Бујар Османи, познат по случајот Пациент, се фали дека ДУИ го донела законот за рестриктивни мерки за оние на црната листа. Но, заборави да спомене дека токму тие, кога технички премиер беше Талат Џафери, предложија и одобрија измени на законот за рестриктивни мерки. Токму ДУИ го смени законот со кој им забранува на луѓето кои се на црната листа на САД или Велика Британија да заземат јавни позиции, велат од „Влен“.

„Артан Груби, слуга на Грувски и Мијалков, Бујар Османи, обвинет во случајот пациент, и двајцата заеднички во служба на класичните антиалбанци . Едниот бегалец и другиот збунет за власт, плачат и тагуваат зато што народот ги испрати во опозиција. Граѓаните ја разбраа вистината и не потпаѓаат на измамите што ги изнесуваат во јавноста. ДУИ е оставена на милост и немилост и само длабоки реформи можат да ја спасат од колапс и да излезе од бездната на криминалот во која потона. ДУИ мора да го прифати фактот и вистината дека сега е во опозиција и не може да диктира и договара тендери за своите пријатели“, велат од „Влен“.

Се додав дека дојде време да се придонесе со вистината за граѓаните, а не само за џебот на неколку функционери и нивни пријатели. Заврши времето на празни зборови, ветувања и измами на ДУИ, Артан и Бујар. Сега е ерата на ВЛЕН, на конкретни акции за граѓаните и Албанците. За подобар, достоинствен и автентичен живот, додава „Влен“.

Хрватите во Македонија ќе имаат корист од вклучувањето на хрватското национално малцинство во Уставот на земјата, бидејќи тоа ќе го олесни одржувањето на нивниот идентитет, изјавија претставници на хрватското малцинство во Скопје на средбата со претседателот на Собранието Гордан Јандроковиќ, пренесува Индекс.хр.

На официјалната средба со Јандроковиќ во Хрватската амбасада во Скопје, македонските Хрвати ја пренесоа својата посветеност за негување на хрватскиот јазик, историја и наследство, но и укажаа на предизвиците во областа на образованието, културата и медиумското претставување во нивните активности, се вели во соопштението од хрватското Собрание.

„На Јандроковиќ му беа посочени предностите што ќе ги донесе вклучувањето на хрватската национална заедница во Уставот на Република Северна Македонија“, се вели во соопштението.

Тој им рече дека парламентот работи на промовирање на хрватското наследство во Северна Македонија.

Предвидено е Јандроковиќ утре да се сретне и со претседателот на македонското Собрание Африм Гаши, а потоа и со премиерот Христијан Мицкоски и со претседателката Гордана Силјановска-Давкова.

„Претседателот на Собранието ќе има говор и на свечената седница на македонското Собрание. Тој ќе биде примен и од Хрватскиот деловен клуб, кој ги собра претставниците на хрватските компании кои работат во Македонија“, соопштуваат од хрватскиот Парламент.

„Тажни и очајни делуваат соопштенијата на ВМРО-ДПМНЕ секој пат кога ќе бидат фатени во скандал. Наместо да одговорат зошто се луксузираат на грбот на граѓаните, кои тонат во сиромаштија, тие се обидуваат да манипулираат и да го пренасочат вниманието“, реагира СДСМ на соопштението на ВМРО-ДПМНЕ.

„Мицкоски тврди дека нема пари во буџетот за плати, нема средства за субвенции за електрична енергија, нема средства за минимална плата, нема пари за ништо – освен за приватни летови, тропско овошје и луксуз за Владата. Само за тоа има пари во буџетот.

Оваа стратегија на пренасочување на вниманието и лажни тврдења кога се во тесно, одамна е прочитана. ВМРО-ДПМНЕ не ја смени својата тактика повеќе од дваесет години. Како и што работи поранешниот претседател на СДСМ, не е од интерес за граѓаните – тој не е претседател на партијата веќе четири години.

Граѓаните сакаат одговори – дали и кога оваа Влада ќе направи нешто за да им го подобри животниот стандард?

Додека СДСМ беше на власт и премиер беше Зоран Заев, платите се зголемија за речиси 100%, се субвенционираше струјата за граѓаните, цените се држеа под контрола и имаше рекордни субвенции за земјоделците. Овие факти не можат да бидат избришани со манипулации на ВМРО-ДПМНЕ“, се додава во реакцијата на СДСМ.