Претставници на четирите партии потписнички на Договорот од Пржино, во петок попладне, во резиденцијата на Европската унија ги продолжија разговорите за отворените прашања за решавање на политичката криза преку кредибилни избори.

На меѓупартиските разговори учествуваат Никола Тодоров од ВМРО-ДПМНЕ, Радмила Шекеринска од СДСМ, Артан Груби од ДУИ и Имер Алиу од ДПА, како и амбасадорите на ЕУ и на САД, Аиво Орав и Џес Бејли.Евроамбасадорот Орав по завршувањто на завчерашната рунда разговори изјави дека партиските претставници постигнале договор за многу прашања прашања, со исклучок на едно, без да прецизира кое, но партиски извори потоа брифираа дека се работи за ингеренциите на министерот за внатрешни работи во преодната влада, за која има согласност да се формира 100 дена пред датумот на изборите.Имено, СДСМ за министерот за внатрешни работи бара да ги има сите ингеренции, односно, за него да не важат измените на законот за МВР донесени неодамна, со кои се ограничуваат овластувањата на министерот во однос на кадровските промени.Опозицијата бара овој закон да биде повлечен, што не било прифатливо за ВМРО-ДПМНЕ, а владејачката партија го одбила и предлогот ако законот веќе не се повлекува, тогаш барам да не важи за преодната влада.На преговорите постигнат е договор за Избирачкиот список – 40.000 спорни гласачи по јавен повик ќе може да се пријават за регистрација, а ако не го сторат тоа во предвидениот рок, нема да бидат во списокот.За медиумите е договорено да се формира ад-хок тело од четири члена предложени од партиите од пржинската „четворка“, плус петти член што би го избрале останатите четири. Ад-хок телото ќе мониторира и санкционира како медиумите го спроведуваат Изборниот законик во однос на она што од нив се бара во предизборниот период.Неофицијално имало согласност и на 100 дена пред изборите на чело на МРТ да дојде експерт прифатлив за опозицијата.Ако се заокружи пакетот со услови за сите партии да прифатат да одат на избори, ќе биде договорен датум (за изборите), најверојатно ноември. Ревизија на спроведувањето на договорениот пакет ќе биде направена кон средината на август, и ако биде дадена добра оценка ќе се оди на избори./крај/мф/бб

Извор: Макфакс