Македонија
Осомничени и одлежани во изборната кампања

Во изборната трка за предвремените пармалентарни избори на 11-ти декември, политичарите со полна уста најавуваат како ќе се борат против криминалот, а изборните кандидатски листи содржат повеќе имиња, за кои во судовите се водат случаи.
Осомничени и обвинети се најистакнатите политичари во кампањата. Како лидерите на ВМРО-ДПМНЕ Никола Груевски и на СДСМ Зоран Заев, но и лидерот на ДУИ, Али Ахмети.
Никола Груевски, обвинет е дека, како што се слушна во дел од нелегално прислушуваните разговори, наредил уривање на објектот „Космос“ поради наводна политичка одмазда кон бизнисменот Фијат Цаноски. Во друг разговор, Груевски нарачал претепување на градоначалникот на општина Центар Андреј Жерновски, како и демолирање на општинската зграда.
Зоран Заев, поради објавување на снимките, обвинет е за насилство кон претставници на највисоките државни органи, во соработка со поранешниот разузнавач Зоран Верушевски и негови соработници од МВР. На 17-ти јули 2008 година, поради сомнеж за злоупотреба на службената положба при изградба на трговскиот центар „Глобал“ во Струмица, каде е градоначалник трет мандат, беше уапсен заедно со уште петмина негови соработници. Случајот е затворен по аболицијата потпишана од тогашниот претседател Бранко Црвенковски, со која Заев и неговите соработници беа пуштени на слобода.
Али Ахмети, лидерот на ДУИ, освен што се спомнува во неколку прислушувани разговори од кои според Специјалното јавно обвинителство само 12 отсто се објавени, тој е еден од главните осомничени во скандалот со „Маѓар-Телеком“.
Мендух Тачи, лидерот на ДПА, пак, подолго време се наоѓа на црната листа на САД.
Љубе Бошкоски, лидер на Обединети за Македонија, во 2004 уапсен по налог на обвинителството на Трибуналот во Хаг, беше пуштен во 2008 година откако беше прогласен за невин. Бошкоски издржуваше петгодишна затворска казна, а беше осуден за случајот „Кампања“ за нелегелно финансирање на изборната кампања. Се уште му се суди за случајот „Ровер“ за кој не е побаран притвор за Бошкоски. Со првата пресуда од јули 2013 година беше осуден на 12 години затвор, а со втората пресуда казната му беше скратена на 10 години и шест месеци затвор.
Амди Бајрам, претседател на Сојузот на Ромите, одлежа четиригодишна казна затвор за злоупотреба на службената положба, односно за кражба на платно од „Македонка ткаенини“, при крајот на 2000 година, во вредност од околу 700.000 евра.
Елизабета Канчевска Милиевска, од ВМРО-ДПМНЕ, и министер за култура, за која Специјалното јавно обвинителство (СЈО) отвори истрага со кодно име „Тендери“, со која ја сомничи министерката дека последниот тендер од еден милион евра склучен со Бетон Штип, за завршни градежни работи бил наместен, односно дека со фирмата било договорено да продолжи да работи, па подоцна да се објави тендерот.
Јохан Тарчуловски, кандидаран за пратеник на изборите во 2016 е осуден на 12 години затвор, за убиство на тројца жители на Љуботен во 2001 година, која подоцна му беше намалена на осум години. Притоа, тој отслужи шест години во затворот во Шевенинген, а останатите две години во градот Диц, Германија. На 10-ти април 2013 година, Тарчуловски беше ослободен од затворот.
Џеват Адеми од ДУИ, исто така, е на црната листа на САД, каде се наоѓаат личности кои САД сметаат дека се загрозувачи на стабилноста на Западен Балкан, односно одлуката се однесува на лица кои финансиски или на друг начин го поддржуваат екстремизмот.
Павле Богоевски, граѓански акивист поддржувач на „Шарената револуција“ кандидиран за пратеник од Коалицијата „За живот во Македонија“, Основното јавно обвинителство го товари за учество во толпа што ќе изврши кривично дело, дело за кое следува парична казна или казна затвор до три години.
Слободан Богоевски, кандидат за Коалицијата за промени и правда одлежа затвор 1,7 за случајот „Агент“./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Висинска: Центар заслужува промена, доаѓа времето на достоинствен живот за центарци

Центар стагнира, а центарци ги живеат последиците од неисполнетите ветувања.Градоначалникот Герасимовски многу вети – но малку направи. По 4 години, неговите ветувања се само празни букви на хартија, истакна на прес-конференција Марина Вишинска од ВМРО-ДПМНЕ.
„Градинката во Маџир Маало, градинка во клинички центар, воспитно-образовен центар со градинка и училиште во парк 1 – се само илузија и постојат само на хартија“.
Според неа, клучните проекти за деца и образование останаа само зборови.
„И додека тој се фали со „грижа за најмладите“, реалноста е – никаква реализација.
Монтажен паркинг со 296 места во Дебар Маало, Катната гаража спроти ПУИК, монтажен паркинг, во Пролет, гаража од 10.000 м2 кај Клиничкиот центар – ги нема во реалноста, ниту се планирани.
Наместо решено паркирање, центарци добија само хаос и изневерени очекувања.
Парк и нова административна зграда на локација ПУИК, Парк со игралиште кај Клинички центар и игралиште кај Куќата на Есма во Кале, се само празни ветувања на Герасимовски. Зеленилото и спортските површини постојат само во предизборни брошури.
А кај „Треска“ што добивме – бетонизација. Центар ја губи душата но кој профитира“, прашува таа.
За неа тоа се четири години само празни ветувања. И денес, како што додаде, истиот човек повторно ветува и повторно бара доверба. С
„Со кое лице? Зарем навистина мисли дека центарци забораваат. Центарци заслужуваат повеќе од лажни ветувања“, истакна Висинска.
Македонија
Финансиска поддршка за ранливи потрошувачи на струја, објавен списокот на одобрени баратели за 2025 година

Министерството за енергетика, рударство и минерални суровини ја заврши проверката на сите пристигнати барања поднесени по Јавниот оглас за доделување на финансиска поддршка на лица кои припаѓаат на категоријата на ранливи потрошувачи на енергија за 2025 година.
Постапката за проверка е спроведена врз основа на потпишаните Меморандуми за соработка со Управата за јавни приходи и Министерството за социјална политика, демографија и млади, со што се овозможи точна и ефикасна верификација на доставените податоци.
На веб-страницата на Министерството https://energy.gov.mk објавен е списокот на сите одобрени баратели: линк –Известување за објавување на список на добитници на финансиска поддршка за ранливи потрошувачи на енергија за 2025 година.
Според резултатите:
• 313 домаќинства со едно или повеќе деца со попреченост ќе добиваат месечна поддршка од 1.000 денари, почнувајќи од март 2025 година.
• 94 згрижувачки семејства исто така го стекнуваат правото на финансиска поддршка.
Поддршката се исплаќа во форма на намалување на месечната сметка за потрошена електрична енергија, во траење од 12 месеци, сметано од денот на поднесување на барањето.
За оваа намена, Министерството ќе издвои приближно 5 милиони денари од Буџетот за 2025 година, како директна поддршка за оние на кои им е најпотребна.
Дополнително, Министерството веќе достави предлог до Владата за нова Програма со која се предвидува проширување на опфатот на ранливите категории граѓани, што ќе овозможи уште поголем број семејства да добијат поддршка во 2025 година.
Новиот јавен оглас се очекува да биде објавен наскоро.
Македонија
(Видео) Манасиевски: Економијата почна да заздравува и да се стабилизира, инфлацијата е ставена под контрола

Измина една година од формирањето на Владата предводена од ВМРО-ДПМНЕ. Во оваа прва година, наш главен фокус и приоритет беше економијата, која се базира на факти, долгорочни политики и јасна визија за иднината, истакна на прес-конференција Валентин Манасиевски, член на ЦК на ВМРО-ДПМНЕ.
„Кога ја презедовме одговорноста, наследивме економија во пад, со висока инфлација, зголемен јавен долг и демотивирана деловна заедница. Денес, состојбата е поинаква. Економијата почна да заздравува и да се стабилизира.
Инфлацијата е ставена под контрола изнесува околу 3%. Обезбедивме финансиска поддршка од 500 милиони евра – 250 милиони евра за домашните компании и 250 милиони евра за општините, за реализација на капитални проекти и подобрување на животниот стандард на граѓаните“, додава тој.
Во првиот квартал од оваа година, како што појасни, БДП порасна за 3,2%. Според овие податоци, како што рече, Македонија се наоѓа на 4-то место во Европа според растот на БДП – веднаш зад Ирска, Данска и Полска.
„Исто така, оваа година забележавме рекордно ниво на странски директни инвестиции, 1 милијарда и 255 милиони евра. Платите растат. Забележливо е зголемување на платите во јавната администрација, здравството, образованието, културата и полицијата.
Ја стабилизиравме и фискалната состојба. Целосно е отплатена еврообврзницата издадена во 2018 година во вредност од 500 милиони евра. Првпат по седум години, јавниот долг е намален. Истовремено, буџетскиот дефицит е намален за 4% од БДП“.