Општество
Околу 850 граѓани добиле совет на „Ало докторе!“ за новогодишните празници
Во минативе седум дена, два дена пред Нова година и во деновите потоа, 842 граѓани добиле здравствен совет преку сервисот „Ало докторе!“.
Во минативе седум дена, два дена пред Нова година и во деновите потоа, 842 граѓани добиле здравствен совет преку сервисот „Ало докторе!“.
Откако започна со работа телефонската линија за медицински совет „Ало докторе!“ имало вкупно 15.895 повици. Само 842 јавувања за здравствен совет имало во изминативе седум дена од 29 декември 2014 година до 4 јануаи 2015 година со пресек до 22 часот.
Дури 22 доктори се достапни за здравствен совет, а јавувањата се од граѓани од сите градови на Македонија.
На сите лица кои се јавиле на телефонската линија „Ало докторе!“, им е дадена медицинска помош преку здравствен совет и соодветна симптоматска терапија.
Најчесто јавувањата на 02/15123 – „Ало докторе!“ се за медицинска помош со широк спектар на најразлична симптоматологија, кардиоваскуларни и респираторни симптоми, најчесто за покачен крвен притисок, проблеми со покачена телесна температура, кашлица, настинки и симптом на болка.
Секој ден од 18 до 22 часот во кол центарот „Ало докторе!“ за медицински совет се дежурни и достапни за здравствен совет директорите на јавните здравствени установи.
Денеска во кол центарот на „Ало докторе!“ од 18 до 22 часот ќе биде дежурен проф.д-р Александар Шиколе, директор на клиниката за нефрологија. Утре на 15123 проф.д-р Лидија Чевревска од клиниката за хематологија, во среда на 07.01.2015 година проф.д-р Звонко Миленковиќ од клиниката за инфективни и фебрилни болести, на 08.01.2015 година д-р Ристо Симеонов од клиниката за детска хирургија и во петок на 09.01.2015 година д-р Емилија Велкова од Републички завод за трансфузиологија.
Во сабота на 10.01.2015 година на линијата „Ало докторе!“ проф.д-р Зоран Спировски директор на клиниката за торакално васкуларна хирургија, а во недела на 11.01.2015 година д-р Игор Кузмановски, директор на клиниката за неврологија./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Халкбанк со голема акција за пошумување во Делчево како дел од иницијативата „Еден милион садници за пет години“
Халкбанк АД Скопје денес ја реализираше новата етапа од својата долгорочна зелена иницијатива „Еден милион садници за пет години“, со засадување багремови садници на површините од „HalkForest“ во Малешевијата, на локација во Делчево.
Акцијата беше спроведена во партнерство со ЈП Национални шуми и со учество на менаџментот на Банката, дел од вработените и стручни претставници од јавното претпријатие.
Ова пошумување е дел од најамбициозната еколошка програма на Халкбанк досега, иницијатива која што Банката ја започна минатата година, а е препознаена како системски придонес за борба против загадувањето, обновување на шумските екосистеми и подобрување на квалитетот на воздухот.

Со најновата акција, Халкбанк повторно ја потврди својата определба, одржливоста да биде трајна, а не декларативна обврска.
„За нас, одржливоста е дел од јасно поставена стратегија и подразбира постојана работа, планирање и вистински ангажман. Пошумувањето е активност со мерливи ефекти, го намалува загадувањето, ја подобрува еколошката рамнотежа и создава услови за поздрава средина. Со иницијативата ‘Еден милион садници за пет години’ покажуваме дека сме подготвени континуирано да инвестираме во решенија кои носат долгорочна вредност за сегашните и идните генерации,“ истакнаа од Халкбанк.
Акцијата во Делчево е дел од програмата што се реализира преку платформата ХалкЕко, преку која Банката во изминатите години засади над 100.000 садници, организираше спортски и еко настани, поддржува едукативни програми и придонесува кон уредување јавни простори низ државата.
Халкбанк останува посветена на исполнување на целта за засадување еден милион нови садници во период од пет години, со стратешки пристап и цврсто партнерство со институциите и локалните заедници.
(ПР)
Македонија
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.
– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.

