Вкупно 29 илјади пациенти кои имале закажано сецијалистички или друг преглед преку можноста „Мој термин“ не се појавиле во закажаното време, во текот на изминатиот месец јули, потенцираше во неделата на прес-конференција проект-менаџерот на Националниот систем за закажување прегледи „Мој термин“, Милан Аризанкоски, кој повика граѓаните кои не можат да се појават во закажаниот термин, да го откажат преку бесплатниот телефонски број, преку смс порака или преку нивните матични лекари.
 

Вкупно 29 илјади пациенти кои имале закажано сецијалистички или друг преглед преку можноста „Мој термин“ не се појавиле во закажаното време, во текот на изминатиот месец јули, потенцираше во неделата на прес-конференција проект-менаџерот на Националниот систем за закажување прегледи „Мој термин“, Милан Аризанкоски, кој повика граѓаните кои не можат да се појават во закажаниот термин, да го откажат преку бесплатниот телефонски број, преку смс порака или преку нивните матични лекари.

На пример, 74 годишна жена од Струмица дури 27 пати не дошла на закажаните термини, истакна Аризанкоски. Пациент на 54 годишна возраст од Јегуновце, не дошол на 27 закажани термини, последниот термин на кој не се појавил бил резервиран на 7-ми август. Пациент на 52 годишна возраст од Радуша од Општина Сарај, пак, не дошол на вкупно 25 закажани термини.

„На овој начин се наштетува на концептот на функционирање на националниот систем за електронски евиденции и непотребно се креира нереална листа на чекање, затоа суштински е важно да се почитува времето на другиот, односно пациентот да го почитува времето на докторот и на другите пациенти, но и докторите да го почитуваат времето на пациентите. Доколку не сте во можност да присуствувате на прегледот, Ве замолувам истиот да го откажете. Уште еднаш потсетувам дека термините може да ги откажете на телефонскиот број 15 444 или со праќање на порака кон 144 194 со содржина број на упат“, апелираше

Во сите здравствени установи низ државата, инаку, пациентите преку „Мој термин“ биле примени 15 минути порано или со просечно задоцнување од 10 минути по закажаниот термин.

Најголем број прегледани пациенти во текот на јули има во Клиничкиот центар во Битола – вкупно 19.820 пациенти, по него следува Клиничкиот центар во Тетово со 16.930 прегледани пациенти, па болницата во Прилеп со 13.600 и општата болница во Куманово со 11.897 примени пациенти преку проектот „Мој термин“.

Од скопските здравствени установи најмногу пациенти биле прегледани во Градската општа болница „8 Септември“, и тоа 13.130.

„Во истите овие болници, најголема е и бројката на пациенти кои не дошле на закажаниот термин, просекот на пациенти кои не дошле на преглед во овие установи изнесува 23 отсто или вкупно 7.770 пациенти за јули“, рече Аризанкоски

„Просечниот број на дневно креирани термини за преглед по интерна медицина во месец септември изнесува 15,5 пациенти по ден во здравствените домови, а 18 пациенти во Општите болници, додека просечниот број на вкупно дефинирани термини по доктор на интерна медицина во септември изнесува 300 термини по доктор во Здравствените домови , додека во општите болници е 120 термини по доктор. Помалата бројка се должи на тоа дека специјалистите во општите болници извршуваат и други дополнителни здравствени услуги и тоа дека имаат и болнички пациенти“, рече Аризанов.

Додаде дека во Здравствените домови од вкупно 69 доктори интернисти. само 23, односно 33 проценти о надминуваат просекот на дневно дефинирани термини, и тоа се лекари од здравствените домови во Скопје, односно од Поликлиниките „Букурешт“, „Јане Сандански“, „Драчево“ и „Ѓорче Петров“.

„Во националниот систем за електронски евиденции во здравството МојТермин во рамки на деталните медицински податоци се евидентира и времето на прием на пациентот, односно покрај времето кога е закажан терминот, се следи и времето кога пациентот влегол на преглед, кога започнал прегледот и кога е напишан извештајот од прегледот. Во таа насока, денеска сакам да издвојам неколку исклучително позитивни примери врз основа на евидентираниот прием на пациенти на преглед за месец јули 2014 година“, рече Аризанкоски/

Притоа посочи дека во Здравствен дом копје – Поликлиника Идадија, биле прегледани 460 пациенти за кои бил закажан термин, 45 отсто од нив биле примени на преглед во просек од 15 минути пред закажаниот термин, додека 52 проценти биле примени со просечно задоцнување од десет минути по закажаниот термин. Со тоа, вкупно 446 пациенти или 97 отсто од закажаните биле примени на преглед пред закажаниот термин или со просечно задоцнување од 10 минути. Во поликлиника Идадија во месец јули не дошле на преглед 64 пациенти.

Сличен е примерот, илустрираше Аризанкоски и со Здравствениот дом Скопје – Поликлиника Бит пазар, каде во јули биле закажани прегледи на 4.740 пациенти, од нив се прегледани 3.970 а другите 770 не дошле на прегледот. Од тоа, 2.044 пациенти или 52 отсто, биле примени на преглед во просек 22 минути пред закажаниот термин, додека 1.549 или 39 проценти биле примени со просечно задоцнување од 9 минути по закажаниот термин. Вкупно 3.593 пациенти или 91 отсто од закажаните биле примени на преглед пред закажаниот термин или со просечно задоцнување од девет минути по него. – Најголемиот број прегледи во оваа поликлиника има направено докторката Маре Ванчевска специјалист по офталмологија. Исто така, најголем дел од пациентите кои закажале, а не дошле на преглед се закажани кон офталмологија и интерна медицина, истакна Аризанкоски.

И поликлиниката Чаир при Здравствениот дом Скопје ги има сличните резултати. Таму 56 отсто од закажаните пациенти биле примени на преглед 20 минути пред закажаниот термин, додека 34 отсто од пациентите биле примени со просечно задоцнување од 9 минути. Вкупната бројка прегледани закажани пациенти во јули во поликлиниката Чаир изнесува 1.686 пациенти, од кои 1.518 пациенти или речиси 90 отсто биле примени на преглед пред закажаниот термин или со просечно задоцнување од 9 минути. Во оваа здравствена установа лекар со најголем број на прегледи во поликлиниката Чаир е д-р. Даниела Блажевска Тасеска, специјалист по интерна медицина, која има извршено 430 прегледи.

„Од универзитетските клиники би ја издвоил Клиниката за ревматологија каде во јули биле закажани 1.145 пациенти, од кои 93 отсто биле примени на преглед пред закажаниот термин или со просечно задоцнување од 12 минути“, рече координаторот на „МојТемрин“.

„Воедно, сакам да истакнам и практични примери врз основа на параметарот – просек на дефинирани термини кај специјалист. Просечниот број на дневно креирани термини за преглед по интерна медицина во месец септември изнесува 15,5 пациенти по ден во здравствени домови, а 18 пациенти во општите болници, додека просечниот број на вкупно дефинирани термини по доктор на интерна медицина во септември изнесува 300 термини по доктор во Здравствен дом, додека во општите болници е 120 термини по доктор. Помалата бројка се должи на тоа дека специјалистите во општите болници извршуваат и други дополнителни здравствени услуги и тоа дека имаат и болнички пациенти.

Кај општите болници од вкупно 81 доктор интернист, само 38 или 47 отсто, го надминуваат просекот на дневно дефинирани термини.

Во однос на вкупниот број на дефинирани термини, најмногу дефинирани термини во септември по интерна медицина имаат интернистите од Ресен и Гевгелија, односно околу 500 дефинирани термини по доктор за септември.

„Треба да се земат во предвид годишните одмори на докторите, како и законската обврска на директорите на здравствените установи до 10-ти во месецот да бидат одобрени сите термини за наредниот месец. Очекуваме дека од утре веќе ќе бидат видливи термините“, појасни Аризанкоски.

Тој ги презентираше и заклучоци од состанокот со Комисијата за матични доктори со најголем број упатувања во текот на еден работен ден (кои ги истакнавме на минатата прес конференција). Притоа Комисијата утврдила дека најголем број, 30 отсто, од реализираните упатувања се поради препишување на терапија на хронични пациенти. Комисијата, исто така, предложила формирање посебна амбуланта во рамки на Здравствениот дом во Крива Паланка која ќе биде наменета за препишување терапија, з ада се растоварат специјалистите од термини за препишување терапија, односно да се ослободат термини за пациенти на кои им е неопходна конкретна здравствена услуга/интервенција. Комисијата предложила интернисти од здравствените установи од други населени места да доаѓаат во Крива Паланка, како и вработување на нови интернисти во тамошниот Здравствен дом./крај/мф/сн

Извор: Макфакс