Македонија
Меџити се прости од ДУИ: Отцепена е од реалноста, нема демократија, задушено е различното мислење
Изет Меџити ја искритикува ДУИ, откако го најави формирањето на нова партија. Тој за неговата, сега поранешна партија, кажа дека е оцепена од реалноста, внатре нема демократија, но и дека е задушено секое различно мислење. Тој кажа дека новата партија ја креира со активистите кои 20 години ја поддржувале ДУИ.
„Ние бидејќи долго време, во контуинитет и на конзинстентен начин, непоколебливо, сме го кренале гласот на разумот внатре во партиските органи, но и во јавност, за констатацијата дека ДУИ е отцепена од реалноста и од базата од каде се стекнува со мандатот, каде политичките одлуки станаа индивидуална сопственост, во тотален недостаток на внатрешна демократија, дебата и внатрепартиски консултации, тотално отсуство на отчетноста за работата на Владата и партиската политичка програма, нефункционалноста на организациониот живот на ДУИ, задушувањето на различното мислење, политичкиот реваншизам кон сите тие што го кренаа гласот против, кон сите тие што никогаш не се согласија со Отворен Балкан, бидејќи со двете нозе беше кршен статутот на партијата и се игнорираше волјата на структурата за време на внатрепартиските избори, каде што претседателите на ограноците беа наметнати и именувани од „горе“, како во времето на комунизмот, и не беa избрани од базата, ние денес ја известуваме широката јавност дека од денес започнуваме нов почеток!“, напиша Меџити.
Тој додаде: „Во широка консултација со активистите кои повеќе од 20 години нѐ подржуваат, но и внимателно слушајќи го гласот на независните граѓани, интелектуалците, бизнисмените, граѓанскиот сектор, спортистите, уметниците, поединци кои и не критикувале кога имало потреба, кои гласно говорат за сите незадоволства и економски проблеми со кои се соочува албанскиот граѓанин во Република Северна Македонија, ние од денес ги започнуваме подготовките за ново политичко Движење во земјава, која во нејзината суштина ќе негува внатрешна демократија и унапредување на статусот и правата на Албанците“.
Побара и поддршка.
„За реализација на ова, нам ни е потребна подршката од стручни лица, младите, волонтерите, искрените поддржувачи, затоа денес Ве покануваме за да ни се приклучите и да бидете дел на овa ново поглавје на политичкиот живот во Република Северна Македонија. Нашето искрено патување продолжува!“, напиша Меџити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.