На консултативната средба на национално ниво на тема деца со попреченост, партнерите од владините институции, организациите на лица со попреченост, родителите и практичарите, се согласија дека е неопходно вклучување на сите сектори за да се спроведе холистички пристап со фокус на детето, дека поддршката треба да се насочи директно кон децата и да се пружи во средините на кои децата природно им припаѓаат – семејството, заедницата, редовните градинки и училишта.  
 
 

На консултативната средба на национално ниво на тема деца со попреченост, партнерите од владините институции, организациите на лица со попреченост, родителите и практичарите, се согласија дека е неопходно вклучување на сите сектори за да се спроведе холистички пристап со фокус на детето, дека поддршката треба да се насочи директно кон децата и да се пружи во средините на кои децата природно им припаѓаат – семејството, заедницата, редовните градинки и училишта.  

Консултацијата на национално ниво ја организираа заедно Министерството за здравство, Министерството за труд и социјална политика и Министерството за образование и наука со поддршка од УНИЦЕФ со цел да се дојде до исто разбирање за предизвиците со кои се соочуваат децата со попреченост и да се постигне заедничка согласност за понатамошните чекори во остварување на правата на децата со попреченост.  „Сметам дека во понатамошната работа на ова поле, токму безрезервната меѓуресорска соработка и активната вклученост на организациите кои ги застапуваат лицата со попреченост и родителите се клучни“, рече министерот за образование и наука г. Абдулаќим Адеми.„Ние заедно сме одговорни да ја редефинираме перцепцијата за личностите со попреченост во нашето општество, односно да не гледаме на она малку што не можат да го направат заради ограничувањата во околината, туку на сé она што тие го можат“, додаде АдемиКонсултацијата беше раководена од првичните наоди од едно големо истражување кое ги анализира пропустите во законодавството и услугите што се нудат на децата со попреченост во здравствениот сектор, раниот детски развој, образованието и социјалниот сектор.  Истражувањето повикува да се забрза спроведување на законите во пракса, да се обезбеди подобро прибирање и употреба на статистичките податоци, давателите на услуги да станат професионални, да се подобрат постоечките услуги, како и да се воведат нови интервенции и да се зајакне соработката меѓу секторите за инклузија на децата со попреченост. „Ниеден поединец, служба или сектор го нема целото потребно знаење, ресурси и стручност потребни за решавање на сите проблеми и надминување на сите бариери. Затоа, овој процес треба да ги вклучи сите“, рече Ѓултен Мустафовска, државен советник во Министерството за труд и социјална политика.Во земја во која повеќето деца со попреченост и натаму се чуваат во „невидливост“ и не се опфатени со официјалните податоци, во која продолжува дискриминацијата во пристапот кон услуги и е голема веројатноста да не одат во градинка и во редовно училиште – оваа консултативна средба на национално ниво се сосредочи на новата визија за инклузија на деца со попреченост во семејството, заедницата, институциите и општеството во целост. И покрај тоа што фокусот беше на политиките, институциите и услугите, учесниците се соочија со предизвикот да ја опфатат перспективата на детето преку примена на пристап од гледна точка на животен циклус, односно да ги опфатат потребите на децата со попреченост од моментот на раѓањето, преку развојот во раното детство, школувањето и адолесцентниот период, потоа расположивите услуги во различни сектори и како тие може да се обединат во процесот на идентификација и интервенција на деца од различна возраст. Перспективата на детето беше нагласена и преку учество на самите деца. Деца со попреченост заедно со своите соученици од инклузивните основни училишта „Браќа Рамиз и Хамид“, „Ѓоргија Пулески“, „Лазо Ангелески“ и „Димо Хаџи Димов“ учествуваа во паралелна сесија на која разговараа за состојбата во училиштето, заедницата и општеството – како да учат заедно и да се дружат, кои се нивните заеднички потреби и интереси, и како да се гради солидарност и тимска работа. Нивните заклучоци беа претставени на креативен начин преку цртежи и песни во пленарниот дел од консултациите. Тоа беше јасен израз на потребата системот и детските гледишта да се здружат со што се согласија сите учесници. „И покрај напредокот, за многу деца со пореченост се уште нема можност за учество – само еден отсто од сите деца што посетуваат градинка се деца со попреченост. Од децата во институции што се лишени од правото на семејство 64 отсто се деца со попреченост”, рече Ража Мсефер Берада, заменик претставник на УНИЦЕФ. „Ваквото исклучување претставува пропуштена можност и за децата и за општеството и огромен изгубен потенцијал“, додаде претставничката на агенцијата за правата на децата на ОН. „Со ратификацијата на Конвенцијата за правата на лицата со попреченост во 2011 година, во Република Македонија континуирано се вложуваат напори да се отстранат системските бариери, но потребно е многу повеќе работа и посветеност да се отстранат предрасудите кои се должат на ставовите и мислењата кон лицата со попреченост”, смета др. Татјана Баевска Вучковиќ, директор на Здравствен дом Скопје. Заклучоците од консултацијата ќе бидат вклучени во финалното истражување. Ова истражување што го подготвија меѓународните експерти проф. Џудит Холенвегер од Универзитетот во Цирих и др. Андреа Мартинуци, раководител на  Е. Медеа Истражувачки центар на научниот институт Конеглиано, ќе обезеди информации за да се обнови поддршката што УНИЦЕФ ја пружи на иницијативите предводени од Владата за подобрување на состојбата на децата со попреченост./крај/мф/сн

Извор: Макфакс