Универзитетските професори од Професорскиот пленум, во понеделник не учествуваа на дебатата организирана од Министерството за образование и наука и Владата за новите измени на Законот за високото образование, за да, како што рекоа не станат учесници на кршењето на процедурата.
 

Универзитетските професори од Професорскиот пленум, во понеделник не учествуваа на дебатата организирана од Министерството за образование и наука и Владата за новите измени на Законот за високото образование, за да, како што рекоа не станат учесници на кршењето на процедурата.

„Премиери не може да утврдуваат процедура. Законската процедура е утврдена со Деловникот на собранието. Шансата беше правно регулирана, претседателот на Комисијата за наука и образование да нé повика за да ги изложиме таму ставовите. Втората шанска беше собраниската расправа, второто читање да заврши со отворање на дебата. Дебата според деловникот може да  ја организира само матичната собраниска комисија. Дебата организирана во ’Александар палас’ е надвор од процедура, а процедурата е гаранција за демократијата. Ако се повлече законот, може да дебатираме“, рече Гордана Силјановска, професорка на УКИМ.

Професорите од Професорки пленум рекоа дека не учествуваат во оваа „фингирана“ јавна дебата, затоа што таа е „нелегална и нелегитимна“, заради отсуство на студентите од една страна, но и целосно „игнорирање на универзитетските ставови“ од друга.

„Господине премиере, простете ако ви делува дека ви држам час, но професорка сум. Господиме  премиере, се дебатира за идеи, се дебатира за концепти, се дебатира за предлози, не се дебатира за диктати. Ако навистина имате желба да го слушнете гласот на оние кои се засегнати и компетентни во однос на овој сега веќе општествен проблем, повлечете го законот од собраниска процедура ние ќе дојдеме и ќе дебатираме“, рече професорката Маја Стојановиќ.

Ако не се повлече законот, тие најавија дека ќе упатат уште едно писмо до нивниот колега професор, Претседателот Иванов, да стави вето на еден ваков закон, а доколку не се случи тоа, им преостанува преку граѓански протести да потсетат дека во „демократска држва чија цел е Европа, законите треба да се носат во законски утврдена процедура“.

Во Собранието продолжи дебата со професорите од Интеруниверзитетската конференција, кои најпрво побараа одложување, поради обемноста на предлозите, но премиерот Никола Груевски рече дека имале време од октомври и требало да дојдат подготвени.

Според Груевски, се установило дека образованието губи на тежина и дека паѓа нивото на знаењето, па најновите мерки кои ги предложиле се однесуваат на подигање на тоа ниво.

„Ние знаевме дека ќе има демонстрации, но свесно влеговме во ризик“, рече Груевски на дебатата.

Објасни дека предлагаат државен испит кој би се поминувал со минимум знаење за шестка, а појасни дека законот ќе важи за идните студенти, затоа што сегашните учат по друг систем. За да се зголеми нивото на образование, рече Груевски, потребно било и да се зголеми активноста на професорите, па затоа се бара со новите измени, тие да објавуваат научни трдови во соодветни списанија, многу почесто од досега.

Секако, рече премиерот, не треба да се плашиме ако странци дојдат на раководни позиции во универзитетите, туку тоа треба да ни импонира.

„Факт е дека образованието не е на нивото од порано, но, сепак, треба да знаеме дека нашите завршени студенти лесно наоѓаат работа надвор од земјата, што е доказ дека има некое ниво. Но ние ги укинавме приемните испити, што ни беа еден сегмент за селектирање ученици од средно, а единствен критериум остана успехот од средното образование, а знаеме дека сите училишта немаат ист критериум“, рече Велимир Стојковски, ректор на УКИМ.

Тој побара да се изготви нов предлог закон, и да се остави подолг период за дебата.

Замир Дика, од Универзитетот на Југоисточна Европа (ткн Штуловиот универзитет), рече дека образовниот систем се евалуира на два начина надворешно и внатрешно, па затоа предлага оценувањето на студентите да се врши двојно, со професор што не му предавал на студентот, а Груевски се надоврза дури и тоа да било под шифри за да не се знае кој се оценува. Исто така, Дика посочи дека носењето странски професори на раководни позиции е за поздравување.

Дебатата околу измените за Законот за образоание продолжи во понеделникот попладне, а на неа присуствуват премиерот, министри, рекотори и професори кои се за ипротив измените./крај/мф/бб