Е-здравството овозможи поефикасно процесирање на услугите, побрзо комплетирање на барањата, што резултира со задоволни осигуреници и клиенти,  што за Фондот за здравствено осигурување на Македонија претставува репер за современ и ефикасен систем, истакна директорката на ФЗОМ, Маја Парнарџиева-Змејкова во своето излагање на тема Е-здравство, на 8-иот Балкански форум на јавно здравствено осигурување, што се одржува од 25-26 септември во Тирана, Албанија. 

„Над 30 електронски услуги денеска им се достапни на осигурениците, фирмите и на давателите на здравствени услуги.  Едноставната и брза достава и размена на податоци, 24 часовна достапност до веб порталот на Фондот, намалување на хартиените документи, ефикасни и навремени услуги, унифицирана контрола на сите податоци на Фондот, намалување на грешките на минимум, точна анализа врз основа на прецизни податоци за лекови, здравствени услгуги се причината зошто е-здравството помага Фондот да биде ефикасна институција со задоволни клиенти, но и препознаена како лидер во регионот“, рече Парнарџиева-Змејкова.

Нејзиното предавање, велат од ФЗОМ, предизвикало огромен интерес меѓу учесниците на овој стручен собир, дотолку повеќе што ФЗОМ ужива репутација на лидер во сферата на е-здравството во регионот.

На Форумот своите искуства ги и презентираа директорите на фондовите за здравство од Словенија, Хрватска, Србија, Босна и Херцеговина, Бугарија, Албанија, Хрватска, Република Српска.

Размената на искуствата во решавање на секојдневните предизвици што се јавуваат при менаџирање со здравствената каса, идеите за подобрување на здравствените услуги, како и можните решенија за обезбедување поквалитетни здравствени услуги, со ограничени финансиски средства, се темите кои исто така се најдоа во фокусот на дискусиите на менаџерите на 8-от Балкански форум.крај/мф/сд