Рокот за поднесување барање за отпис на долгови на примателите на социјална и постојана парична помош и невработените коишто подолго од 12 месеци активно бараат работа, истекува на 13-ти октомври, потсети во петок министерот за труд и социјална политика Диме Спасов, при неговата посета на Центарот за социјална работа- Велес.

Тој информираше дека 950 граѓани од Велес веќе имаат поднесено барање за еднократен отпис на договите. 

„Апелирам до граѓаните кои ги исполнуваат условите пред се на примателите на социјална и постојана парична помош и невработените коишто подолго од 12 месеци активно бараат работа, да го поднесат своето барање до 13. октомври кога и завршува финалниот рок за поднесување барање. Целта е да ја остварат својата можност за еднократен отпис на долговите за електрична и топлинска енергија, радио дифузна такса, извршитеслки трошоци, банкарски кредит со цел да ја надминат тешката состојба во која се наоѓаат како последица на тешката светска економска криза“, потенцира Спасов“, рече Спасов. 

Тој воедно информира дека на ниво на Македонија има околу 32 илјади барања коишто се поднесени од страна на граѓаните, а се очекува да продолжи динамиката и сите кои ги исполнуваат условите да ја искористат оваа можност. 

Спасов вети дека министерството и во иднина ќе продолжи да реализира проекти во Велес. 

„На пример Форумот со работодавачи со цел работодавачите да се информираат за активните мерки за вработување, како и со средби со невработените со цел да им се презентираат мерките коишто можат да ги искористат за побрзо вработување“, рече Спасов. 

Најави и продолжување на проектот „На секое дете му е потребно семејство“ со цел да се зголеми бројот на згрижувачки семејства.Министерот Спасов информира дека во план е и отворање Дневен центар за слепи и деца со оштетен вид. Минатата година во Велес, потсети, се отвори Народна кујна.крај/мф