Општество
Економскиот Факултет во Скопје и Пакомак започнаа еколошка акција
Економскиот Факултет во Скопје во соработка со компанијата Пакомак од денес започнуваат еколошка акција за собирање на пластика и хартија во универзитетскиот кампус.
Имено Пакомак со цел да ги стимулира студентите на што помасовно собирање на амбалажни пластични шишиња и хартија ќе донира по 1 денар за секое донесено шише и 2 денари за 1кг стара хартија. Собраните пари ќе бидат донирани за Сојузот на студентите, а студентите самите ќе одлучат за што ќе бидат наменети истите.
На факултетот веќе се поставени контејнери каде секој студент ќе може да го остави амбалажниот отпад, и со тоа да придонесе акцијата да биде што поуспешна.
„Оваа соработка со Економскиот факултет е дел од низата кои ги превзема Пакомак за подигнување на свеста за селектирање на отпадот кој ја загадува средината во која живеме на долги патеки. Свесни сме дека колективната свест за односот кој го имаме кон селекцијата на отпадот, рециклирањето и заштитата на животната средина е долготраен процес кој не може да се смени преку ноќ, но нашата постојана заложба селекцијата да стане наша навика и дел од секојдневието веруваме дека ќе вроди со плод. Изминативе неколку години имавме еколошки иницијативи во основните училиште, кои се покажаа доста успешни, и во кои најмладите сите пријатно нè изненадија со својата заложба и активност, а што се надеваме дека сега ќе го следат и постарите, студентите. Ова е почеток на интензивна соработка со УКИМ и останатите универзитети за взаемна соработка во подигање на еколошката свест кај студентската младина“, изјави Филип Ивановски, директор на Пакомак.
Од неодамна Министерството за животна средина и просторно планирање (МЖСПП) официјално ја продолжи дозволата за работа на Пакомак за постапување со отпад од пакување за следните пет години. Ова е резултат на севкупните активности кои беа реализирани изминативе години пред сè на инвестициите во инфраструктура (контејнери и канти за собирање на отпад од пакување) како и на бројните едукативни кампањи за подигнување на јавната свест на населението .
Во досегашново петгодишно работење преку системот на Пакомак се собраа и преработија над 49.000 тони амбалажен отпад, кој што се состои од: хартија, пластика, стакло (кое досега никој не го собираше, ниту локалните компании имаат капацитет за рециклирање), како и композит, метал и дрво.
Националните цели за собран и рециклиран отпад од пакување во следните 5 години се зголемуваат од година во година, така што за следниве 5 години се очекува оваа бројка да биде најмалку двојно зголемена. Пакомак е прв и најголем колективен постапувач со отпад од пакување во Македонија, единствена компанија со остварени национални цели четири години по ред. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Халкбанк со голема акција за пошумување во Делчево како дел од иницијативата „Еден милион садници за пет години“
Халкбанк АД Скопје денес ја реализираше новата етапа од својата долгорочна зелена иницијатива „Еден милион садници за пет години“, со засадување багремови садници на површините од „HalkForest“ во Малешевијата, на локација во Делчево.
Акцијата беше спроведена во партнерство со ЈП Национални шуми и со учество на менаџментот на Банката, дел од вработените и стручни претставници од јавното претпријатие.
Ова пошумување е дел од најамбициозната еколошка програма на Халкбанк досега, иницијатива која што Банката ја започна минатата година, а е препознаена како системски придонес за борба против загадувањето, обновување на шумските екосистеми и подобрување на квалитетот на воздухот.

Со најновата акција, Халкбанк повторно ја потврди својата определба, одржливоста да биде трајна, а не декларативна обврска.
„За нас, одржливоста е дел од јасно поставена стратегија и подразбира постојана работа, планирање и вистински ангажман. Пошумувањето е активност со мерливи ефекти, го намалува загадувањето, ја подобрува еколошката рамнотежа и создава услови за поздрава средина. Со иницијативата ‘Еден милион садници за пет години’ покажуваме дека сме подготвени континуирано да инвестираме во решенија кои носат долгорочна вредност за сегашните и идните генерации,“ истакнаа од Халкбанк.
Акцијата во Делчево е дел од програмата што се реализира преку платформата ХалкЕко, преку која Банката во изминатите години засади над 100.000 садници, организираше спортски и еко настани, поддржува едукативни програми и придонесува кон уредување јавни простори низ државата.
Халкбанк останува посветена на исполнување на целта за засадување еден милион нови садници во период од пет години, со стратешки пристап и цврсто партнерство со институциите и локалните заедници.
(ПР)
Македонија
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.
– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.

