Преку мерката „Еден клик“, гужвите на шалтерите на службата за Студентски прашања заминуваат во минатото, истакна во саботата претседателот на ВМРО-ДПМНЕ Никола Груевски на денешната промоција на нови мерки за младите на која особено ја истакна мерката за промена на студентски статус и значи намалување за 50 отсто на партиципацијата за студентите кои имаат просек повисок од 8,5.

Најголема задача е да им се помогне на младите, да се направат проекти и мерки кои ќе бидат одговор на нивните проблемит, за да се промениме нештата кон подобро, а само работата ќе донесе подобро утре.„ Ваквиот начин на работа не е лесен, а граѓаните најдобро знаат кој и што работи“, истакна Груевски.

„Но, ова однесување не го практикуваат сите, ние сме различни од нашите конкуренти. Тие се добро прочитано четиво, кое граѓаните не го сакаат. Македонија нема време за губење, и затоа ние целиот наш капацитет и време го насочуваме кон креирање и реализирани на проекти и мерки“, рече Груевски.

Нагласи дека промовираните седум мерки и проекти за младите со кои ќе се подобри и унапредни нивната положба.

Првата од нив е насловена како „Еден клик“, а се состои од поедноставување на процедурите кон факултетот. Студентите како што потенцираше Груевски, ќе заштедат и време и средства, бидејќи услугите кои сега ги добиваат од пултот на студентски прашања ќе може да ги добијат електронски преку компјутер.

„Ова е капитален проект за олеснување на процесот за студирање. Секој студент ќе може да се логира и како регистриран корисник ќе може да пријавуваа испити, да заверуваа семестри, плаќање такси, добивање електронски потврди неопходни при конкурирање за студентски легла… Ќе се избегнат редиците на студентски прашања, чекањето гужви и ќе се намалат трошоците“, рече Груевски.

Додаде дека преку овие мерки е се избегне и можна корупција, ќе се намалат и административните обврски на вработените во високообразовните установите.

„Вработените во службата за Студентски прашња нема да бидат заборавени, тие ќе ги задржат своите работни места, и не треба да се грижат“, порача Груевски

Појасни дека откако ќе бидат направени сите неопходни чекори и подготовки, ќе се започне со реализација на проектот на почетокот на 2017 година, за што ќе бидат вложени 18 милиони денари.

„Преку овој проект на студентите кои се запишале со кофинансирање, ќе им се овозможи да им се намали партиципацијата, учеството за 50 отсто, доколку го постигнат планираниот просек со што ќе заштедат половина од сумата за студирање. Имено, останувајќи доследни на реформите со кои се предвидуваат бројни стимулации и награди за најдобрите студенти, предвидуваме проект преку кој секој студент запишан на некои од државните универзитети“, рече Груевски.

Секој студент кој се запишал во квотата со кофинансирање, врз основа на што плаќал сума од 400 евра на годишно ниво, доколку по втора завршена студиска година на прв циклус на студии, практично по положувањето на сите дотогашни испити оствари просек над 8,5 по автоматизам да биде префрлен на државна квота и да плаќа за 50 отсто понизок надомест во преостанатиот период на студирање, односно 200 евра на годишно ниво.

„Овие студенти ќе останат во државна квота се додека го одржуваат својот просечен успех над 8,5 просечна оценка. Така постигнатиот успех дополнително ќе го ефектуираат, а ќе се потикнат и сите останати студенти. Ова ќе биде значителен стимул за студентите кои ќе вложат труд и ќе бидат посветени на образовниот процес“, додаде Груевски.

Овој проект ќе биде реализиран од септември 2017 година, а ќе претставува стимулирање за секој студент да учи повеќе, односно да има повеќе знаење и со тоа да заштеди повеќе свои средства или на своите родители.

„Да потсетам, за време на претходните влади се плаќаа поголеми средства за партиципација. Владата предводена од ВМРО-ДПМНЕ ја намали партиципацијата на факултетите која некаде достигнуваше дури до 1.400 евра и сето тоа го намали на 200 евра односно на 400 евра за оние кои што се со кофинансирање, односно партиципација“, потсети Груевски./крај/мф/ст

/крај/мф/ст

Извор: Макфакс