Министерите за труд и социјална политика и за транспорт и врски Диме Спасов и Миле Јанакиески, заедно со генералниот директор на Македонски железници, Оливер Деркоски во понеделникот одржаа работна состанок со раководството на Сојузот на здруженија на пензионери на Македонија, на кој разговараа за најновите владини мерки, со кои значително ќе се олесни животот на повозрасните лица.

Со оваа владина мерка, како што нагласи министерот Јанакиески се овозможува секој втор календарски викенд во месецот бесплатен превоз со железницата за пензионерите, односно за жени на 62 и мажи над 64-годишна возраст.„Оваа мерка стартува вториот викенд во месец јули, утврдивме начин и постапка како тоа ќе го правиме, уште во текот на утрешниот ден АД ’Транспорт’ во соработка со здружението ќе направат специјален флаер кој ќе биде дистрибуиран до сите здруженија на пензионери на територија на Р.Македонија, се со цел да знаат пензионерите како можат да го искористат овој бесплатен превоз. Сите лица постари од 62, односно 64 години ќе треба на билетарите да достават лична карта и со прикажување на истата ќе добијат билет со кој се осигурани во патничкиот сообраќај во Македонија“, рече Јанакиески.Додаде дека АД „Транспорт“ во соработка со Министерството за транспорт и врски веќе склучиле договор за набавка на нови сет вагони, кои ќе пристигнат во јули идната година, со што транспортот ќе биде уште побезбеден и поудобен како за пензионерите така и за останатите граѓани.Со овој проект, како што нагласи министерот Спасов, дополнително се подобруваат условите за живот на пензионерите и старите лица во државата.„Со проектот Бесплатен превоз во железничкиот сообраќај на пензионерите и за граѓаните на Македонија коишто имаат над 62 год за жени и над 64 години за мажи дополнително се подобруваат  уловите за живот на пензионерите и старите лица во нашата земја. Овој проект беше дел од нашата Програма со рок за реализација за  наредната 2015 година, меѓутоа ние како Влада изнајдовме начин заедно со директорот на Македонски железници како да го реализираме што е можно побрзо, со тоа што овој проект започнува со реализиција од веќе од месец јули со проектот е опфатен еден викенд, вториот викенд од месецот,  петок, сабота и недела, при што сите оние кои што спаѓаат во оваа страосна категорија ќе имаат бесплатен железнички превоз. Дополнително во насока на подобрување на животот на пензионерите и одлуката на Градот Скопје во соработка со Владата, дополнително и недела да биде бесплатна за превоз во градскиот сообраќај во Градот Скопје, дополнително како Министерство за труд и социјална политика продолжуваме кон остварување на проекти кои се насочени кон подобрување на условите за живот на пензионерите во таа смисла веќе во септември-октомври продолжува проектот Бесплатна бањско – климатска рекреација и ќе бидат опфатени уште 1.050 пензионери кои што ќе искористат оваа услуга и  веќе нардената година доплонително уште 5.000 пензионери и во 2015 година ќе започне проектот Бесплатен туристички викенд за пензинотеите во Македонија“, изјави Спасов.Додаде дека е започнат и проект кој нуди низа поволности за потенцијалните инвеститори кои ќе сакаат да се вклучат во отворање на нови старски домови во Македонија.Претседателот на Сојузот на здруженијата на пензионерите на Македонија Драги Аргировски по средбата изрази задоволство од новата мерка и надеж дека, како што рече, успешната соработка со Владата ќе продолжи и во иднина.„ Оваа мерка ќе овозможи поголема мобилност на пензионерите. Сите пезнзионери се задоволни. Тие ќе можат да ги посетуваат своите родни краишта, но и оние кои живеат во другите градови од Македонија да дојдат во Скопје“, истакна Аргировски./крај/мф/сн