Заменик-министерот за здравство, Јовица Андовски, и министерот за надворешни работи, Тимчо Муцунски, ги посетија Воено-медицинскиот центар (ВМЦ) и Клиничкиот центар во Белград.

Во рамки на посетите, тие остварија средба со директорите и медицинските тимови, при што одблиску се запознаа со здравствената состојба на пациентите и условите во кои се лекуваат.

Во ВМЦ се хоспитализирани 10 пациенти, од кои 6 се на одделот за интензивна нега, а 4 на одделот за пластична хирургија.

Во Клиничкиот центар во Белград се хоспитализирани 17 пациенти.

Дополнително, претставниците остварија средба со родителите и роднините на пациентите, при што ја пренесоа поддршката од страна на државата и ги уверија дека институциите остануваат посветени на обезбедување соодветна помош.

„Во овој тежок период, секој збор на охрабрување и секоја форма на поддршка се од непроценливо значење за семејствата што се соочуваат со предизвици.  Голема благодарност до медицинските тимови на ВМЦ и Клиничкиот центар во Белград за нивната професионална грижа, посветеност, несебичен ангажман и хуманост во грижата за нашите пациенти“, велат од Министерството за здравство.

Нема значителна промена во општата состојба на пациентите од Македонија примени на лекување во Пирогов, Воено-медицинската академија во Варна и болницата „Свети Ѓорѓи“ во Пловдив. Но, бранот на емпатија што Бугарите го изразуваат кон пациентите од трагичниот инцидент во Кочани не стивнува ниту во овој момент. Само вчера – вторник над 600 волонтери даруваа крв за повредените кои се лекуваат во Бугарија, објави БГНЕС.

Најголем број крводарители имало во Националниот центар за трансфузиона хематологија, каде желба да им помогнат на пациентите од трагичниот инцидент во Кочани изразиле 218 лица.

Дел од донаторите со автобуси на Националниот центар за проучување на трансфузија на крв од Универзитетската болница Н.И.Пирогов, каде што беше отворена мобилна станица, беа пренесени до Центарот за крв на ул. „Браќа Миладиновци“. Уште 68 луѓе даруваа крв на лице место во болницата за итна помош. На ВМА има 109 крводарители.

Во Регионалниот центар за трансфузиона хематологија (РЦТХ) во Пловдив вчера се појавија 112 волонтери. 68 даруваа крв во Регионалниот центар за трансфузија на крв во Варна, 35 во Регионалниот центар за трансфузија на крв во Плевен и 14 во Регионалниот центар за трансфузија на крв Стара Загора.

Во Универзитетската болница и медицинскиот центар Н.И.Пирогов се сместени вкупно 9 лица, од кои двајца се екстубирани, а едно е на маска за кислород. Останатите пациенти и понатаму се на механичка вентилација.

Состојбата на преостанатите пациенти примени во болницата во Варна при ВМА и Универзитетската болница „Свети Џорџ“ – Пловдив и понатаму е сериозна, но стабилна.

Koга завршивме со закопувањето на Вања, Љупчо Палевски ладнокрвно запали цигара и си го отвори телефонот за да види што има на Интернет. Тогаш кажа дека се дигнала врева и се бара Вања, продолжи со сведочењето, Велибор Маневна рочиштето за двојното убиство на Вања и Панче.

„Единствено преместување на телото е кога го стававме во дупката. Ја копавме околу 20 минути. За тоа време, не го мрдавме телото на Вања, сè додека не го ставивме внатре. Пред да го преместиме, беше во вреќа, која ја извади и фрли во колата на Жежовски. Лопатите ги фрливме по пат, кога одевме кон Глумово, со колата на Панче. Лопатата, пред да ја фрли, Палевски ја чистеше. И рачката и металот ги прскаше со ВД-40 за да се скријат трагите. Подзастанаа и Кешишев ги фрли алатите во долот“ рече Манев.

Обвинетиот Манев и денес раскажуваше дека Палевски две недели ја следел потенцијалната жртва за грабнување, висока жена со долга коса, многу слична на Вања Ѓорчевска, освен во годините. Таа живеела во истата зграда, била ќерка на богат фармацевт и имала четириесетина години. Тој тврди дека по два неуспешни обиди, грабнале погрешна личност.

На рочиштето Манев рече и дека Палевски ја одлепил траката од устата на Вања Ѓорчевска, ја сликал со вперен пиштол, а откако ја убил, го спакувал пиштолот, заедно со трите мотороли и наредел на свој послушник да го уништи пакетот.

Александар Ѓорчевски, таткото на убиената Вања Ѓорчевска во судницата на Кривичниот суд стана и го праша Велибор Манев – „Зошто ми го убивте детето?“. На тоа доби одговор: „Не можам да одговорам, тоа треба да го прашате Љупчо Палевски“.

Во врска со тоа дали некој од нив се слушнал со родителите на Вања, бидејќи таа им ги дала нивните телефонски броеви, тој одговори дека тој лично не, а за другите не знае. Прашан и зошто не испратиле слики за откуп, рече дека тоа е прашање за Палевски.