Македонија
СДСМ во Штип, ВМРО-ДПМНЕ во Битола

На единаесеттиот ден од изборната кампања за предвреените парламентарни избори што ќе се одржат на 11 декември, ВМРО-¬ДПМНЕ и Коалицијата „За подобра Македонија“ ќе одржи митинзи во Демир Хисар и во Битола.
Митинзите на СДСМ и Коалицијата „За живот во Македонија“ се закажани за Пробиштип и за Штип.
Митинг Демократската партија на Албанците во четврток ќе одржи во Матејче.
Коалицијата за промени и правда вечерва е во Кочани, а прес¬конференција на носителот на кандидатска листа во ИЕ 2 Јове Кекеновски во општина Бутел.
Прес¬-конференција на Коалицијата „ВМРО за Македонија“ во Охрид, во просториите на ВМРО Народна партија.¬
Митинзи на Алијансата за Албанците во Брвеница и во Желино
Претставници на Движењето Беса ќе ја посетат Стопанската комора на северозападна Македонија, која ќе им ја презентира својата економска платформа./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вчера 794 сообраќајни прекршоци на територијата на целата држава, 163 за брзо возење

Од вкупно издадените 794 платни налози во текот на вчерашниот ден од страна на полициските службеници во рамки на сообраќајните контроли на патиштата низ земјата, по основ на прекршоци од делот на неправилно паркирање беа изречени 269 платни налози, по основ на возење со брзина поголема од дозволената 163 санкции, за возење без возачка дозвола изречени се 69 мерки, извести МВР
„Статистички гледано изречени се 57 мерки по основ на неносење сигурносен појас, потоа 20 санкции за користење мобилен телефон при возење, 33 санкции за пешаци и три за неносење заштитен кацига.
Инаку вчера изречени се седум санкции за возење под дејство на алкохол. Согласно пак одредбите од Законот за возила, 12 возила се исклучени од сообраќај заради техничка неисправност, а 10 возила затоа што не биле со важечка регистрација“, соопштуваат од МВР и додаваат дека сообраќајните контроли продолжуваат и во наредните денови.
Македонија
Ѓорѓиевски и „ЕУ за чист воздух“: Се садат чинари во училиштата и градинките во општина Кисела Вода

Градоначалникот на општина Кисела Вода, Орце Ѓорѓиевски, денес присуствуваше на акцијата за садасување на дрвја чинари во ООУ „Кузман Шапкарев“ како дел од големата еколошка иницијатива, што Општината ја спроведува во сите училишта и градинки. Оваа акција се реализира со поддршка на Канцеларијата за проектни услуги во рамките на проектот „ЕУ за чист воздух“, финансиран од Европската Унија, која ги донира садниците.
„Засадувањето на секое дрвце е инвестиција во иднината на нашите деца. Како Општина, континуирано работиме на подобрување на квалитетот на воздухот и животната средина. Оваа донација е особено значајна бидејќи се насочува токму кон училиштата и градинките – местата каде што нашите деца растат и се образоваат. Покрај многуте акции за пошумување, во сите училишта поставивме прочистувачи на воздухот, а во поголемите паркови на отворено – надворешни пречистувачи, достапни за сите граѓани. Нашата заложба за чиста и здрава животна средина нема да запре овде. Продолжуваме со реализација на еколошки проекти, кои ќе донесат подобри услови за сите жители на Кисела Вода“, изјави градоначалникот Ѓорѓиевски изразувајќи голема благодарност до Европската Унија и до Канцеларијата за проектни услуги за донацијата и поддршката на иницијативата.
„Овој проект е уште еден доказ дека споделуваме исти вредности – грижа за околината и за здравјето на идните генерации. Благодарност до сите што придонесуваат за оваа благородна цел. Заедно создаваме почиста, позелена и поздрава Кисела Вода“, додаде Ѓорѓиевски.
Македонија
Од 1 април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“

Министерот за здравство Арбен Таравари утрово потврди дека на повредите од пожарот во Кочани во Литванија, каде што беше на лекување, им подлегна Александар Карадакоски. Во Литванија бил испратен со 40 отсто изгорено тело.
„За жал, утрово, два часа пред да тргнам за Липково, ја добив лошата вест дека еден пациент е починат во Литванија. Од четворицата пациенти, тој беше најкритичниот. Од 1 април му откажа работата на бубрезите, практично беше ставен на дијализа и, за жал, утрово ја добив лошата информација дека починал. 40 отсто од телото му беше со изгореници. Од почетокот главен проблем беше инфекцијата, огромната површина рани што ги имаше на телото. Да се надеваме другите критични пациенти да поминат подобро и да ни се вратат во државата“, рече министерот Таравари утрово по посетата на Здравствениот дом во Липково.
Карадакоски е еден од четворицата пациенти за кои министерот постојано известува дека се во критична состојба. Министерот Таравари утрово извести дека од 80 пациенти што се лекуваат во странство, во овој момент има петнаесетмина, кои се интубирани, сите други дишат самостојно.