Македонија
Отворена жиро сметка за помош на сираците на кои им изгоре куќата

Отворена е жиро сметка на којашто граѓаните може да донираат пари да им се помогне на братот и сестрата, сираци, од Велес на кои пред неколку дена целосно им изгоре куќата.
Никола е волонтер и активист на здружението „Гласот за животните“ од Велес, па здружението за заштита на животните „Анима мунди“ апелира до граѓаните кои се во можност да им помогнат со обувки (патики, кондури), облека, згрижување на четирите кучиња кои ги има спасено и вдомено Никола.
“За Окер да не биде сам. Никој да не биде сам “ – тоа беше повикот на кој единствено Никола одговори, кога пред неколку години го вдоми бездомното куче Окер. Судбината е чудо, вчера токму вдомениот негов Окер беше кучето кое рипна од терасата и со лавеж и гребење по портите на комшиите јави дека гори куќата на на улицата „Коле Цветков“ бр. 29 во Велес. Во триесетина минути огнот ја пеплоса куќата, покуќнината, фотографиите и се она што на 22годишниот Никола и неговата сестричка им беше останато од нивните родители, кои починале пред осум години, двајцата во иста година“, велат од Здружението.
Кој е во можност да донира нешто, директно може да го исконтактира на 075 332 117 или да им пише на неговите другари од Гласот за животните од Велес.
Може да донирате и на жиро сметката на Никола:210501614173945, Тутунска банка
Никола има 22 години и не е вработен, а тој се грижи и за неговата пет години помлада сестра./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.