Време е за премиер Албанец. Веќе сме истакнале дека за нас, како ДУИ, ова барање е поголемо од секоја партија и секоја личност. Ова е над националната кауза, од посебна важност за целата албанска заедница и целата земја, порача Фиснике Бектеши, кандидат за пратеник на ДУИ во 6. изборна единица.

„Првиот премиер Албанец треба да биде премиер на сите. Тој или таа не треба да претставуваат само една политичка идеологија, туку за сите Албанци и за сите други граѓани во Северна Македонија подеднакво.

Со вистинскиот премиер Албанец имаме за цел да ја оставиме во минатото старата епоха и да почнеме нова политичка епоха во која потребите на граѓаните ќе бидат пред партискиот интерес. Со еден премиер Албанец, независен и консензуален, кој нема да ѝ служи на ниту една партија, туку само на граѓаните.

Целејќи кон консензуален премиер Албанец ги повикавме академците, ректорите, професорите, албанските организации не само да ја поддржат каузата туку и да дискутираат и да се договориме за идеалниот кандидат за оваа позиција, која е најважната позиција во државата.

Веруваме дека заедно можеме да ја напишеме историјата и да ја смениме политиката на подобро во Северна Македонија. Заедно со вас и со првиот премиер Албанец.

Посакуваме сериозно да ги вклучиме цивилното општество и нашата академска заедница во изборот на  консенсуален кандидат. Поради ова причина, ДУИ и лидерот Али Ахмети контактираа со албанските институции, универзитетите, НВО-та, претставниците од економијата и другите претставници на цивилното општество, за да се советуваат во врска со можните кандидати и нивните барања за профилот на тие кандидати.

Завчера ги повикавме албанските политички партии да ни се придружат веднаш по завршување на изборите, а вчера ги повикавме и македонската и другите заедници да ни се придружат“, истакна Бектеши.