмети изразувале незадоволство поради непостапување по поднесена пријава на кривично дело, одолжување на постапката или поради незадоволство од донесена одлука. Од тие причини Народниот правобранител, меѓу останатите препораки во извештајот, во делот на Јавното обвинителство препорачува основните јавни обвинителства да ги доставуваат јавнообвинителските одлуки до странките и да им се овозможи правото да ги обжалат до повисоките јавни обвинителства, да постапуваат поажурно и навремено да преземаат дејствија, да го почитуваат рокот од 3 месеци доколку не донесат јавнообвинителска одлука да го известуваат повисокиот јавен обвинител и пријавителот, за да нема сомневање и страв дека гонењето ќе застари.

Сите овие забелешки Јавното обвинителство ги зема предвид, детално ги анализира и ќе продолжи да презема активности за дополнително зголемување на ефикасноста, на транспарентноста и на отчетноста за постапките што ги води. Ваквите заложби на Јавното обвинителство се веќе воспоставен начин на работа при што уште во извештајот за 2022 година омбудсманот констатираше дека за разлика од претходните години, сега јавните обвинителства, особено издвојувајќи ги Основното јавно обвинителство Скопје и Основно јавно обвинителство за гонење на организиран криминал и корупција, постапуваат по барањата на Народниот правобранител, даваат суштински и целосни одговори за бараните информации од постапките, се вели во соопштението од Јавното обвинителство.

Прикажи повеќе...

Најново

Македонија26 минути

(Видео) Костова: Тотален дебакл на Мицкоски во економијата, инфлацијата го изеде семејниот буџет

Се случува тотален дебакл на економски план, економската политика на владата на Мицкоски и ВМРО-ДПМНЕ е целосно промашена. Последните податоци...

Македонија45 минути

За прв пат после шест години, учениците во основните училишта ќе имаат учебници по сите странски јазици, вели Јаневска

„Наместо училиштата да им делат парталави и неупотребливи учебници на учениците, треба да ги пријават во електронскиот систем на Министерството...

Македонија3 часа

Арсовска: Аценце, те чекам на ТВ дуел

Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел. „Во меѓувреме...

Македонија3 часа

(Фото) ДЗС: Пронајдени артилериска граната од 75 mm и рачна бомба од Првата светска војна

Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm...

Свет4 часа

Хронологија на масакрот: Австриецот нишанел во главите на децата, оставил видео-порака за мајката

Првиот училишен ден по долгиот викенд. Потоа започнува ужасот: некои деца се преправаат дека се мртви, други очајно им се...

Европа5 часа

Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение...

Свет5 часа

Трамп: Нѐ напаѓаат странски непријатели, сакаат да предизвикаат инвазија

Американскиот претседател Доналд Трамп во вторникот изјави дека „странски непријатели“ го напаѓаат Лос Анџелес, каде што беснеат немири од петокот...

Европа6 часа

Жителите на Грац запалија свеќи во центарот на градот за да оддадат почит на жртвите од нападот

Граѓаните на Грац се собраа на главниот плоштад во градот за да запалат свеќи и да им оддадат почит на...

Европа6 часа

(Видео) Масовен напад врз Харков, гори станбена зграда: има мртви и многу повредени

Во новите руски напади врз североисточниот украински град Харков во текот на ноќта во вторник загинаа две лица, а повеќе...

Свет14 часа

Америка до Русија: Веднаш престанете со нападите врз украинските градови

Руските напади врз украинските градови мора веднаш да престанат, изјави денес портпаролот на американскиот Стејт департмент, осудувајќи го еден од...

Свет15 часа

Трамп: Грета е чудна и бесна; Грета: Искрено, на светот му требаат повеќе бесни жени

Шведската активистка Грета Тунберг му возврати на американскиот претседател Доналд Трамп откако тој ја опиша како „чудна“ и „бесна“ поради...

Европа16 часа

(Видео) Убиецот оставил писмо пред масакрот во училиштето во Грац: расте бројот на жртвите

Масовниот убиец Артур А. (21) кој денес уби девет лица со пиштол и пушка во училиште во Грац, потоа изврши...

Свет17 часа

Трамп: Демонстрантите низ САД ќе се соочат со иста или поголема сила отколку во Лос Анџелес

Претседателот на САД, Доналд Трамп, им рече на новинарите во Овалната соба дека ако протестите против имиграциските политики продолжат во...

Европа18 часа

ЕУ подготвува нов удар врз Путин, објавени се деталите

Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор....

Македонија18 часа

Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ

„Се е пријавено дечки, затоа вчера ви рековме два пати да размислите пред да излезете на прес. Ама толку слушате,...

Европа19 часа

Зеленски за масакрот во Австрија: Длабоко сме потресени

Украинскиот претседател Володимир Зеленски го коментираше денешното пукање во училиште во Грац, во кое беа убиени 10 лица, од кои...

Македонија20 часа

(Видео) „УМС фатени во лага – законот за пиротехника е прекрешен, а Тошковски молчи“, велат од СДММ

„Откако ја предизвикаа згрозеноста кај младите со срамната журка со пиротехника додека Македонија тагува за изгубените млади животи во Кочани,...

Топ20 часа

(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата

СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи...

Македонија21 час

Пониква станува рехабилитациски центар за повредените од пожарот во Кочани

Повредените од пожарот во Кочани ќе бидат испратени на рехабилитација во Пониква. На денешната седница на Владата и официјално се...

Топ23 часа

(Видео) Кузеска: Власта ги покачи платите на функционерите за 200 евра

Срамно и дрско – народoт едвај преживува, а власта ги покачува само платите на функционерите, обвини Богданка Кузеска, портпаролка на...