Општество
Од почетокот на годинава регистрирани нови 26 случаи на ХИВ и СИДА
Нови 26 случаи на ХИВ и СИДА регистрирани во првите седум месеци во Македонија од кои десет лица се заболени од СИДА, 16 се ХИВ позитивни, соопшти во четвртокот началникот на одделението за ХИВ/СИДА, Жарко Караџовски, која додаде дека во истиот овој период биле регистрирани и два смртни случаи.
Караџовски истакна дека пренесувањето на ХИВ во 18 случаи бил преку контакт на машко со машко лице, во шест случаи бил регистриран пренос преку хетеросексуален начин, а кај две е се уште не е познат начинот на трансмисија.
„Структурата по пол на лицата со ХИВ и СИДА во 2014 година е 25 машки и едно женско лице. Едно лице е под 19 години, 12 лица се од 20 до 29 години, десет лица се од 30 до 39 години, две лица се од 40 до 49 години и едно лице е над 60 години“, истакна Караџовски.
СИДА-та во светски рамки според бројот на заболени помеѓу машки и женски лица изнесува 50 наспроти 50 проценти, а во Македонија е 95 отсто машки наспроти 5 проценти од женски пол, вели началникот на одделението за ХИВ/СИДА.
Според информациите најголем број од регистрираните заразени случаи со ХИВ и СИДА се забележани во Скопје каде има 16 вакви случаи, што пак изнесува 62 проценти од сите случаи регистрирани во 2014 година.
„Во Куманово регистрирани се три случаи од кои два се ХИВ позитивни и еден болен, Свети Николе два, Тетово еден, Струмица еден, Кочани два и Штип еден“, соопшти Караџовски.
Тој нагласи дека ова е првпат до сега да не е забележан случај на пренесување на ХИВ вирусот кај лица кои што инјектираат дрога, а во период од три години не е забележан и случај на трансмисија од мајка на плод.
Во периодот од 1987 до 2014 година се регистрирани вкупно 223 лица кои живеат со ХИВ и СИДА. Од нив 177 лица се од машки пол, а 46 лица се женски.
Во 2013 година изработени се 24.562 теста за дијагностика на ХИВ.
Првиот ХИВ позитивен случај во Македонија е регистриран 1987, а првиот заболен од СИДА во 1989.
Светот со оваа појава се соочува од 1983 година. /крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Халкбанк со голема акција за пошумување во Делчево како дел од иницијативата „Еден милион садници за пет години“
Халкбанк АД Скопје денес ја реализираше новата етапа од својата долгорочна зелена иницијатива „Еден милион садници за пет години“, со засадување багремови садници на површините од „HalkForest“ во Малешевијата, на локација во Делчево.
Акцијата беше спроведена во партнерство со ЈП Национални шуми и со учество на менаџментот на Банката, дел од вработените и стручни претставници од јавното претпријатие.
Ова пошумување е дел од најамбициозната еколошка програма на Халкбанк досега, иницијатива која што Банката ја започна минатата година, а е препознаена како системски придонес за борба против загадувањето, обновување на шумските екосистеми и подобрување на квалитетот на воздухот.

Со најновата акција, Халкбанк повторно ја потврди својата определба, одржливоста да биде трајна, а не декларативна обврска.
„За нас, одржливоста е дел од јасно поставена стратегија и подразбира постојана работа, планирање и вистински ангажман. Пошумувањето е активност со мерливи ефекти, го намалува загадувањето, ја подобрува еколошката рамнотежа и создава услови за поздрава средина. Со иницијативата ‘Еден милион садници за пет години’ покажуваме дека сме подготвени континуирано да инвестираме во решенија кои носат долгорочна вредност за сегашните и идните генерации,“ истакнаа од Халкбанк.
Акцијата во Делчево е дел од програмата што се реализира преку платформата ХалкЕко, преку која Банката во изминатите години засади над 100.000 садници, организираше спортски и еко настани, поддржува едукативни програми и придонесува кон уредување јавни простори низ државата.
Халкбанк останува посветена на исполнување на целта за засадување еден милион нови садници во период од пет години, со стратешки пристап и цврсто партнерство со институциите и локалните заедници.
(ПР)
Македонија
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.
– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.

