Разрешената директорка на ОУ „11 Октомври“ од Скопје не заминува од својата функција, а родители на учениците бараат в.д директорт Васко Лазаревски, да ја извршува функцијата.

По скандалот со затруени стотина ученици во училиштето н почетокот на учебната година, директорката Даниела Костадиновска беше разрешена од фукнцијата, а на нејзино место беше поставен Васко Лазаревски, но од тогаш до денеска, поранешната директорка не сака да ја напушти позицијата.  „Со незаконско решение на градоначалникот, на 23.09.2015 сум разрешена од функцијата директор на училиштето со образложение дека сум ги занемарила своите законски обврски. Против решението на градоначалникот, доставив жалба до Државната комисија за одлучување во управна постапка и постапка од работен однос во втор степен. Одговорот на жалбата го добив на 26.10.2015 во кое пишува дека жалбата се уважува. Решението на градоначалникот на Општина Центар за разрешување на директор пред истекот на мандат се поништува. Ова не може да се занемари, ова се факти“, рече директорката во своја одбрана, пред новинарите и родителите кои влегоа во канцеларијата.Лазаревски вели дека тој управува со училиштето, а дека Костадиновска седи во канцеларијата на секретарката.„Се утврди на Родителски совет дека валиден сум јас директор в.д., сè до завршување на онаа постапка со разрешената директорка Даниела Костадинова. Сега разрешената дитекторка е во канцеларија кај секретарката, јас сум во директорската канцеларија. Значи, раководам со училиштето“, рече Лазаревски.Родителите влегоа во канцеларијата велејќи и на директорката дека треба да си замине бидејќи не е веќе легитимен директор,  а дека две години наназад не дозволувала училиштето да функционира нормално. Тие ја обвинија за неодамнешниот случај за затрување на ученици, обвинија дека имало обиди за киднапирање ученици во дворот на училиштето, дека има неправилни кадровски промени, но дека директорката одбивала да ги сослуша родителите и децата.Костадиновска им рече на родителите дека ќе свика Родителски совет, каде ќе разговараат за сите прашања, но родителите само прашаа кога, затоа што до сега, таа одбивала тоа да го направи. Според родителите, најважен е интересот на децата, а директорката треба да сфати дека училиштето не е партиска институција, во која важат политички одлуки. /крај/мф

Извор: Foto: PlusInfo